เดือนห้ามาฮอดแล้ว แนวฮีตมหาสงกรานต์
ขอให้ทุกท่านสุขสำราญ เบิกบานฤทัยชุ่ม
ให้ดั่งซุมแก่นคูนต้น ดอกเหลืองโหย่น โอ้นโต้นก่อง
ส่งความฮักถึงพี่น้อง เป็นมาลัยค้อง ทั่วทุกคน
ให้เจ้าสุขหลื่นล้น ทุกคนสาดกระแสสินธุ์
บ้างปะโฉมปรุงประทิน ด้วยกลิ่นหอมกระป๋องแป้ง
สาวผุแพงคิงท่า ผู้บ่าวส่ามาฮักหอม
สิได้พร้อมหน้ากัน สรงน้ำสงฆ์ในวันตุ้ม
ต่างพากันหัวยุ้ม แย้มสรวลชวนม่วน
ทั้งมวลมิตรผองเพื่อน เกลื่อนบ้านหากม่วนยิล
กระแสสินธุ์ชำระกาย สะอาดใสให้บุญส่ง
สิ่งประสงค์ให้ไหลโห่ง โฮมตุ้มหลั่งมา
พลานามัยแกร่งกล้า โรคาอย่าบังเบียด
สิ่งเสนียดจัญไร ให้หายไปกับกระแสน้ำ
สิ่งเลวร้ายให้เจ้าข้าม ความดีงามจงเสริมส่ง
บุญกุศลส่งยู้ ชูขึ้น เจริญยิ่งทั่วทุกคน ท่านเอ้ย
Bookmarks