อ้างข้อความนี้โอ้ยเบิ่งแล้วกะมีตะของแซ่บๆๆเนาะไล่มาตั้งแต่ปลาแดดเดียว เห็ด หน่อไม้ สุดยอดกะคือแมงแคนจิกอันนี้ของมักหลายสั่นหละแมงแคนโจ้นมันๆๆๆเนาะกินกับข้าวเหนียวคักหลายขั่วแมงแคนขอบคุณหลายเด้อคนภูคร่าวที่เอาฮูปมาแบ่งปัน:*-:*-:*-
มีโอกาสได่เมือบ้านอาทิตย์ที่ผ่านมา ๕-๖ พ.ค. ๕๕ วันเสาร์เลยไปตลาดแลงในโตอำเภอสหัสขันธ์ เลยเก็บภาพแนวยูแนวกินของบ้านเฮากะตามฤดูกาลบ้านเฮามาให่เบิ่งกัน คึดฮอดไทพีน้องเฮาที่ไปทำมาหากินยูต่างบ้านต่างเมือง....
ประเภทปลา ปลาแดดเดียว ปลาย่าง ปลาเขื่อนลำปาว ไทบ้านส่วนหนึ่งที่ยูใกล้น้ำเขื่อนกะยึดอาชีพหาปลามาขาย มีกินยูเหมิดปี
ราคากะพอซื้อกินได่ ปลาย่างกองละ ๕๐บาทกะมีหกเจ็ดโต แกงใส่หัวปลียุสวนกะของกะสิบ่แล้วแลงยูบ้อ
หน่อไม่กะเริ่มออกแล้ว หน่อฮวก ไผ่เลี้ยงน้อง เอามาแกงใส่อีลอก กะสิบ่แซบยูบ้อแนวมันถึกกัน
เห็ดไคกะเอามาจี่แล้วกะป่น กินกับผักบ้านเฮา บ๊ะกะว่าแมนคักเติบยูดิหละ
เห็ดไคกะทงละ ๕๐บาทเด้อครับตอนนี่ สมัยแต่กี้เข่าป่าเก็บเห็ดได่ โซนออกมาหลายคัก แบ่งไทพีน้องกินกันซือๆ สมัยนี่ไปเก็บมากะขายให่กันในราคามิตรภาพ กะทงละ ๓๐บาท
เห็ดแนวอื่นกะเริ่มออกแล้วคือกัน แต่เห็ดขอนขาวกับเห็ดบด ฯลฯ มีกินยูเหมิดปี สามารถเพาะเลี้ยงได่
ส่วนแมงแคงจิก หน่านี่หละครับ พากันเข่าโคกหาสั่นเอานำต้นจิก กะบ่ผิดหวังแค่สิกินแลง ฮอดได่ป่นไปจังหันพร้อมพุนหละ ยุในตลาดกะขายกองละ ๒๐บาท สามกองกะได่ยู ๕๐บาท
มาเด้อพี่น้องมากินป่นแมงแคงจิกนำกานนนนนน.....
ไผมักแนวได่กะเฮ้ดกินเอา สูตรไผสูตรมัน แซบไผแซบมัน อิ่มไผอิ่มมัน ขอให่ไทพี่น้องบ้านมหาเฮา มีควมสุขกับการกินแนวยูแนวกินอิสานบ้านเฮาเด้อครับเด้อ....:*-
ขอขอบคุณพื้นที่บ้านมหาดอทคอม ที่ให่นำเสนอ "แนวยูแนวกิน อิสานบ้านเฮา"
:*- :*- :*-
โอ้ยเบิ่งแล้วกะมีตะของแซ่บๆๆเนาะไล่มาตั้งแต่ปลาแดดเดียว เห็ด หน่อไม้ สุดยอดกะคือแมงแคนจิกอันนี้ของมักหลายสั่นหละแมงแคนโจ้นมันๆๆๆเนาะกินกับข้าวเหนียวคักหลายขั่วแมงแคนขอบคุณหลายเด้อคนภูคร่าวที่เอาฮูปมาแบ่งปัน:*-:*-:*-
โอ้ยเนาะท่านฯกะดาย..ขอบคุณขอบคุณเบิ่งแต่ฮูปกะเอา
จักสิให้กินนำแนวได๋เบิ่งได้แต่ฮูปน้ำลายไหลโจ้กโจ้ก
อยากไปหาเลาะให้แมงแคงเหงี่ยวใส่ตาเบิ่งเด้
:b-b:b-b:b-b:b-b
มันกะสิแซบอีหลีหละเน๊าะเหมิ่งแตฮูปกะพอแฮงแล่ว
หึ่ยหละมีต่าเอามาล่อ
มีแต่แนวเป็นตาแซบ:b-b:b-b
เฮ็ดบาปพุอยู่ กทม แท้น้อครับ อยากกินป่นแมงแคง คือสิแซบคัก
อิรอก เห็ด ..หน่อไม้ ขอเบิ้ดดด
ของโปรด
แจ่วแมงแคงจิกคือเป็นตาแซ่บแท่.....น้ำลายไหล
เห็ดไค แม้อ้ายเอาจี่แล้วตำแจ่วพริกดิบ สุดยอด กินกับคั่วแมงแคงจิก แมงแคงค้อ แซ่บบบบบบบบบบบ อย่างคักเด้ออ้าย กินเผื่อแน้เด้อครับ:*-:*-
มีแต่แนวอยากเด้อบัดทีนี้แต่ขอยกเว็นแมงแคงเด้อจ้าบ่เคยกิน. หน่อไม้เป็นตาต้มกินกับน้ำพริกกะปิเผ็ดๆออยน้ำลายไหล
กฎการส่งข้อความ
