บอกคำเดียวกะได้หล่า หากน้องว่า
"ขาดเขาบ่ได้" อยู่หม่องได๋กะคงเหงา เจ็บบ่เซากะคืออ้าย
ฮักหล๊ายหลายกะยอมได้ บ่ต้องไล่ด้วยเมินเฉย คำเฉลยจากแววตา คือสั่งลาให้ยอมพ่าย
เฮ็ดนำหลายดีนำเจ้า คงซ่ำเก่าเสมอโต ถึงสิโชว์ความห่วงหา แค่เวลาจ่องดึงไว้
เรื่องหัวใจที่พังพ่าย กะคงกลายเป็นแฟนเก่า เผลอหยิบเอามือถือบ้าง วางคำเว้าเฝ้าส่งหา
คำบอกลาครั้งสุดท้าย บ่มีหลายคำเว้าต่อ อ้ายเพียงขอเผิ่นฮักเจ้า บ่เซาอ้อนตอนห่วงใย
สุดทางใจไปตามตื้อ อ้ายบ่ยื้อให้เขาหน่าย ในความหมายที่อยากเว้า ว่า
"ฮักเจ้ายังคาใจ" นั่นแหล่วเนาะ
[FLASH]http://music.gmember.com/flash/jedakrAkraM.swf?songid=1205757301&autostart=0&adslot=5[/FLASH]
กลอนอิสานหวานปนเศร้า คือเก่าครับ เขียนเล่นเขียนหัว มีบางคนถามผมว่าคิดเขียนแบบนี้ บ่ย่านเขาก๊อปปี้ไปใช้บ้อพะนะ ผมว่าอยากได้กะเอาไปโลดครับ จั่งได๋กะบ่มีไผก๊อปปี้เอาความคิดออกจากโตผมไปได้ดอก อุดมการณ์คือเก่าครับ อยากเขียนกลอนในทำนองของภาษาอิสาน ถึงสิหวานซ้ำซากกะอดสาอ่านเอาเด้อครับ คิดม่วนกะเขียนขี้คร้านกะเซาถ่อนหล่ะครับพี่น้อง ขอบคุณนักอ่านที่ผมเขียนโพส แล้วกะมีบางท่านคอยตอบให้กำลังใจกันครับผม.....................บ่าวโจ่โล่
Bookmarks