กำลังแสดงผล 1 ถึง 6 จากทั้งหมด 6

หัวข้อ: ...แม่นสิเจอแต่ความเศร้า ขอฮักเจ้าบ่เปลี่ยนแปลง...

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ...แม่นสิเจอแต่ความเศร้า ขอฮักเจ้าบ่เปลี่ยนแปลง...

    มื้อเจ้าลาป๋าจากอ้าย คุณค่าชายแค่แฟนเก่า
    ความฮักเฮามาเลิกล้าง เพราะทางน้องนั้นเปลี่ยนใจ
    พ้อผุใหม่ใคกว่าพี่ ฐานะดีเทิ่งรูปหล่อ
    ถอนสมอรักจากอ้าย ไปปักไว้หม่องใหม่แทน
    คนบนแผ่นโลกานี้ พ้อคนดีที่ไคกว่า
    กะต้องคว้าเอาไว้ เข้าใจน้องอยู่ดอกนาง
    บ่ไปขวางเจ้าดอกหล่า บ่คิดว่าเธอทำผิด
    ทุกชีวิตต้องคิดฝัน ก้าวสู่วันที่ใสแจ้ง
    ถึงว่าในมะโนแม้ง ปานเข็มแทงถั่งใจพี่
    ในฤดีแสนปวดช้ำ พอปานผ่ำบ่มหนอง
    นางเอ้ย..เหมิดทั้งในใจสี่ห้อง เจ้ายึดครองเกลี้ยงอ่อยฮ่อย
    ยังเฝ้าคอยฮักแต่เจ้า เจ็บปวดร้าวกะส่างตาม
    เวียนมาถามใจกี่ครั้ง กะบอกยังฮักคือเก่า
    ร้อยพันเหงาเข้ารุมล้อม อ้ายยอมได้เพราะรักเธอ
    แม่นสิเจอร้อยความช้ำ น้ำตาไหลอีกหลายเทื่อ
    เศษรักในใจเหลือ เหลือ ยังแฝงเฟือเฝ้าฮักหมั่น แต่เธอนั้นบ่เปลี่ยนแปลง...คำแพงเอ้ย..


    ...แม่นสิเจอแต่ความเศร้า  ขอฮักเจ้าบ่เปลี่ยนแปลง...
    ...แม่นสิเจอแต่ความเศร้า  ขอฮักเจ้าบ่เปลี่ยนแปลง...

  2. #2
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    อ่านแล้วกะออนซอนนำเนาะครับ เข้ากับชีวิตข่อยตอนนี้คัก

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    พบปะพูดคุย

    ความฮักปากบ่ได้..ความในใจอั่นแสนหม่นแท้น้อ
    สุดจะทนเก็บรับไว้ หัวใจร้าวหนาวน้ำตา..อ้ายเอ่ย
    คนที่เคยปลูกฮักไว้..เขาหนีใจไกลลาห่าง
    เหลือแต่ความอ้างว้าง..ความเหงาเอ่ย แม่นสุคืน

    ฝืนกะฝืนไปบ่หม้ม..ข่มหัวใจบ่ให้เจ็บ
    อยากหาคนมาส่อยเย็บ..รักษาใจให้ดีฟ่าว
    เคยลองเอาหาฮักแท้..แลเทียวหาทางฮักใหม่
    แต่หัวใจบ่อาจห้าม..ลืมเจ้าใด๋หน่ายแท้น้อ..

    อ้ายเอ่ย..เก็บน้ำตาหัวใจเจ้า ถ่าผู้เขามีฮักแน่นั้นละเด้อ
    คงจะเจออีกบ่ดน ฟ้าหลังฝนคงใสแจ้ง..อยู่ดอกน่า
    คือจั่งปลาถืกน้ำฝน หม่นโคนตมออกมาฟ่าว
    คือจั่งข้าวถืกลมต้อง..หัวใจหมองให้สดชื่น เด้ออ้ายเด่อ


    :l-:l- บัดสิว่า เป็นกำลังใจให้จ้าท่านอาจารย์ พรุ่งนี้ย่อมดีกว่าเสมอ เน๊าะจ้า

  4. #4
    Banned

    วันที่สมัคร
    Oct 2010
    กระทู้
    757
    บล็อก
    4
    น่าตอบ..อิอิ..

    มื่อที่ลาป๋าจากอ้าย คุณค่าชายยังคือเก่า
    ฮักสองเฮาบ่อเพม้าง แต่ทางน้องจำต้องหนี
    หากวามีชาติหน้า บุพเพพามาพ้อกัน
    อย่าซะมีวันฮ้าง ขอฮ่วมทางทุกชาติไป
    ได้มาเจอกันชาตินี้ นับวาดีแล้วพี่จ๋า
    ขอเวลาที่เหลืออยู่ มาดูแลพ่อแม่บ้าง
    พ่อแม่นางหาคู่ให่ ย้อนถืกใจผู้บังเกิด
    ลูกประเสริฐควรทำตาม เพิ่นจั่งห้ามให่คบชาย..ซั่นแล่วพี่เอ้ย...

    อิอิตีลังกาลงแบบมั่วๆฟ้าวไปอาบน้ำก่อน...

  5. #5
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ถืกหลาวแหลนเป็นแสนเล่ม ทิ่มถั่งเต็มสรรพางค์พี่
    หากชีวีบ่ดับดิ้น บ่ทันสิ้นชีพวาย
    เรี่ยวแรงพอถอดถอนได้ ถกถิ่มไปให้ไหลหลุด
    ศาตราวุธที่ปักกาย ลูกผู้ชายบ่เคยย้าน
    แสนสิทรมานฮ้าย เมื่อหัวใจอาลัยหล่ำ
    คะนึงนำตั้งแต่เจ้า จนเหงาง่วงห่วงอาวรณ์
    ยังคิดนำเขาอ้อนต้อน บ่อาจถอนใจให้ห่าง
    สิทิ้งขว้างกะบ่ได้ ไปบ่ม้มจมรักเธอ
    นี่ละเด้อ...ที่เขาเว้า ว่ามดแดงเฝ้าหมากม่วง
    ควงกะควงบ่ได้ กินกะกินบ่ได้ เทียวไต่ต้นหม่นแต่ใบ..แท้น้อ..



    ขอบคุณพี่น้องทุกคอมเมนท์ครับ กำลังใจที่ดี Thank..

    :l-:l-

  6. #6
    ศึกษาหาความรู้ สัญลักษณ์ของ หนุ่มน้ำโขง1
    วันที่สมัคร
    Apr 2010
    กระทู้
    48
    คมคักน้อคับ ญาอ้าย มาหลอยอ่านตะของคะเจ้านิหล่ะ ตะของคึดบ่ออก อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •