กำลังแสดงผล 1 ถึง 4 จากทั้งหมด 4

หัวข้อ: แกงเห็ดบดใส่น้ำย่านาง ส่งจากทางลาซาลครับ

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174

    แกงเห็ดบดใส่น้ำย่านาง ส่งจากทางลาซาลครับ

    ตกมาปีนี้อากาศทางลาซาลซงสีหนาวๆ ตั้งแต่อยู่มา 5 ปีกะมีปีนี้ล่ะเด้อพี่น้อง ซูปีมีแต่ฮ้อนกับฝน
    ย้อนอากาศซงสีเย็นๆ เฮ็ดให้คิดฮอดบรรยากาศทางบ้านเฮา เลยคิดหาแนวซดฮ้อนๆเบิ่งกะน้า
    ซอกเบิ่งในช่องฟิชเห็นถุง "เห็ดบด" ที่เอามาแต่บ้านเฮา แช่แข็งยุตั้งแต่ตอนออกพรรษา เลยเป็นที่มาของกระทู้นี้ครับ

    แกงเห็ดบดใส่น้ำย่านาง ส่งจากทางลาซาลครับ

    แนะนำอีกจักหน่อย บางท่านอาจสิคิดว่า "เห็ดบด" กับ "เห็ดขอนขาว" เป็นอันเดียวกัน ขอบอกว่าเป็นเห็ดคนละอย่างเด้อ
    แต่เป็นเห็ดตระกูลเดียวกันซือๆ เห็ดบด กะคือดอกอ่อนของเห็ดกระด้างนั่นเอง ดอกสิออกสีน้ำตาลเข้มตั้งแต่เกิด (ตามรูปด้านบน)
    ส่วนเห็ดขอนขาว สิมีสีขาวตอนเป็นดอกอ่อน พอแก่โตมาสิออกเป็นสีน้ำตาล ดอกแก่สิซุปบ่ได้คือเห็ดกระด้าง
    เพิ่มเติมครับ เห็ดบด เห็ดลม : http://thainorthernfarms.igetweb.com...e&qid=41926303


    เกริ่นมาหลายแล้ว เข้าเรื่องเลยครับ
    วัตถุดิบ : เห็ดบด , หัวซิงไค , พริกแห้ง , หอมแดง , ผักอีตู่ , ใบผักขา , ใบย่านาง
    เครื่องปรุง : น้ำปลา , น้ำปลาแดก , ผงนัว
    ข้อสังเกตุ : ถ้าแกงใส่น้ำย่านาง สิบ่ได้ใช้วัตถุดิบที่มีรสเปรี้ยวครับ สิเฮ็ดคล้ายๆเฮาแกงหน่อไม้ แต่บ่ได้ใส่ข้าวเบือ
    ถ้าแกงเห็ดธรรมดาทั่วไปจั่งสิใส่ใบผักติ้ว ใบโมง ใบกระเจี๊ยบให้ออกรสเปรี้ยวนำ ครับผม


    เอาเห็ดบดออกจากช่องฟิช พักไว้ให้น้ำแข็งละลายครับ

    แกงเห็ดบดใส่น้ำย่านาง ส่งจากทางลาซาลครับ

    แกงเห็ดบดใส่น้ำย่านาง ส่งจากทางลาซาลครับ


    ล้างใบย่านางให้สะอาด แล้วคั้นให้ได้น้ำข้นที่สุด แฮงข้นหลาย แฮงแซบหลาย (ซื้อที่ตลาดลาซาล 10 บาท)

    แกงเห็ดบดใส่น้ำย่านาง ส่งจากทางลาซาลครับ

    แกงเห็ดบดใส่น้ำย่านาง ส่งจากทางลาซาลครับ


    ทุบพริกแห้ง หอมแดงพอแตก ตามด้วยหัวซิงไคลงในหม้อ ปรุงรสด้วย น้ำปลา น้ำปลาแดก ผงนัว แล้วยกขึ้นตั้งไฟ

    แกงเห็ดบดใส่น้ำย่านาง ส่งจากทางลาซาลครับ


    ระหว่างรอหม้อเดือด กะย่างลงไปเก็บผักอีตู่ กับผักขายุข้างฮั้วหน้าหอ ป้าเจ้าของหอเพินปลูกไว้ครับ ได้มาซำนี้ล่ะ ผักขาบ่ป่ง ย่อนเบิดฝนแล้ว

    แกงเห็ดบดใส่น้ำย่านาง ส่งจากทางลาซาลครับ


    พอหม้อเดือด กะว่าน้ำย่านางสุกแล้วจั่งใส่ผักขากับผักอี่ตู่ลงไป ซิมรดชาดแล้วยกลงเสิร์ฟได้เลยครับ

    แกงเห็ดบดใส่น้ำย่านาง ส่งจากทางลาซาลครับ

    แกงเห็ดบดใส่น้ำย่านาง ส่งจากทางลาซาลครับ


    ซดน้ำฮ้อนๆกะเข้าท่ายุ เปลี่ยนบรรยากาศ กินแต่ข้าวตามสั่งหลายกะหน่ายเป็นเด้เนาะพี่น้อง

    แกงเห็ดบดใส่น้ำย่านาง ส่งจากทางลาซาลครับ


    แนวกินตื่มกะได้ตำแจ่วพริกดิบ ทอดปลาหมึกกับกุนเชียง ขั่วจี่หล่อ ตบท้ายด้วยกล้วยไข่

    แกงเห็ดบดใส่น้ำย่านาง ส่งจากทางลาซาลครับ


    มาครับ กินข้าวแลงนำกัน เล็กๆน้อยๆจากทีมงาน ขอบคุณเอื้อย-อ้ายที่แวะยามกระทู้ ขอบคุณบ้านมหาสำหรับพื้นที่นำเสนอครับ
    แก้ไขครั้งสุดท้ายโดย หยก ยโสธร; 13-12-2013 at 22:40.

  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    ว้าววว....แกงเห็ด กินได้ซุมื่อบ่เบื่อ ขาดแต่คนแกงให้กินนี่หละน้อง 5555+
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    บ่าวหยกมาเก่งแท้หือเฮ็ดแนวอยู่แนวกินกะเป็นสมเป็นลูกชาวนาอยู่แล้ว
    หน้าตาอาหารกะเป็นตาแซบนำ

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    เมนูเข้ากันดีคัก บ้านเฮาหาหยังกินง่ายๆเนาะจ้า
    เป็นตารวยไปหน้ายุดอกน้องบ่าวหยอก โอ้ะ หยก ฮ่าๆๆ
    มองต่าง..อย่างปลง

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •