โทรหาย้อนว่าอ้าย...ห่วง

[วัฒนชัย หาริโร]

น้องสาวเอย ยังคงเดิมบ่น้อเจ้า ความฮักเฮายามไกลห่าง

ช่องระหว่างอกข้างซ้าย มีไผใกล้เข้ายัดแซม

มีหยังแกมความฮักอ้าย ยามอยู่ไกลให้หมองหม่น

หรือมีคนคอยออดอ้อน ให้ลืมอ้ายแล้วไป่น้อ

ที่โทรหาหลายสายจ้อ ย้อนใจน้อยอ้ายบ่สร้วง

มันเป็นห่วงความฮักอ้าย ย้านมาพ่ายยามยุไกล

โปรดเห็นใจแหน่เด้อหล่า ยามโทรช่อยรับแหน่

หันมาแคร์หัวใจบ้าง คนผุฮ่างที่จ่มหา...แหน่เด้อน้องสาวเอย