หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: พักผ่อนตามอัธยาศัย

  1. #1
    พ่อครัวแม่ครัวบ้านมหา สัญลักษณ์ของ สาวบ้านแต้
    วันที่สมัคร
    Jun 2007
    กระทู้
    1,024
    บล็อก
    28

    พักผ่อนตามอัธยาศัย

    เมื่อวันหยุดพืชมงคลที่ผ่านมา ก็เป็นวันหยุดน้องอิ๊ทนำ มาพักผ่อนที่แก้งคร้อ
    ฝนตกรับวันแรกนาขวัญพอดี ต้นไม้ ต้นไหล่ กะเขียวออกดอกโป่งยอดแข่งกัน
    มาบ้านคราได้สุขใจทุกครา เห็นธรรมชาติ เห็นรอยยิ้มพ่อกับแม่
    ได้มาทำกับข้าว ได้มานั่งกินข้าวนำเลา
    นานหลายปี ที่ต้องไปทำงาน สมัยเด็กน้อยนักเรียน
    แม่บ่ยอมให้อิ๊ทไปพักกับญาติ ที่อยู่ตลาด(เมืองชัยภูมิ)
    อิ๊ทกะบ่เคยห่างพ่อกับแม่ ตอนนี้พ่อกับแม่เลาบ่ปลุกอิ๊ทยามเซ้า
    คือตะเป็นนักเรียน "ตื่นถะแม้มันสินอนกินบ้านกินเมืองบ้อ" นี่เวลาตีห้าครึ่ง
    "บ่ทันรถนักเรียนเด้" "ตะเว็นแหย่ก้นแล้วสิทันอยู่ทันกินหรื้อ" พักผ่อนตามอัธยาศัยพักผ่อนตามอัธยาศัย
    เป็นเสียงที่แม่เอินมาตะในครัว
    บัดนี้ท่านบ่เคยเอิ้นเลย คันตื่นตะเซ้า กะถามว่า คือตื่นมาหยัง
    ท่านคือสิเหลือโต๋นลูก เฮ็ดงานเหมื่อยๆ กะอยากให้พักผ่อนเต็มที่
    กะย้อนความฮักของผุเป็นแม่ ตอนเป็นนักเรียนกะย่าน
    เป็นคนบ่ดี ย่านตะเป็นคนขี่ค้าน ย่านตะบ่ได้ดิบได้ดีนำบ้านนำเมียงเพิ่น

    บัดนี้ กะสิพาท่องเที่ยวใน อณาบริเวณบ้านน้อยๆในดงไพร
    ตอนนี้ได้ยินเสียงนกร้อง ก้องไพร สลับกับเสียงเขียดจะนาน้อย
    ต้นไม้พ่อปลูกไว้กะงามหลาย
    พักผ่อนตามอัธยาศัย

    ต้นหางนกยูงอยู่ได๋กะออกดอกเต็มต้น งามหลายจ้า
    ต้นนี้อยู่ริมถนน
    พักผ่อนตามอัธยาศัย

    ต้นผักขะหรือผักชะอม ข้างรั้ว มีอยู่ 4-5 ต้น แค่นี้กะเหลือกินได้ขายพ้อม
    พักผ่อนตามอัธยาศัย

    ต้นชมพู่ ได้กินแน่ แบ่งนก แบ่งกระรอก กระแตนำ อยู่แบบพึ่งพาจ้า
    พักผ่อนตามอัธยาศัย

    กระชายดำวะซั้น คันบ่แม่นเพิ่นหลงหม่อง
    พักผ่อนตามอัธยาศัย

    อิลอก หลังบ้าน แม่บอกว่าแกงใส่กากหมูไปเมื่อวานนี้ 5555
    พักผ่อนตามอัธยาศัย

    ยอดผักอิฮูม เป็นตาแกงใส่ปลาย่างแท้
    พักผ่อนตามอัธยาศัย

    บันทึกภาพขณะเก็บผักริมรั้ว พวกนี้จิ้มแจ่วปลาทูจ้า
    พักผ่อนตามอัธยาศัย

    กินข้าวนำกั๋นจ้า เพราะว่าแม่สิพาไปบ้านยายที่ชัยภูมิ
    พักผ่อนตามอัธยาศัย

  2. #2
    พ่อครัวแม่ครัวบ้านมหา สัญลักษณ์ของ สาวบ้านแต้
    วันที่สมัคร
    Jun 2007
    กระทู้
    1,024
    บล็อก
    28

    ไปสวนนำแม่

    กินข้าวอิ่ม กะไปสวนนำแม่ เก็บหาของฝาก ไปฝากยายจ้า
    เห็นต้นถั่วดิน (ถั่วลิสง) งามคัก
    ไปสวนนำแม่

    ไปสวนนำแม่

    พ่อเลาปลูกสลับผัก หลังเก็บเกี่ยวต้นหอม กระเทียมพ่อกะลงพืชตะกูลถั่ว ที่รากมันตรึงไนโตรเจน บำรุงดินทั้งราก ทั้งต้น
    พ่อจะทำเกษตรแบบผสมผสาน แบบธรรมชาติ ใช้ปุ๋ยEM ที่หมักไว้
    ไปสวนนำแม่

    ไปสวนนำแม่

    อันนี้ผลพลอยได้จ้า ลวก นึ่ง โฮยเกลือนิดนึง เค็มปุยลุย เด้อจ้า
    ไปสวนนำแม่

    แม่พาไปเก็บมะไฟหวาน ตอนนี้ยังบ่งอมดี รสยังบ่หวานดีจ้า
    ไปสวนนำแม่

    ไปสวนนำแม่

    ปีนี้หน่วยบ่ดกปานได๋ พอได้กิน เป็นของฝากของต้อนจ้า
    ไปสวนนำแม่

    ไปสวนนำแม่

    เป็นหน่วยกะหน่อยน้อย หน่วยละลอน สองลอน หลายกะหน่วยลีบไปเลย
    ไปสวนนำแม่

    แต่พอบ่ได้ซื้อเพิ่น กินแบบธรรมชาติ ปลอดสารพิษ
    ไปสวนนำแม่

    ไปสวนนำแม่

    แม่กะขนของฝากไปฝากยาย ได้หมากไฟ บักอึ บักแตงกวา บักม่วงอกร่อง
    ไปสวนนำแม่

    กลับมาตั้งใจทำแกงไตปลาสู่พ่อกับแม่กิน
    ไปสวนนำแม่

    บรรยากาศตอนกลับจากบ้านมาทำงาน ตอนลงเขาที่ทางแยกบ้านโป่งช้าง
    ไปสวนนำแม่

    ไปสวนนำแม่

    ไปสวนนำแม่

    ไปสวนนำแม่


  3. #3
    ศึกษาหาความรู้ สัญลักษณ์ของ " แคน ชัยภูมิ "
    วันที่สมัคร
    Apr 2012
    กระทู้
    220
    เข้ามากะพอพาข้าวพอดีเลย.....คุณหมอ แฮงกำลังหิวข้าวอยู่...พอแนวมักพร้อมลวกผักกับน้ำพริกกะปิมีผักสดๆพร้อม...แถมป่นปลาทูนำ...นั่งถ่ากินก่อนหมู่เลย....อิอิ

  4. #4
    เจ้าหน้าที่ประชาสัมพันธ์
    ช่างภาพอิสระ
    สัญลักษณ์ของ ฅนภูค่าว
    วันที่สมัคร
    Feb 2010
    ที่อยู่
    นครโคราช บ้านเกิดกาฬสินธุ์
    กระทู้
    1,206
    พอดีเลยน้องอิ๊ทกะซ้านใจตรงกัน อ้ายกะคึดยากแกงปลาย่างใส่ผักอีฮุมยูพอดี เลยเอาปลาย่างกับบักอีฮุมมาสมทบ แกงสู่พี่น้องเฮากินแนพุเฮ็ดแนวกินแซบนั่นแมะ อ้ายกะแกงเป็นยูเสียอย่างเดียว "ขี่คร้าน".... :l- :,1-




  5. #5
    สมาชิกที่ยังไม่ยืนยันอีเมล์
    วันที่สมัคร
    Jan 2009
    ที่อยู่
    บ้านละเอาะ ต.จีกแดก จ.สุรินทร์
    กระทู้
    446
    บล็อก
    1
    ธรรมธาติอาศัย ละกะอาศัยธรรมชาตินำ เป็นตาออนซอนบักถั่วดิน กะแนวกินในสวนเนาะ

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ออย เสียดายเด้ ว่าสิมาทางพี้ แต่หลงทางไปทางหนองบัวแดงจ้อย

    กะเลยได้อยู่บ้านนาคานหักจ้อย ...5555

  7. #7
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,622
    อยากกินทอดไข่ใส่ผักขาน่ะน้องอิ๊ท..(มักภาพเฒ่าแม่กับคุณยายเพิ่นนั่งคุยกัน น่าฮักดีจ้า)

  8. #8
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    729
    บล็อก
    14
    อุดมสมบูรณ์ดีเนาะน้องอี้ท เป็นตาไปยุทางพุ้นเด้..

  9. #9
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    747
    คักหลายเนาะผัก ผลไม้ มีสุอย่างอุดมสมบูรณ์ยุ:*-:*-

  10. #10
    แบ่งปันความรู้และประสบการณ์ สัญลักษณ์ของ ผักอีตู
    วันที่สมัคร
    Jun 2008
    กระทู้
    153
    ฝนตกมาของป่าของกินกะเริ่มมีให้เก็บให้หา อยู่กับธรรมชาติแบบเพิ่งพาอาศัยกัน เป็นชีวิตแม้แต่คนเมืองยังอิจฉา

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •