กำลังแสดงผล 1 ถึง 3 จากทั้งหมด 3

หัวข้อ: ...บ่าวนาคอยน้อง...

  1. #1

    ...บ่าวนาคอยน้อง...

    พระพิรุณรินพรมพื้น แผ่นดินคืนความอึนซุ่ม
    หม่องเลิงลุ่มคุ่มคล้อย พลอยจื้นเจิ่งนอง
    ห้วยและหนองที่เคยแห้ง คลองแก่งที่เคยเขิน
    อุทกเทินเทถม ถาบทาเถิงน้ำ
    กุดจี่ดำสนุกด้น สาละวนเวียนแว่
    เทียวไง้แหย่โหยบย้าย ทะลายขี้อยู่ขวย
    ฝูงวัวควยเลาะเล็มหญ้า ใกล้เถียงนาข้างโพนข่อย
    ควายบักแลโตน้อยๆ คอยด้นหม่นคู
    ผักอีตู่พวมแตกก้าน ผักหวานพวมแตกหน่อ
    ทั้งผักขอผักคันจ้อง กะพ่องปิ้นป่งแหนง
    ดอกบัวแดงแทงพ้นน้ำ ดอกบัวคำกำพวมป่ง
    ปูปลาลงแหวกว่าย บ่กายท้างหว่างกอ
    ดั่งคนรอคอยน้อง ยังคองอยู่เด้อ..หม่องเก่า
    ยังคอยเฝ้าเจ้าสุมื้อ คือด้ามดั่งปลา
    ยามเจ้ามา..พอปานฝนสาดต้อง ปีติเต็มเต้นตื่ม
    ยามเจ้าลืม..คือดั่งปลาขาดน้ำ ระกำไห้ใส่ขี้ตม..พุ้นแหล่ว..นางเอ้ย..



    :,1-:,1-:,1-


  2. #2
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    โอ้ว...สุดยอดครับท่าน เป็นพรรณาผญา มองเห็นภาพควายบักตู้เขาแลกำลังหม่นขี้ตมอยู่แจคันแทน้อครับ ....เอาอีก ๆ ๆ

  3. #3
    ศึกษาหาความรู้ สัญลักษณ์ของ คุณฉุยเลย
    วันที่สมัคร
    Jan 2012
    ที่อยู่
    พระนครศรีอยุธยา
    กระทู้
    411
    อ่านแล้วเห็นภาพเลยครับ "ควายบักแลโตน้อยๆ คอยด้นหม่นคู" ตอนนี้แถวเลยบ้านผม เปลี่ยนจากเฮ็ดนา เป็นปลูกอ้อยหลายแล้วครับ ควายก๊ะหาเบิ่งยาก บ่มีเด็กน้อยเลี้ยงควายคือแต่กี้แล้ว

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •