อาทิตย์ที่แล้ว ขึ้นฝั่ง ไปส่งลูกบุญธรรม มันติดทหารเกณฑ์พีน้อง
ไปตั้งแต่6โมงเช้าพุ้นกะยังวา สวยมาแล้ว ฮ้อน ฮ่อน ๗อำเภอ
มารวมกันแล้วกะรายงานโตขึ้นรถ ได่ภาพมาบ่หลายดอกคับ ย่อนวาฮ่อน
ทหารใหม่1คนมีรถ ญาติๆมาส่ง2คันกะมี 3คันกะมี มันเลยทำให้สวน
สาธารณะธาราที่ก้วงๆแคบลงอย่างถนัดตา ได่ยินแต่เสียงเจ้าหน้าที่ตะหาร
ที่เผิ่นมารับตะหารใหม่ไปกอง ประกาศวา ขอให้พีน้อง ของตะหารใหม่
ออกไปคอยอยู่ทางนอกเด้อคับ อย่ามาตันประตูโรงยิม อากาศบ่ ถ่ายเท
จักหน่อย ลูกของท่านสิขาดอากาศหายใจวาซั่น มันสิเป็นลมก่อนฮ้อดค่าย กะรู้สึกภูมิใจที่เขาได่รับใช่ประเทศซาติ
Bookmarks