เป็นหยังหลายบ่น้อหล่า...

[วัฒนชัย หาริโร]

เป็นหยังหลายบ่น้อหล่า เบิ่งแววตาน่าเป็นห่วง

มีบ่วงหยังคอยดึงรั่ง มีแฮงยั่งสู้บ่ไหว

หรือในใจมีหยังซ่น ความหมองหม่นคอยตามติด

เรื่องปัญหาของชีวิต หรือเรื่องงานเบิดทางแก้

มีคนแลเอาใจสู้ คอยผลักสู่อยู่ทางไกล

มีหัวใจที่ยังฮัก และภักดิ์เธอแค่เพียงนั้น

ถึงคืนวันสิเลวร้าย ใจยังหมายคอยเป็นห่วง

ซ่อยดึงบ่วงที่เหนี่ยวรั่ง ประทังสู้อีกหนึ่งแฮง

พอเป็นแสงนำทางไต้ สู่ทางใหม่ที่มีหวัง

ใจที่ยังคงมีกัน ไปสู่วันที่ฝันไว้...ละน้อน้องสาวเอย

[สหายพง]

ปร๊าดๆๆๆๆๆๆๆๆๆๆติโธออกมาเป็นกลอนแล้วแสดงว่าสาวพยาบาลคนนี้มิอิธิพลต่อใจช่างกึ่มแฮงเด้อนี้

[สายลม]

ใกล้แล้วตี้หล่าๆๆๆๆๆๆ บอกเอื้อยนำแน่เด้อ

[จำปา]

คันน้องหล่าผุนั้นได้อ่านผญาบทนี่แล้ว เผิ่นคือสิดีใจหลายน้อน้องวัฒ

ซึ้งตรึงใจ...อิอิ