ใกล้จะสิ้นเดือน อิหยังกะบ่พออยู่พอกิน เด่อพี่น้องเอ่ย ฮ่าๆๆ อดสากินสืบมื้อไปซามเงินเดือนออก
ป่นบักเขือ>>>เคยเป็นเมนูเด็ดและประจำ ตอนอยู่หอพักนักศึกษา 4 ปีที่จากท่งนาทางสีเกดมาอยู่เมืองกรุงบ่ตายนำ ป่นบักเขือกับแจ่วบอง นี้ละพี่น้อง ฮ่าๆๆ
มื้อนี้ เห็นบักเขือถุงละ10บาท ขายในรถพุ่มพวง(รถตลาดมอไซด์ที่เขาเฮ็ดของใส่ถุงห้อยต่องแต่งแถวบ้านเอิ้นรถพุ่มพวง อุ๊ยุ๊อายะ มีเบิ้ดสุแนว เน้นๆอาหารอิสานบ้านเฮา)
ซื้อบักเขือ กับ เห็ดเฟือง ปลาทูเข่งน้อยหนึ่ง และได้ปลาแดกต่วงมานำถุงหนึ่งไว้ตำบักหุ่ง
ล้างทุกอย่าง ก่อนเอาลงหม้อ รวมกันต้มใส่น้ำปลาแดกเทื่อเดียวเหลียวเห็นยอดผักติ้วกำลังงาม พอดีเลยเป็นส้มตื่มกัน
ผ่านไปสิบนาที..โดยประมาณเกือบไหม้หม้อคาแต่ฝอย
จัดการกับเห็ดเฟียงก่อน สับๆให้พอบ่ต่อนใหย่ ผะถ่าวกินนำได้ ฮ่าๆๆ โหม่มลึดพอดีคำ
แล้วกะแกะปลาทูเอาก้างออก ตำใส่กับบักพริก เบิ่งสีสันแล้ว เผ็ดชัวร์
จากนั้นก็ เอาทุกอย่าง บักเขือ เห็ด ลงไปตำให้เข้ากัน ปรุงรสด้วยผงชูรส กับน้ำปลาร้า นิดหน่อย เพราะน้ำปลาเบิ้ด
เสร็จแล้วซิมเบิ่ง รสชาต เค็มนิดๆเผ็ดน่อยๆ ส้มนำผักติ้วบ่ส้มแฮงพอดีแซบ ประชากรร่วมวงกินข้าวนำนับมือได้กะ....12 มือ 6 คนหยาดกันกินแซบยู่เด้..น้อ
มื้อลุนพ้อกันใหม่ ซามจะฮอดเงินเดือนออกเมนูต้นตำหรับชาวหอพักจะมีหลายยู่เดือนนี้ ฮ่าๆๆ ไผ๋ๆกะเบิ้ดสภาพเพราะว่าเก็บเงินเมือไปเที่ยวสงกรานต์บ้านเฮา..ตามนั้น
ลากันด้วย ต้นผักติ้ว...ผักแต้ว อิอิ
ขอบคุณเดิ่นบ้านมหาที่เอื้อเฟื้อหม่องวางพาข้าวมื้อนี้
Bookmarks