กำลังแสดงผล 1 ถึง 8 จากทั้งหมด 8

หัวข้อ: ..ชีวิตหนี้..

  1. #1

    ..ชีวิตหนี้..

    ตกสมัยสุมื้อนี้ การเฮ็ดนากะหันอ่วย
    บ่ใช้ควายคือแต่กี้ บ่มีอ้องแอกไถ
    บ่ว่าเหนือหรือใต้ พากันใช้แต่ควายเหล็ก
    ไปซื้อมาแต่นำเจ๊ก ผ่อนดาวน์กะปานนั้น
    ค่าน้ำมันปานโจรปล้น แต่ละคนต่างดิ้นดั่น
    เทิ่งค่างวดกะจ้อจั้น ใกล้วันมื้อสิส่งเขา
    ใสสิค่ากับข้าว เทิ่งหนี้เก่าคอยทวงถาม
    อยากได้รถคันงามๆ กะไปดาวน์เขามาใช้
    พอหนี้หลายหัวกะหยุ่ง นุงนังปานฮังไก่
    หาเงินมาบ่ทันใช้ อุกใจเอ้ากอดเข่าซึม
    หาหม่องยืมหาหม่องกู้ โฉนดที่วางประกัน
    ดอกรายเดือนรายวัน สิผันไปกลายเป็นต้น
    ผู้ลังคนจนถิ่มบ้าน ภูมิสถานที่เคยอยู่
    อดสาบู๋สู้บากบั่น เพื่อวันหน้าได้ผ่องใส
    ที่ขานไขแถลงแจ้ง เพื่อแสดงให้เห็นฮ่อม
    ตามที่ซอมทุกทั่วบ้าน กะขานเว้าเป็นดั่งเดียว
    อย่าห่อเหี่ยวเด้อใจท่าน เป็นคือกันบ่ผิดเภท
    เบิ๊ดทั้งเขตประเทศนี้ กะเป็นหนี้คือจั่งเฮา..นั่นแหล่ว..สู้ๆๆ


    :l-:l-:l-


  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    พบปะพูดคุย

    เป็นไปตามยุตตามสมัย ควายบักตู้(ราคาบ่ถึงหมื่น)>>รถแต๊กๆ(ราคาหลายหมื่นบาท)>>รถอิส้มน้อย( ราคาหลายแสนบาท) ยอมเป็นหนี้พะนะ

  3. #3
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    กะซ่างหัวมันเถาะ พลายเอ้ย น้องอย่าจ่ม
    การเป็นหนี้ บ่คือเจ็บป่วยไข้ โตฮ้อน วิ่งวิน
    คันบ่ซั่น หนี้สิน เพิ่นสิว่า ฤๅน้อง
    สินจริงจริง กะแม่นหนี้ เป็นจริงแท้ ดั่งโบราณ
    ทำงานไปเรื่อยเรื่อย เพียงโรคาบ่บังเบียด กะเอาดอก
    ขออย่าเจ็บป่วยไข้ เรื่องเงินกู้ บ่อสะออน ดอกเด้อน้อง
    5555ฮิ้วๆๆๆๆๆๆๆๆ

  4. #4
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    นีละน้อชีวิตคน....
    เฮ็ดจังได๋บ่เป็นแหล่วแนวว่านำสมัย คั่นเฮ็ดไปคือเดิมกะบ่มีวันพ้น
    หนีความจนซุวันมือจังได๋คือสิพ้นผ่าน แม่นเฮ็ดงานการสร้างคือมื้อเก่าหลัง
    ซุคนคิดที่ตั้งคือสร้างต่อทำกิน ให้เสมอทัดเทียมซ่ำเขาในบ้าน
    เลยพากันไลลาทิ่มควายบักเลแอกคราด เอาควายเหล็กมาเฮ็ดสู้จังสิได้ว่าซอยแฮง
    แพงซ่ำได๋กะสิสู้สูงซ่ำได๋กะบ่ว่า ทั้งรถรากะพ่องนั้นจังเข่า(เข้า)สู่สถาน
    เอาเฮือนซานไปซ่อยค้ำที่นานำเทิงสวนไฮ่ ควายบักเลพ่องตู้กะคือด้ามดังกัน....พี่น้องเอ่ย

  5. #5
    ชีวิตมันกะเป็นแบบนี้หละ บ่มีหนี้ กะบ่มีหน้า ต้องสู้กันต่อไป

  6. #6
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    เว่าควมแมนจะของนี้มักแต่ผญ๋าอ้ายหนุ่มหน้าลาวซั่นแหลวน้องเอ้ย

  7. #7
    เพิ่นวา..คนเป็นหนี่ เป็นคนที่มีควมคิดตัวคับ แต่วากะอย่าเป็นหลายเดอ(หัวคิดใหญ่)

  8. #8
    แบ่งปันความรู้และประสบการณ์ สัญลักษณ์ของ หนุ่มเมืองดอกบัวงาม
    วันที่สมัคร
    Nov 2008
    กระทู้
    34
    ถืกใจหลายครับกับชีวิตที่เกิดมาใช้หนี้

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •