เป็นไปได้ยุบ้อหือ...

[หนุ่มหน้าลาว]

***ไหหน่วยใหญ่ ตั้งในบ้าน บ่มีออก มากลางฝน
สนุกนอน สบายคิง อยู่ใน เฮือนเหย้า
บาดห่าไหอันน้อย ต่งฮางริน ถ่าฝนหยาด
แดดฝนฮำ อยู่เปรี้ยงเปรี้ยง ดินฟ้ง แปดกาย
หลายเวลา ผ่านพ้น ฝนหลั่ง เทลง
ไหอันอยู่ในเฮือน ผั่นทั่งเท เต็มล้น
เป็นสังน้อไหอันน้อย รองฝน จั่งเขินขาด
ขอนักปราชญ์ ผู้ฮู้ ไขแจ้ง บ่อนจริง เบิ่งนา ท่านเอ้ย

[พล พระยาแล]

ไหอยู่บ้านฝนกะตกใส่เกือบซูมื่อ 22 ปีแล้ว กะบ่เต็มคือกันล่ะเถ่ายาว ....5555

[ม๋าน่อย]

สงสัยสิเป็นไห.........แล้วล่ะจ้า

[pcalibration]

สงสัยอยู่คือกันเด้อเฒ่ายาวว่ามันเป็น..ไหผี..หือจังได๋
เผิ่นหว่าไหใหญ่ล้น แต่ไหน้อยผัดบ่เต็ม
คือจั่งคนจนเข้ม เฮ้ดเต็มทีจนเหมื่อย
บ่ฟุ่มเฟือยดี้ดี้ ยังเป็นหนี่(หนี้)อยู่บ่เซา
มันหละอุกอั่งเอ้า ส่ำขี่เถ่าดอกนอนหมา
แนวหว่าบุญปันมาบ่ส่ำกันเด้อท้าว

[sompoi]

หื่อ แม่นหยังน้อ บาดนิ..( ย่านออกแนวไปทางอ้ายพลอยู่เด้อ ฮ่าๆๆ)
จะของกะด้อยปัญญาคัก ต้องรอให้อ้ายศรีมาส่อยเฉลยพุ่นล่ะเด้อ

[หนุ่มน้อย]

ฟังหนุ่มหน้าลาวเผิ่นเว้ามาเป็นความผญา สาธยายความมาเรื่องไหใหญ่กับไหน้อย
ข้อยโดดเฮ็ดอ้อยซ้อย มึนตึ๊บอยู่ในอก แหม่นเผิ่นนำผญายกมาถามหยังน้อนี่

ไหใหญ่นั้นเปรียบดังคนอยู่ใกล้นายใหญ่ฮักแพงหลาย เผิ่นกะขนขวายมักซ่อยงานเอาหน้าไว้
ยามเจ้านายเอิ้นใช้เสนอโตออกก่อนหมู่ เฮ็ดดู๋ๆอยู่ไจ้ๆเจ้านายนั้นเผิ่นกะเห็น
ส่วนว่าไหอันน้อยกะพลอยห่างไปทางหลัง เปรียบคนงานมีพลังแต่เจ้านายอยู่ไกลแท้
ยามมีรางวัลให้คนอยู่ไกลบ่อได้ไหง่ มีแต่ผู้อยู่ใกล้เอาเบิ็ดเต็มเป๋าแล้วเหลือนั้นจั่งถ่ายเท

นี่แหละเผิ่นว่าเอาไว้ การทำงาน ให้คิดฮ่ำ ความสูงต่ำในสังคมสู่มื้อนี้มีแท้แน่นอน
อย่าได้อาวรณ์เว้ายุติธรรมมีสู่บ่อน ไผบ่เห็นบ่อห่อนฮู้ ความเหลื่อมล้ำมีมากหลาย

[suny]

แม่นควมนายน้อยว่าละครับ การดฮ็ดงานซุมื้อ ผุได๋อยู่ใกล้นายได้ดีเบิดละ

[หนึ่ง]

ความพร้อม โอกาส วาสนา
ขอบอกว่า แต่ละคน ไม่เท่ากัน
คนพร้อมกว่า ย่อมได้ดั่งใจฝัน
ด้อยกว่านั้น คงต้องรอ พอเข้าใจ

คิดวาน่าซิตามนี้ค่ะ อิอิอิ

[lungyai1123]

ฟังหนุ่มหน้าลาวเผิ่นเว้ามาเป็นความผญา สาธยายความมาเรื่องไหใหญ่กับไหน้อย
ข้อยโดดเฮ็ดอ้อยซ้อย มึนตึ๊บอยู่ในอก แหม่นเผิ่นนำผญายกมาถามหยังน้อนี่

ไหใหญ่นั้นเปรียบดังคนอยู่ใกล้นายใหญ่ฮักแพงหลาย เผิ่นกะขนขวายมักซ่อยงานเอาหน้าไว้
ยามเจ้านายเอิ้นใช้เสนอโตออกก่อนหมู่ เฮ็ดดู๋ๆอยู่ไจ้ๆเจ้านายนั้นเผิ่นกะเห็น
ส่วนว่าไหอันน้อยกะพลอยห่างไปทางหลัง เปรียบคนงานมีพลังแต่เจ้านายอยู่ไกลแท้
ยามมีรางวัลให้คนอยู่ไกลบ่อได้ไหง่ มีแต่ผู้อยู่ใกล้เอาเบิ็ดเต็มเป๋าแล้วเหลือนั้นจั่งถ่ายเท
ขอบคุณอาจารย์หนุ่มน้อย แนวถี่เว่าจ้อยแนวนี่แมนคักหลาย 555

[หนุ่มหน้าลาว]

***สองไหใหญ่ ไหน้อย กะบ่แม่น ไหผี ดอกเด้อ555
บ่แม่นไหผู้ดี จั่งอ้ายพี อ้ายพลเว้า ดอก 555
สิขอจาเฉลยแจ้ง คำพังเพยเคยบอกกล่าว
“ไหใหญ่ล้น ไหน้อยบ่เต็ม” นั่นนา
ยาวกะไปถามส่อ นำเฒ่าแก่ โบราณ
เพิ่นว่า “หลานยาวเอ้ย อย่าปึกหลาย พ่อสิอธิบายซี้” พะนะว่า 555
***ไหหน่วยใหญ่ กะคือจั่งเศรษฐี
เงินทองมี ดอกผล เต็มบ้าน
คนจนไฮ้ กะคือไห หน่วยย่อม
บ่มีทุนสิค้า กะคอยท่า แต่สิยืม
เงินบ่มีไหลเข้า มีแต่หาหนี้ตื่ม
เสียดอกแพง กะบ่ย้าน กระเป๋าแห้ง จ่อยลง***
หม่องข่อยจาระไนไว้ ไหตากฝน ผั่นเขินขาด
บาดห่าไหหน่วยปุ้ง พีอ้วน อิ่มเต็ม ซั่นแหล้ว....ท่านเอ้ย

หมายเหตุ คำที่ขีดเส้นใต้ลูกอีสานแท้ๆแม่นห้ามผวนกะผวน555ฮิ้วๆๆๆ

ขอบคุณทุกท่านที่แสดงความคิดเห็นมาเด้อครับ ผมเฒ่ายาวกับหนุ่มหน้าลาวสองอ้ายน้องกะสิเอาไปเป็นความฮู้และปรับใช้ในชีวิตจริงต่อไปครับ