เบิ่งเพิ่นเบิ่งเฮา

[ครูต้วย]

ตั้งแต่เริ่มเข้ามาเป็นสมาชิกของบ้านมหา ดีใจจังได้รับการต้อนรับ มิตรไมตรีอันงดงามแบบคนอีสานบ้านเรา ครูต้วยขอคารวะจากใจค่ะ ครูต้วยเป็นชื่อท่ีเรียกขานกันจริงๆค่ะ ไม่ใช่นามแฝงแต่อย่างใด ทุกวันนี้ก็เป็นป้าต้วย แม่ต้วย อาต้วย หรือผู้หลักผู้ใหญ่ ก็เรียกอีต้วย นางต้วย สรุปแล่ว ซื่อต้วยอีหลีซั้นดอกหวา:,1-
เกริ่นหัวเรื่องไว้ว่า เบิ่งเขา เบิ่งเฮา ครูต้วยสิพามาเบิ่งฝรั่ง มาเบิ่งบ้านเมืองเขา ผู้คน อาหาร อากาศ วัฒนธรรม ประเพณี ฯลฯ แบบจับฝรั่งมาถอดเสื้อเบิ่งกันโลด หาหัวข้อไว้ถะจ่มซั่นดอก
คันพี่น้องพร้อมแล่ว ครูต้วยสิพามาถอดเสื้อฝรั่งเด้อ บ่ได้นู้ดหือวาอนาจารเด้อแอดมินทุกท่าน ถอดเสื้ออย่างเดียวดอกเด้:
มื่ออื่นครูต้วยสิเดินทางไปอิตาลี พอดีวันจันทร์โรงเรียนหยุดเพิ่ม วันอังคารเป็นวันของพวกเฮา กะเลยได้หยุดยาว กะเลยตัดสินใจมื่อวานนี่เอง สี่คนพ่อ แม่ ลูก สิพากันหนีอากาศเย็นไปหาอากาศอุ่น ไปกินแป้งจี่กับหมี่ไข่ :,1-
บ่ต้องห่วงครูต้วยเด้อพี่น้อง บ้านที่ข่อยพักบ่ไกลจากฮ้านขายของซำเวียดนาม ได้ม่วนกันละพี่น้อง คึดฮอดกันแน่เด้อจ้า กลับมาสิมา สปีคพื้น (เว่าพื้น)ฝรั่งให้ฟัง แล้วพ้อกันเด้อจ้า

[ครูต้วย]

ผุได๋ยุทางอิตาลีตอนใต้แจ้งข่าวแนเด้อจ้า อากาศเป็นจั่งได๋ เบิ่งในเน็ตเพิ่นวาอุ่นวาซ้าน

[เค็น]

ข่อยคึดว่าสิได้เห็นอิหยั่งดีๆ...ผัดบ่มีซ้ำ
ขอฮูปประกอบด่วนเลย:l-
กินเผื่อชุมข่อยแน่เด้อ...แป้งจี่กับหมี่ไข่ ทางบ้านเฮาได้กินแต่...เข่าเขียบโป่ง กับ ขนมเส้น





เดินทางให้ปลอดภัย...เที่ยวให้สนุกเด้อครับ

[lungyai1123]

ครัยกะหอก่อซาบเน๊าะว่าซือเผิ่นอีหลีว่าต้วยกะเลยพากันคิดว่านามแฝง
กะต้องขอพระอภัยมณีหลายๆเด้อ หุหุหุ

สุดยอดกะแต่ผ่อลุงเค็นหนิแหล่วหาแนวอยากมาล่อแตเซ้าโพด หิวๆ.ๆ.ๆ.ๆ.ๆ.

[ข้าวต้มมัด]

มาโลดจ้าแม่ไหย่ ข่อยยุอิตาลี่เหมือเด้อ ขี่เครื่องบินผ่านมิลานกะยุนั้นหล่ะจ้า เทียวให้ม่วนเด้อ เริ่มฮ้อนแล้วจ้า