หลังจากที่ผมพาพี่น้องไปหาแนวกินมาแล้วสี่กระทู้มื้อนี้สิไปเล่นน้ำสงกรานต์
เพราะว่ามาช่วงสงกรานต์สิไปหาตะแนวกินหลายกะบ่แม่นเนาะ
ว่าแล้วกะเอาโอ่งมังกรขึ้นรถเลย เติมน้ำให้เต็มชวนเอาลูกๆหลานๆจนเต็มรถ มุ่งหน้าสู้หาดคำสมบูรณ์
ก่อนสิไปฮอดกะผ่านหมู่บ้านมีคนเล่นน้ำตามหน้าบ้านเต็มไปเบิ่ด บางบ้านกะสิเฮ็ดเป็นต้นเงินพร้อม
หาเงินทำบุญเข้าวัด ผมกะโดนไปหลายกองยุมื้อนั่นบางหม่องโดนทั้งไปและกลับเลย:l-
คักหลายกะแม่นแม่แลงที่กำลังเต้นยุนี้ละครับ เต้นตั้งแต่ผมไปจนผมกลับกะยังบ่เซาจักว่าเลาเอาแฮงมาตะใสกะยังว่า
ผ่านเข้ามาใน อ.เซกา บ่ไหวครับรถติดหลายเลยเข้าในซอยหนีเข้าเล่นน้ำกัน
แล่นมาหน่อยหนึ่งมาพ้อสามสาวนี้กำลังมันส์เลย และแล่นมาเรื่อยๆพ้อคนที่มีอุดมการณ์เดียวกันอีก
รถเริ่มติดอีกแล้วเพราะว่าใกล้สิฮอดจุดหมายแล้วครับ คนมากันเยอะมาก
มาฮอดแล้วครับหาดคำสมบูรณ์ นานาโดนเขาสาดน้ำหนาวคักเด้เพิ่นว่า
บอกให้มาน่งในรถกะบ่มาอยากเล่นน้ำพะน่ะเพิ่นว่า ทีแรกกะเห็นสาดน้ำยุดอก พอโดนเขาสาดน้ำแข็งใส่ถิ่มขันน้ำเลยเพิ่นฮ่าๆๆๆๆๆ
หย่างลงมาหาด คนเยอะมากแนวกินกะหลายถืกใจขี้เหล้าคัก ผุสาวกะหลายพี่น้อง
มาเช่าห่วงยางให้เด็กน้อยเล่นน้ำ เจ้าของกะนั่งเฝ้าซุ้มน้อยยุเถิ่งฝั่งอิอิอิ
พากันไปแล้วบาดนี้ ได้ห่วงยางแล้ว
หลังจากส่งเด็กเล่นน้ำแล้วกะเลยหย่างหาแนวมักมาใส่ปากน้อยๆซันล่ะละ
ที่เห็นเป็นซุ้มๆนะนั่งฟรีเด้อครับบ่ได้เสียเงินดอก แต่ว่าต้องสั่งแนวกินเขาเด้
ลากันด้วยภาพนี้ละครับ เที่ยวคักๆแล้วกะกลับมาลุยงานต่อ
ปีหน้าค่อยว่ากันใหม่เนาะครับ ขอบคุณพื้นจัดลงภาพบ้านมหาดอทคอมครับผม
Bookmarks