ไปลักเป็ดอ้ายคนภูค่าวมาลาบ

[คนภูหลวง]

มีสายมาบอกว่าอ้ายคนภูค่าวเลี้ยงเป็ดไว้ผูงหนึ่งกะเลยไปลักเอามาลาบสู่หมู่กินโตหนึ่ง ติดตามขั้นตอนเลยครับ

วัตถุดิบ (ดิบอิหลียังบ่ทันสุก บ่ได้ตั๊ว)


เชฟหนุ่มกะจัดการซำแหละด้วยความสามารถพิเศษ สงสัยเคยมีประวัติฆ่าหั่นศพมาก่อน


หลังจากผ่านการซำแหละแยกซิ้นส่วนเรียบร้อยแล้ว


หัวกะเอามาย่าง แห...ทาบัว ไว้ให้ผู้นั่งถ่าอยู่หน้าบ้าน


เนื้อกะเอามาฟักให้แหลก ส่วนเครื่องในกะซอยเป็นต่อนๆ


กระดูกกะแยกต้มซดน้ำ บ่ได้ทอดตามสูตรอ้ายคนภูค่าวซ้ำ เทื่อหน้าก่อน


ผ่าบักโต่น (ฟักเขียว) ใส่ต้มพร้อมเพิ่มรสชาดกลมกล่อม


หนังเป็ดกะเอาทอดรวนเอาน้ำมัน ส่วนหนังทอดสุกกะเอาไว้คนใส่ตอนลาบ


เนื้อที่ฟักไว้กับเครื่องในกะเอามาทอดกับน้ำมันที่ได้จากหนังเป็ด


แล้วกะทอดเครื่องเทศที่เตรียมไว้ (กระเทียม หัวหอม หัวสิงไค ฯลฯ) น้ำมันหนังเป็ดหั่นละ



ทอดพริกแห้งกับใบบักกูดไว้กับลาบ


อ้ายพจน์ สมาชิกบ้านมหา นั่งถ่าให้กำลังใจอยู่หน้าบ้าน จ่มปานใด๋สิแล้วละสู ท้องอ้ายฮ้องจ๊อกๆ แล้วใด๋ พะนะ


กะเลยฟ้าวคนลาบตามสูตร ย้อนผู้เฒ่าจ่มหลาย ย้านโมโหหิว สิกลายเป็นกล่องข้าวน้อยฆ่าน้อง 555


หน้าตาลาบเป็ดตอนฟินิสed


ไปเก็บผักกับลาบข้างบ้านก่อน


อ้าว... ผู้ให้กำลังใจมานั่งสาดถ่าซิมอยู่ทางล่างแล้ว มาบาดเนี้ยพี่น้องมากินลาบเป็ดนำกัน หลังจากนั้นบ่ได้ถ่ายทำต่อ มือบ่ว่างยากนำซ้อน


ส่งท้ายด้วยสวนน้อยของแม่บ้าน หม่องนั่งกินลาบเป็ด


ขอบคุณเว็บบ้านมหาที่อนุญาตให้พื้นที่การนำเสนอครับ

[หมวยเล็ก]

ข้าวเหนียวจักติบเด้...แซบ ซดน้ำฮ้อนๆ สวนกะสวย บ้านกะงาม แซบๆๆ....

[คนตระการ...]

สุดยอดครับ คือสิหอมคักเนาะ ..สิชวนบ่าวจัยไปยามจักมื่ออยู่ดอก
บ้านเพิ่นกะเป็นตานั่งเย็นดีคัก มีอุปกรณ์ประกอบการณ์สนทนาไปพร้อม นั่งได้เบิดมื่อละครับ เว่ากันบ่อเมื่อยดอก555

[lungyai1123]

แนวมักหละลาบเป็ดแล้วกะอ่ำเป็ดสุดเมียงมันหละเน๊าะ

[suny]

เป็นตาแซบเนาะ ยามแลงมาโฮมกัน มีอุปกรณ์เสริมพร้อมอยากไปนั่งนำเด้เนาะ

[เซียนเมา]

ให่ซีมนำแหน่ เป็ดลักเขาว่าแซบหลาย พะนะ

[ณัฐ ภูไท]

เป็นตะพายติ๊บเข่าเลาะไปเยี่ยมแถะเผื่อเลาสิฮอ้งกินลาบเป็ดนำเนาะคือสิแซ่บหลายลาบเป็ดรวมทั้งผักกินแกล้มนำอุดมสมบูณร์คักแท้ออนซอนหลายเนาะเอ้ายก:b-b:b-b:b-b:*-

[อ้ายพจน์]

แซบแท้ๆพี่น้องงานพาแลงบ้านมหาอย่าลืมเมนูลาบเป็ดเด้อ........

[คนภูหลวง]

บ่าวเอ๋: ชวนบ่าวจัยมาเด้ออายลไเอ้ายดุลย์พร้อม สิพาบ่าวจัยไปซิดปลาค่อในคลอง
หมวยเล็ก ลุงใหย่ ซันนี่ นัฐ เซียนเมา: มื้อหน้ามานั่งนำกันเด้อ กระชับวงล้อมกันทุกคืนวันเสาร์

[ฅนภูค่าว]

ของแมนหละแหม ไล่เป็ดเข่าคอกแล้วนับเบิ่ง มันเสียไปไสโตหนึ่งบาดแมนไทพี่น้องทางพี้มาหลอยไปลาบตั๊วะนี่.....



แห....ทาบัวถ่าบ่ได่กินนำ ต้องไปคุยกันยูเฮือนผุใหญ่บ้านเด้อ พร้อมบักสองซาวจักสองขวดก่อนจังคุยกัน.....:l- :b-b :b-b

เอ๋าๆเซิญแซบกะซ้าน อย่ามาหลอยไปเหมิดเด้อเหลือโตแมไว่ให่เฮ็ดแนวจักสองโตแนเด้อ.....:l- :,1-