กำลังแสดงผล 1 ถึง 7 จากทั้งหมด 7

หัวข้อ: ถามข่าว อ้ายหมาน้อย กับพี่น้องห้องกลอน ทุกท่าน

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8

    ถามข่าว อ้ายหมาน้อย กับพี่น้องห้องกลอน ทุกท่าน

    สายเอ้ย สายลมจ้อย คือจั่งสายลมวอย
    อ้ายหมาน้อย คือมิดหมี่...แทะน่อ
    เป็นจั่งได่ หรือไปลี้ ตั้งแต่กี้เที่ยวแวะหา
    ห่างกันไปหลายหน้า กาลเวลาบ่พาต่าว
    บ่าวผู้เคยหยอกเย้า มาหายจ้อยได้จ่มนำ
    ลืมแล้วบ่คำเว่า คิดฮอดกันเคยฝากส่ง
    ลงไปท่งฟันหญ้า หรือว่าเข้าป่าไม้ ขวัญใจน้องบ่อวยหา
    .....สิบมีนาสิฮอดนี่ อยากชวนพี่มาฟังลำ
    ฟังสำเนียงวาจา ที่ผ่านมาหลายปีแล้ว
    มันกะมีแต่แคล้ว หลายปีบ่พ้อพี่
    มาแน่น๊า.... ปีนี้ สิพาพี่ มั่วหน้าฮ่าน ..... เบิ่งกะน๊า.... ฮ่าๆๆๆ (เข้าป่าไปแล้วผญา ข่อย ฮิ้วว)

    ปล...จุดประสงค์คืออยากชวนอ้ายหมาน้อย อ้ายมั่วหน้าฮ่าน ญา ทิวาราช ดาวเหนือ ตุ๊กตา น้องหมุน้อย น้องต่าย พี่สายธารกาลเวลา พี่น้องห้องกลอนรุ่นเก่าๆ (แต่บ่เฒ่าเดะ คิ คิ ) ทั้งหลายมาร่วมปาร์ตี้ อิสานพาแลงให้พ้อหน้า พ้อตากันจักเทื่อแน่ คิดฮอดกันเนาะ คั่นว่างๆปีละเทื่อมาพ้อกันเด้อจ้า .....:l-
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  2. #2
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    สิมีไผมาบ่น้อเอื้อย เอื้อยต่ายนะน้องโทรหายุเรื่อยยุ มาบ่ได้ดอกหล่าพะนะ

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    ฮ้องฮ่ำให่ย่อนว่าอยากให่มา คึดฮอดเด้ขวัญตาให่ฟ่าวมาแมนโฮมตุ้ม
    บ่แยกเพิ่นแยกข่อยบ่แยกเลาให่แตกต่าง พากันมารับจ้างกะคองถ่ามื่อพบกัน
    มาเด้อพี่และน่องผองเฮาลวมน่องพี่ คบขวบปีอีกแล่วกะหวังล่วมฮ่วมขบวน
    จั่งได่ซวนมวลพีน่องมาม่วนซื่นนำกัน ขั่นพอมีเวลาตอบกับมาให่ลับลู่>>ซ่านแหลว

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    เหลียวเห็นบักงิ้วแห้ง...แฮงใจคือมาเหี่ยว...แถะน้อ
    ได่ยินเสียงน้องเพิ่นเว่า....คึดฮอดเจ้าผู้บ่มาแถะแหล่ว

  5. #5
    ศิลปิน นักเขียน สัญลักษณ์ของ maanoy
    วันที่สมัคร
    Jul 2006
    กระทู้
    2,271
    หล่าเอ้ย อ้ายดีใจอย่างสุดซึ้ง ลุกตึ่งตังมานั่งตอบ
    ขอขอบคุณเด้อไก่น้อย บ่อลืมข่อยส่างจ่มหา
    ยากตั้งแต่แม่ไปพุ้นเวียกงานทั้งโซป่วย
    ทั้งหนหวยกระพองพุ้นใจวุ่นบ่อวางวาย
    ยังบ่อหายไปได๋ดอก ยังอยากหยอกอยู่เสมอ
    ว่าแต่เธอคั้นเปิดใจ อ้ายสิโสขออ๋ออ้อน
    อยากไปอยู่งานเผิ่นพุ่นหลายปีอยาก แวะหย่าง
    อยากพ้อเผิ่น ไก่น้อยนาง ผู้เผิ่นงามกะด้อขอโย๋ไว้ บาดเถือลุน

    สวัสดีทุกท่าน ที่ยังมีใจคิดฮอด อาตมา เอ้ย ข่อยกะเป็นสมาชิกที่นี่มานาน หลายปีแล้วกะบ่อเคยไปสัมผัสไออุ่นบ้านมหาเผิ่นจัดจักเถือ อยากไปยุแต่ว่ามีแต่แนวยากๆ ครับพี่น้อง
    กะขอให้สนุกมวนซื่นโฮแซวเด้อพี่น้อง ในนามหมาน้อยกะส่งกำลังใจให้ทุกๆคนทั้งคนเก่า และ ใหม่ ทั้งหลาย หมาน้อยกะยังเป็นหมาน้อยวันยังค่ำ เป็นคนเดิม คนที่เคยคิดฮอด คนที่เคยอ้อนออดภาษากลอนกวี มีทั้งขบขัน มีทั้งซึ้ง มีทั่งน้ำตาไหลยาวๆ
    แต่กะยอมรับยุว่า ผู้เผิ่นทั้งหลาย ได้หายหน้าหายตาไป ไปได้ดิบได้ดีอย่าสุลืมหมาน้อยตาเปียกเด้อ55+

  6. #6
    Banned

    วันที่สมัคร
    Oct 2010
    กระทู้
    757
    บล็อก
    4
    เห็นเพิ่นเอิ้นว่อนว่อน...เสียงฮ่ำฮอนหาพี่น้อง
    แม่นไปล่อง เลาะอยู่แกได๋ ก็ให่ฟ้าวมาไวไว เด้อ พี่น้อยเอ้ยย
    สิบมีนาซิฮอดนี่ เป็นวันดีมีงานใหญ่
    บุญงานใหญ่พาแลง มาเบิ่งแงงแน่เด้อท่าน
    เฮามาร่วมหันหน่า เอาบุญบ้านมหานำกัน
    สายสัมพันยังคือเก่า ให้ฟ้าวเข้ามาเด้อพี่น้อง
    ความปรองดองแบบเครือญาติ บ่อเคยขาดจากกัน
    มาซ่อยกันสืบสาน ภูมิพื้นบ้านภาคอีสานเฮาไว้
    แม่นยุใกล้หรือไกล กะให้มาเด้อพี่น้องเอ้ยย

    เอิ้นพี่น้องซ่อยไก่น้อยจ้า อิอิ

  7. #7
    ศิลปิน นักเขียน สัญลักษณ์ของ maanoy
    วันที่สมัคร
    Jul 2006
    กระทู้
    2,271
    เว๋ย เผิ่น คนชื่อหนึ่งกะด๋าย จังแมนเผิ่นเนาะ
    อย่าแตงถะลีปี้ (ผ่วน) ดีหลายควมปาก
    บ่อแมนแส่งเข้าเปื้อ(ผวน) เบื่อหมาน้อยกะบ่อตายอิอิเด้อ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •