คึดนำซู่เก่า

[โป้ยก่าย]

นกเขาคู้พรากคู่กะยังขัน
กาเวาวอนพรากคอนกะยังฮ้อง
น้องพรากอ้ายคำเดียวบ่เอิ้นสั่ง
คันบ่เอิ้นสั่งใกล้สังบ่เอิ้นสั่งไกล

ไหมแจมฝ้ายแพลายพือห่ม
ลมพัดต้องหนาวเนื้ออยู่ดาย
หลายวันมื้อปีเดือนแถมถ่าย
อ้ายอู่พี้คนิงน้องฮ่วนหา แท้แหล้ว














ุ่

[wundee2513]

จังใด๋แหล่วแนวเจ้าไกลไปมื้อหน้า
ย้อนวาสนาผลาน้อยบุญอ้ายบ่สม
ทุกข์กะซ้ำกรรมกะเติมหนีบ่โม่ม
แล้งแล้งลมลมสมน้ำหน้าซาตา เจ้าของซั่นแหล้ว...

[สาวบ้านนา]

แนมมิ่งนั้น คือดั้งวาสนา

บารมีมุง เหลื่อมงํากรวมกั้ง

วาสนาเคยสร้าง กองบุญชาติก่อน

เคยได้เก็บดอกไม้ ในต้นฮ่วมกอ


อ้ายๆคึดฮอดเด้อ หยามใดเจ้าสิโทรมาเว้าเรื่องขําๆให้นางได่หัวล้ออีก

[โป้ยก่าย]

เป็นจั้งใด๋น้อหล้าสาวบ้านนายังจำอ้ายได้บ่
คราวนั่งเล่นอยู่ฮ่มค้อเถียงนาน้อยพ่อใหญ่ศรี
นานหลายปีบ่เห็นหน้าอยากมาจาถามข่าว
ว่าเจ้ายังเป็นสาวหรือหากมีคู่ซ้อนดนแล้วบ่ข่าวเถิง

สำบายดีหล้ายังอยู่ดีมีแฮงอยู่ตั้ว

[จำปา]

นกเขาคู้พรากคู่ขานขัน
กาเวาวอนจากคอนฮ้องหาคู่

น้องหากเอิ้นสั่งอ้ายยามห่างไกลอย่าไลห่าง
แม่นจากไกลแดนพื้นถิ่นบ้านน้องบ่ลืม..ดอกเด้อ

ไหมแจมฝ่ายแพลายมอบไห่พี
ยามสายลมพัดต้องแพผืนน้อยห่มกาย

หลายวันมื้อเดือนปีพ้นผ่าน
ใกล้สงกรานต์ปีใหม่แจ้งคงได้พ้อบ่าวพีชาย..นั่นแหล่ว

พะนะ มาแจมนำเด้อค่ะ

[โป้ยก่าย]

จำปาเอ้ย
เจ้าผู้บุุปผาสร้อยสุคนธาหอมกลิ่น
ถวิลหาต่อตั้งประสงค์เจ้าจั้งกล่าวจา
อยากเห็นเด้อยากเห็นหน้าฟังวาจาคือจั้งค่อง
คันแม่นบุญฮอดน้องคือสิพ้อพบกัน หล้าเอ้ย

[จำปา]

อ้ายเอ่ย
นามจำปาบุปผาน้อยขอนำฮ้อยผุเป็นพี
ด้วยใจมีฮักหมั่นสัมพันแน่นแก่นผญา
เอยวาจากล่าวเว้าหากคำได๋บ่ถืกปอง
ขอญาอ้ายสอนน้องได่เฮียนฮู้เอยนำ..แนเด้ออ้ายเอ้ย

[โป้ยก่าย]

ม่วนๆนำกันเนาะครับ
. เฮาหากเทียวทางพ้อ นำกันหลายเทือ
น้องบ่จำจือหน้า ผะอวนอ้ายกะเลาลืม ซั้นแล่ว
ใจประสงค์ต่อไม้ จังได้แบกขวานมา
ใจประสงค์ต่อปลา จั่ง แบกแหมาพร้อม
คันแมนเป็นตาได้ สีสานไซมาใส่
คันบ่เป็นท่าแล้ว สิแจวดั้นด่วนคืน ซั้นแหล่ว
อ้ายอยากถามข้าวอ้อย ป้องห่างลำงาม นั้นนา
มีเครือหนาม เกี่ยวพันแล้วยังน้อง

[จำปา]

อ้ายเอ้ย
น้องนี่มีหนึ่งแก้วใสส่องครองขวัญ
เปรียบดั่งเป็นเกราะทองคุ้มครองขวัญแก้ว
คันแม่นบุปเพสร้างผลามาแต่ปางก่อน
ขอได่เป็นพี่น้องมารดานั้นต่างอุทร..ได่บ่น้อ

[บ่าวน้ำพอง]

โอ้ยน้ออ้ายนี้บ่อยากเว้าเอื้อนเอ่ยวาจา
ตั้งแต่เจ้าจากมาอ้ายกะยังจำได้ว่าได้เล่นฮ่วมกัน
เป็นจั่งได๋น้อน้องหล้าคิดฮอดอ้ายแน่บ่น้อหล้าเอ่ย