กำลังแสดงผล 1 ถึง 7 จากทั้งหมด 7

หัวข้อ: ยาก

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    ยาก

    ล่ะยากหลายเด ยากนำการงานยุ่งมุงมาคือฮากไผ่
    ยากนำไก่สิออกลูก ยากนำแบ้สิเฮ็ดฮัง
    ยากนำวังบ่อมีขอนข่วงพรานแหเขาสิหว่าน
    ยากนำความขี้คร้าน ยากนำหว้านดอกอยู่สวน
    ยากนำมวลสาวส่ำน้อยมาอิ่นออยทุกเซ้าค่ำ
    ยากนำคำปากเว้าคดีเรื่องที่ก่อกวน
    ยากนำมวลซุมเจ้า นายโตผู้ศักดิ์ใหญ่
    ยากนำไซหน้าแล้งบ่อหมานสร้อย กุ้ง ซิว
    ยากนำสิวกุมขึ้นหน้า ยากนำนามูลอีแหม่
    ยากนำแจเล้าน้อย ข้าวเหลือหน่อยย้านจ่อยโซ
    ยากนำโตผู้ต่ำต้อยหากินทุกเซ้าค่ำ
    ถ้วยปลาแดกผัดบ่อจ้ำ ไปหาหม่ำแต่ไก่ตุ๋น
    ยากนำบุญที่ทำสร้าง ถางทางหาหม่องเผิ่ง
    เหิงปานใด๋สิถืกลอตเตอรี่ สิหลุดหนี้พ้นทุกข์จน
    แก้ไขครั้งสุดท้ายโดย ทิดจ่อย; 22-03-2012 at 11:32.

  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    ปร๊าดดดดดดดดดดดดดดดดดยากหลายปานนี้ติครับอ้ายทิด

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    ท่านอาจารย์ ยากนำสาวส่ำน้อย ฮ่าๆๆๆ

  4. #4
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    ..ยากหลายแนวน้ออ้าย ตั้งแต่กกจนปลายบ่มีแนวสิได้ง่าย
    เหงื่อบ่ไหลไคลบ่ย้อยบ่มีได้ดอกดั่งหวัง
    อจิจังคนเฮานี่ฮ้ายหรือดีที่โตก่อ
    ควมมีพอหาเอาได้สุขนั้นอยู่บ่ไกล..ดอกนา




    จ่มทุกข์จ่มยากคักแถะอ้ายทิดจ่อย

  5. #5
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ยากนำคนผู้เคยเว้าบ่อฮู้ข่าวว่าเป็นตาย
    ยากแลงงายบ่อมีสุขทุกข์สิตายนำควมยาก
    ยากนำดากอยู่ก้นยากนำผมที่เหลือหน่อย
    ยากนำออยลูกหล่า ผ่องเมียน้อยสิอยู่ไฟ
    แนมไปไสกะมีแต่แนวยากปานเอาดากไปไว้หง่อน
    ปานเอาขอนไม้แต้สุมไฟย่างอยู่หว่างทรวง

  6. #6
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    ฮ่วยมันคือสิยากคักยากแนแท่น้อท่าน.....

  7. #7
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    787
    อ้ายทิดจ่อย คือยากคือผมแท้ครับ ยากนำโตผู้ต่ำต้อยหากินทุกเซ้าค่ำ
    ถ้วยปลาแดกผัดบ่อจ้ำ ไปหาหม่ำแต่ไก่ตุ๋น
    ยากนำบุญที่ทำสร้าง ถางทางหาหม่องเผิ่ง
    เหิงปานใด๋สิถืกลอตเตอรี่ สิหลุดหนี้พ้นทุกข์จน มันกะหวังสำนี้ละครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •