ซิดเบ็ดบ่อสวนป้าเหลา เทือที่ 2....อ๋อยๆๆๆ
มื้อวันเสาร์ที่ ๗เม.ย.๕๕ พอดีสมาชิกหยุดพร้อมกันสามคน กะเลยซวนกันไปหาซิดเบ็ดหาแนวมากินแลงกันเบิ่งกะน้า เรื่องของเรื่อง...
กะเลยตกลงกันว่าไปบ่อสวนป้าเหลานี่หละ หม่องเคยไปหม่องเคยได่ปลายี่สกโตละสามโลมาก้อยใส่มดแดง...:l-
บรรยากาศภายในบ่อตกปลากะโอเคยูครับมีหม่องหลบแดดหลบฝนนำยู
ท้องฟ้ากะเปิดยูครับมื้อนี่แดดบ่ฮ้อนหลาย มีขี่ฝ่า(ก้อนเมฆ)นิดหน่อย รอบๆบ่อกะมีกระท่อมน้อยไว่ให่หนุ่มๆสาวๆไปติวเข้มซิดเบ็ดกัน
มื้อนี่ลงเบ็ดกันแคสามคัน
ปลาบู่ตาบอดพี่น้อง แลนมาตำเบ็ดแมะ
โตนี่เพิ่นว่าปลาในว่าซ้าน ซาวบ้านซิดได่โตเหลืองง้ามงามเลยขอถ่ายภาพมาฝาก
ตั้งเค่ามาแล้วพี่น้อง ผู้รับเหมารายใหย่ตกมายามได๋ซุมก่อสร่างหยุดเฮ็ดงานเหมิดโลด
ได่ปลาดุกตบท้าย เทิงฝนตกเทิงลมมาแฮง เกือบซัวโมงกะเลยพากันเก็บเบ็ดกลับบ้านกะบ่ายสามโมงเกือบสี่โมงแลง
ได่ปลาเมือกินแลงซำนี่หละพี่น้อง ขาดสามโลยูหนึ่งขีด มาๆพี่น้องมาเอาปลาไปเฮ็ดกินกัน มีหน่อยกะกินตามหน่อยละเนาะ มื้อนี่ยอมรับว่า FAIL บ่ได่ลุ้นปลาใหย่คือเทือแรกจ้ากโต ว่าแมนสิได่ปลายี่สกสามโลจักโตไปก้อยใส่มดแดงอีก อดเลยมื้อนี่ญ้อนฝนนี่หละเทิงลมกะแฮง....อ่อยยยยยยย
คลิ๊กดู...เทือตำอิดตำก่อตั้งแต่ปีที่แล้วที่ทีมงานไปซิดเบ็ด บ่อสวนป้าเหลา
ทริปหน่าพ้อกันใหม่ :*- :*-บ้านมหาดอทคอม และท่านสมาชิกที่ติดตามชม
ผลงานเล็กๆน้อยๆของทีมงาน บ้านฅนไท โคราชบ้านเอง สวัสดีครับผม
ไหนๆกะไหนๆแล้ว เอาปลาไปเฮ้ดกินนำกันให่มันแล้วโลดเนาะครับ...
เถิงเฮือนแล้ว แลงมากะให่แม่ครัวจัดการ ต้มกับนึ่งปลานิลกินแลง
สูตรไผสูตรมันโลดเนาะครับ ไคแนตะว่าได่ปลาสดๆมาเฮ็ดกินเนื้อมันกะหวานจ้วยๆ
มาครับมา หิวเข่าแล้วบาดนี่ มาแซบบบบนำกันนนน
Bookmarks