สวัสดีครับพี่น้องพ้อกันอีกกับกระทู้บ้านๆของบ่าวจัยเนาะครับ ช่วงนี้ว่างเลยปล่อยของออกหลายแน
อย่าฟ้าวพากันเปิดหน่ายก่อนเด้อครับ มื้อนี้สิพาลงหนองน้ำ น้ำเย็นใสไหลเย็นสบายเพราะว่ามันเป็นฝ่ายน้ำ้น
ที่บ่าวจัยเคยงกระทู้ซิดปลากะแยงนั่นละครับ ตามมาเลยมาเอาหอยกาบไปผัดแนครับหลายคักยุนาผุข้า
หย่างผ่านสวนผักสวนหมากพริกแม่เฒ่าเพิ่นปลูกไว้ข้างหนองน้ำ งามคักยุแต่ว่าบ่ได้เก็บมากินเลย
กล้วยกะปลูกไว้พอได้ตัดมาห่อข้าวต้ม พอได้เอามาห่อหมกเนาะครับ
หมากพริกกะมตะหน่วยงามๆ เผ็ดคักเด้อหมากพริกซุมนี้ ผมว่าผมกินเผ็ดยังต้องยอมเลย
ตัดบทมาตอนลงน้ำเลยละกันครับกับหอยกาบโตแรก หอยกาบมักสิมุดอยู่ตามดินทรายครับ
มันสิฝังโตลงในดินเกือบสิเบิ่ดโตเลย สิเหลือโพล่พ้นดินมาหน่อยเดียวต้องงมค่อยๆจั่งสิเห็น+ความสามารถเฉพาะโตนำ:l-
แน่นอนยุแล้ว ผุติดตามต้องเป็นน้องนานา ขาดบ่ได้ต้องปลูกฝังวิธีหากินให้เขาตะน้อย
ใหญ่มาสิได้บ่ขี้คร้านสิได้หาแนวกินเป็นย้านเขาซ่อยโตเองบ่ได้แหมะ
เลากะหาเก่งยุเด้ล่ะ ได้โตได๋กะเอามาอ้งพ่อ
ชมภาพไปก่อนเด้อครับ ทุกภาพมีความหมายของมันเองบ่ต้องได้บรรยายภาพยากดอก
เริ่มได้หลายแล้วกะเริ่มเล่นละครับบาดนี้
เก็บเอาจนว่าเต็มข่องลอยแล้วครับ ว่าสิเอามากินกรุงเทพนำพร้อมพุ้นแหล่วความคิดแต่....
มื้อนี้ลมแฮงคัก น้ำกะเย็นสบายจนบ่อยากขึ้นจากน้ำพุ้นละแหมะข่อย
หนักหลายจนข่องสิจมน้ำแล้วครับ
นี้แหละหน้าฝายพี่น้องหม่องมาซิดปลากะแยงกับปลาอิก่าตะตอนหน้าฝนนะครับ
นี้แหละผลงานไปงมกับลูกสาวสองคน ทีแรกว่าสิเอามากินกรุงเทพนำมาฮอดบ้านแล้ว
มีตะคนอยากกินนำยามไปหาบ่มีไผ๋ไป หามาได้บ่อึดตะคนอยากต้มเบิ่ดจนว่าเต็มถาดพาข้าว
ผมบ่มีคำสิเว่าเลยหย่างไปตำแจ่วมาจิ่มถ่อนั่นแหล่วสิเว่าหยังได้ แม่นบ่พี่น้องมันสุกละเด้
อีกมุม(เดียวกันนั่นล่ะ)อิอิอิมาเด้อครับมาจิ่มหอยนำกันอิอิอิอิ ลากันด้วยภาพนี้เลยละกันครับพ้อกันอีกเร็วๆนี้:l-
ที่สำคัญที่ลืมบ่ได้ ขอบคุณเว๊ปบ้านมหาดอทคอมแห่งนี้ที่เอื้อเฟือพื้นที่ให้ผมได้ลงภาพครับ
Bookmarks