กำลังแสดงผล 1 ถึง 9 จากทั้งหมด 9

หัวข้อ: เว้าพื้นนางนกกระยางถวายทาน

  1. #1

    เว้าพื้นนางนกกระยางถวายทาน

    บุญกุศลสร้าง ทางธรรมคนให้ต่าง

    นกกระยางการก่อนกี้ ถึงชาตินี้ยังได้เห็น

    อย่าได้เฮ็ดเป็นของเล่น เห็นของดีเป็นของชัว

    หูก็บอดตาก็มัว ทั้งสิบทิศมืดแปดด้าน บ่ฮู้ฮอดหม่องป่องไป

    สาธยายเป็นคำเว้า อยากบอกกล่าวเป็นคำสอน

    ถึงบังอรนกกระยาง ดูสัพพรางค์ได้แต่เอ้

    เอาความเก๋เพิ่นอวดสร้อย ทองมันน้อยต้องใสเพชร

    เม็ดน้ำหนึ่งพุ้นเด้ท่าน ฟังการโอ้เอ้ยจา

    อันเมธีนางหล่า เลยอ้าเอ่ยชวนทำบุญ

    เพื่อสิได้เกื้อหนุน บุญนี้มีเพียงหนนั้น

    สาธุการกันทั่วหน้า เพื่อนพ้องน้องพี่

    คนทำดีย่อมได้ดี อันนี้คือเรื่องจริง

    หญิงเริงร่า หลงสวยรวยรูป

    หาหม่องจูบหอมบ่ได้ เล็บแดงไซร้ได้แต่แงง

    ข้าวต้มมัดแปลงสาส์นหล่า เสวนาเรื่องบุญต่อ

    มาเถิดน้อ.....ขอรับท่าน มาร่วมบุญบ่อนกุศล

    สับปดนเพิ่นบอกให้ มื่ออื่นได๋สิทำบุญ

    ฉันยินดีและเทิดทูล บอกมื่อลุนพ้อเด้อท่าน

    หลายคนทานก็บ่น้อย เลยตามฮอยนกขี้ถี่

    จรรีออกจากบ้าน หวังพานพ้อพบเธอ



  2. #2
    พี่น้องเอ้ย ฉันนี้ไปจนเก้อ เผลอหน้าแดงแรงร้อนผ่าว

    งึดใจสาวคนนี้ พออยากลี้ขี้ดินหนี

    ฟังวจีคำต้าน เตรียมทำทานเพิ่นหากว่า

    ตั้งแต่ฉันเกิดมา บ่เคยเห็นไผ๋จนกว่านี้ ใส่เพชรจี้นี้เรื่องจริง

    หญิงเพิ่นเตรียมเงินให้ ขอดเงินใส่ไว้ในถุง

    เงินมีเต็มกระบุง แต่ใส่ถุงแต่เหรียญน้อย

    เหรียญแดงมีเป็นร้อย หกร้อยเซ็นต์ประเคนป่อน

    นางเลยยิ้มหัวโลดถ่อน ออนซอนเว้าเรื่องเฮ็ดทาน

    สาธุการเอาเด้อท่าน ได้ต้านต่อและขอจร

    ให้บังอรไปแลกไส ให้เก็บไว้ใส่ถุงท่าน

    เงินลูกหลานบ่ขอแย่ง ให้เจ้าแพงเอาไว้สา

    สาธุการเพียงท่อนี้ ลาเด้อพี่นกกระยาง





    เห่อๆๆ





  3. #3
    บ่ได้เจตนาว่าให้ไผ๋เด้อค่ะ คนที่ฟังเทศน์แหล่เรื่องนางนกกระยางขาว จะรู้ดีว่าเป็นอย่างไร
    เหมือนกับเรื่องที่ข้าวต้มมัดแต่งเลยค่ะ


    ใจบ่ใส่อย่าคิดให้ทาน

    สาธุการด้วยใจยังสิได้แก่บุญ พี่น้องเอ้ย

  4. #4
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    บ่าๆๆบ่มีผุไดต่อกลอนกับข้าวต้มมัดอีหลีเด้อ
    หนุ่มบ้านมหาไปไสเหมิ๊ดนอพุได๋ว่างกะมาซ่อยกัน
    วิทยายุทธเพิ่นแข็งแฮงโพดแหม

  5. #5
    ขอบคุณคุณลุงใหญ่ค่ะ ที่ติดตาม ข้าวต้มมัดบ่ได้เก่งปานนั้นดอกค้า
    ครูพักลักจำเนาะ แต่น้องสิเล่าให้จบยุค่ะ

  6. #6


    พี่น้องเอ้ย บ่แม่นฉันเว้าฮ้าย ให้อายเพิ่นเรื่องเงินเหรียญ

    หากนี้คือบทเรียน แต่งเติมเขียนต้าน

    บ่แม่ฉันนี้ค้านคนทานน้อย ย่านร้อยบิ่น

    จิตตนาการเบิ่งเด้อท่าน ฉันสิต้านแต้มต่อไป

    ข่าวบุญเคยบอกไว้ มีบุญใหญ่แต่หลายเดือน

    เพื่อนๆๆต่างพากันโฮแซว ดีใจเป็นแถวสิได้ร่วม

    ยอมือยกท่วมหัวตั้งแต่เค้า นพเอาดีใจสิได้ฮ่วม

    อยากสิมีส่วนร่วม รวมท่านแห่งบุญ

    *************

    กุศลบุญเสริมสร้าง ทางมาโภคทรัพย์

    ขับกิเลสให้หมดสิ้น ยินดีด้วยจึงว่าทาน

    นกกระยางที่เอ้ยอ้าง นางประสานไว้ก่อนหมู่

    ฉันไปสู่เพิ่นสุดท้าย บอกวันนี้สิส่งเงิน

    เว้ารีเทินเรื่องกล่าวไว้ ว่าบุญใหญ่เด้มาถึง

    บุญบ่มีบ่ได้เห็น พิธีกรรมอีกร้อยชาติ

    จงทำใจให้สะอาด อย่าสิพลาดขอทางฮ่วม

    ควมเคยเว้าก่อนกี้ ถึงมื่อนี้ฉันจึงมา

    *************

    บ่แม่นเหรียญสลึงบ่มีค่า ตามปัญญาคนมีบุญ

    แต่กุศลเขาบ่ถึง จึงบ่ได้รับเหรียญไว้

    สาธยายเพียงท่อนี้ ว่าวันนี้สิไปส่ง

    บุญเขาคงเฮ็ดบ่ได้ สิให้โค้งไปแลกใส

    มื่อนี้วันสุดท้าย มันสิสายตะวันเปลี่ยน

    ขอยอเหรียญนี้ยกไว้ อภัยถ่อนน้องบ่อเอา






  7. #7

    นกกระยางนางหล่า หน้าหล่าเสียสี

    เสื้อผ้าดีบอกบ่มีเงิน แต่สิเซิ่นไปเมืองนั้น

    สารวันนำแต่โก้ ถือกระเป๋าโชว์ว่าสิไปย่าง

    สตางค์แดงถิ่มไว้ข้าง เพราะคุณยางต้องรีบไป

    สาธยายของผุข้า พรรณานกขี้ถี่

    เสื้อผ้าดียุบ่แพ้ แต่ใจนั้นหากเสื่อมลง

    หากอนงค์บ่เห็นกับตา คงบูชาเทิดทูลเขา

    เห็นเขาแต่งตัวดี อวดว่ามีดีแต่เอ้

    เสื้อเขาเล่ขายตลาด(นัด) เธอขยาดบ่กล้าใส่

    ลืมแล้วไชร้เชื้อชาติกา หาว่าเสื้อเขาขี้ฮ้าย เธอต้องใช้แต่ของแพง

    นางกระยางจบแต่งแต้ม มีคนดีแถมสิให้เปรียบ

    คนเฉียบคมและแหลมกล้า นางพญาผู้ปราชญ์เปรื่อง

    ขอเอาเรื่องมาเขียนไว้ ให้พี่น้องได้รับฟัง

    นางพญาที่เอ้ยอ้าง คือเอื้อยฮักคนอุบล


    คนต้นแบบและต้นบุญ ที่การุณเป็นแบบนี้

    ดีวิถี่ของชาวบ้าน ทานธรรมตัวเป็นแบบอย่าง

    ฟังคำต้านผ่านเอื้อย สุขใจแท้เล่าให้ฟัง พี่น้องเอ้ย

    เพิ่นคนดีพี่บ่อวด หากสำรวจการถ้วนถี่

    สุดแต่ดีงานเวียก ยอย้องซ้องสามมี

    เว้าแต่ดีบ่มีฮ้าย ใจสบายเว้าแต่ม่วน

    หัวขวน(หัวเราะ)กันแต่วันมื่อ คือพี่น้องได้ฮักแพง

    แบ่งใจกันปันน้ำใจ อยู่แบบไทย ไผ๋บ่ดีบ่ยุ่งเกี่ยว

    บ่พาน้องเลี้ยวเข้าตม บ่ให้งมเรื่องของเน่า

    เบิ่งราศรีบ่เคยเศร้า งามทุกก้าวเช้าและแลง

    แต่งพองามสัมผัสได้ จิตเหลื่อมใสยามต้านต่อ

    ขอจบเพียงท่อนี้ ให้พี่น้องช่อยตัดสิน นั้นแหล่ว







  8. #8
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    อยากต่ออยู่ครับ แต่ไปบ่เป็น ....5555

    ว่าไปนาง ว่าไป กรี๊ดดดดดดด...เอาอีก ๆ

  9. #9
    บ่ตอบกะได้จ้าอ้ายพล พระยาแล แค่เข้ามาอ่านมาคอมเม้นท์ก็ถือเป็นการให้กำลังใจนักเขียนแล้วจ้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •