ลืมยังน้อเจ้า...มื้อกินข้าวฮ่วมพา

[วัฒนชัย หาริโร]

น้องสาวเอย...อยุ่เมือหลวงเมืองฟ้า คึดฮอดนาเฮาแหน่บ่

หรือเจ้าลืมแล้วบ้อ มื้อกินข้าวฮ่วมพา

หัวโนนนาเคยจาเกี้ยว ทางสายเทียวมื้อเก่าๆ

ภาพความเก่ายังตามล่า พาใจอ้ายให้คึดเห็น

ย้านมันเป็นเพียงความเศร้า แค่บอกเล่าผ่านความหลัง

ย้านความฮักอ้ายเพพัง คือข้าวพามื้อลาม่าง

ได้ไปย่างในห้างโก้ เป็นไฮโซแล้วมาดใหญ่

บ่เหลียวแลแกงไก่ต้ม ทั้งลืมก้อยไข่มดแดง...แล้วละบ้อน้องสาวเอย

[พล พระยาแล]

หืย...โตหนังสือกะสีจางคัก ย่านแต่ผุเถ่ามาอ่าน..หาแว่นก่อน

[นู๋น้อย]

ยังบ่ลืมดอกเด่ออ้าย ทั้งปิ้งไก่ในจานตำบักหุ่ง
ทั้งผ้าถุง ซิ่นงามน้องยังจำจื่อไว้
รอมื้อใด๋เบิ้ดหนี้แล้วจะคืนแซวหาบ้านซ่อง..อ้ายเอ้ย
หม่องที่เคยหมุนหมอนนอนเวน ฮ่มกกแต้
หม่องที่เคยแส้ แหย่มดแดง แทงเบิ่งไข่
ทางเคยไล่ยิงกะปอม น้องบ่ลืมดอกเด่ออ้าย..เด้อ

บ่เคยลืมแนวกิน

[wundee2513]

ก้อยกุ้ง ต้มหน่อไม้ เป็นตาแซบดีแท้น้อง...

[lungyai1123]

อ้ะจะี..จ๊ากกก..มีแตแนวแซบๆสุดยอกของมักเน๊าะมาโอมกันยุหนี่นี่เอง ha ha ha ให่กินนำแนเด้อออออ

[จำปา]

แนวกินมีแต่แนวเป็นตาแซ่บ บ่ลืมดอก อิอิ

[ร้อยหมื่นพันไมล์ไกลบ้าน]

...

บ่เคยลืมดอกอ้าย มื้อฮ่วมงายกินข้าวป่า
เทิงก้อยกา ซุปบักหมี่ ลาบขมปี๋ จี่ปลาเผา
อ้ายแกะเอาก้างออกให้ ยังฝังใจบ่ลืมเลือน
ยังย้ำเตือนทุกคืนวัน นอนหลับฝันอีกพันมื้อ
สี่ห้องใจยังคืออ้าย บ่าวพี่ซายคนบ้านนา
คอยเวลาสิหวนคืน กลับสู่ฝืนบ้านนาเฮา
คืนหาอ้ายซายผู้เก่า ยังฮักเจ้าบ่วางวาย...เด้ออ้ายเอย...:l-

[chudhancock]

ม่วนหลายแท้ๆเลยหลานวัฒจ๋าสุดยอดเลย

[ขอโทษที่คิดถึง...เด็กดื้อ]

ก้อยกุ้งเป็นตาแซบน้อจ้า....ให้กินนำแนะจ้า อิอิอิ