บ่าวจัยสิพาไปเอาปลาข่อน

[บ่าวจัย]

พ้อกันอีกกับกระทู้เอาปลาข่อนครับ หลังจากมื้อวานผมพาไปยามจั่นแล้ว
มื้อนี้ผ่านไปทางสิไปเถียงนาน้อยนี้ละครับมันสิผ่านสระน้ำ แต่ว่าน้ำสิแห้งแล้วมีตะนกเจ่าลงหากินปลา
เลยจอดรถไว้หย่างลงไปเบิ่งเห็นปลาแลนมุดขี้ตมสงสัยสิโตไคแนยุเลยจัดการลงเล่นตมเลย
ตามมาพี่น้องสิพาไปเอาปลาข่อน

สระน้ำหม่องนี้น้ำใกล้สิแห้งแล้ว บริเวณรอบๆบ่อครับ

น่นละพี่น้องหม่องขี้ตมนูนๆนั่นละ มันมุดเข้าไปว่าแล้วกะถอดเสื้อลงไปงมเบิ่งเลยครับ

นักแสดงอาจสิแต่งโตบ่สุภาพเด้อ อย่าสิพากันฮากใส่เด้ละ

นี้ล่ะครับโตที่มันมุดหนี้ ขี้ตมกะลึกคักย้านเสื้อเอาบุญถืกขี้ตมเลยถอดไว้เถิ่งรถจักขี้โพ้ขี้ตมเนาะพอปานกัน

ได้โตแรกแล้วกะตามหาโตที่สองเลยครับ

พ้อแล้วครับ แล่นมุดป่่าผักแว่นได้ก้อยกุ้งเก็บไปกินกับคือสิคักเนาะครับผักแว่นนิ

โชว์ปลาเด้อครับบ่แม่นขี้โผ้:l-

ผลงานโตที่สองครับ เห็นมีหลายโตยุปลากิเดิดกะหลายปลาเขงกะมีแต่ว่าบ่เอามันโตน้อยโพด
เอาไว้ให้นกเจ่ามันกินซะ:l-

จากลากันด้วยภาพนี้เลยละครับพ้อกันอีกกระทู้หน้าสิพาลงน้ำไปงมหอยจูบครับ ขอบคุณพื้นที่บ้านมหาดอทคอมเด้อครับ