กำลังแสดงผล 1 ถึง 5 จากทั้งหมด 5

หัวข้อ: ส่งคำเว้า..ถามข่าวสาวมหา..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ฟังเพลง Music Streaming ส่งคำเว้า..ถามข่าวสาวมหา..

    ผู้สาวเอ้ย..เปิดประเด็นเป็นคำเว้า ขอถามข่าวสาวมหา
    กาลเวลาที่ผ่านไป เป็นจั่งได๋คือหายจ้อย
    ลืมคนคอยแล้วบ้อหล่า ไปเริงร่านำเวฟอื่น
    จั่งบ่คืนต่าวบ้าน มาจาต้านกันดั่งเดิม
    นับตั้งแต่มื้อแรกเริ่ม เทียวมาเติมแต้มต่อ
    เดี๋ยวนี้น้อกาลผ่านพ้น ดนแล้วส่างมิดหาย
    หรือฤดูที่ผันผ่าย วนเวียนถ่ายไปหลายหน
    เฮ็ดให้คนใจเปลี่ยนผัน พอปานฝนกำลังเอื้อน
    บ่มาเยือนยามเยี่ยม หยิกหยอกดอกคือเก่า
    หรือคนเหงาจั่งบักอ้าย เป็นหน้าหน่ายสะอางค์ สั่นบ้อ
    หรือว่าพอเพียงแล้ว แนวคนงามนามสาวส่า
    สวยโสภาเพิ่นเลือกได้ จั่งไลถิ่มผู้เก่าหลัง
    มาคิดฮอดแต่คราวครั้ง แรกมานั่งเนาว์เฮือน
    ปานมาเยือนพักเซา ระหว่างเหล่ามวลนางฟ้า
    ฟังคำจามาหวานจ้อย พอปานอ้อยฮวมฮ้อยไฮ่
    ผูกมัดใจสนิทแนบ จมแจบมิ่งมะโน
    จนลืมโตยกยอให้ เอาหัวใจถวายบาท
    ฝากให้นารถแน่งน้อย ผู้งามย้อยหยาดดิน
    หลงถวิลในคำต้าน หลงคำหวานที่ต้านต่อ
    จนว่าลืมความทุกข์ท้อ ที่ฮนฮ้อนฮุ่มกะใจ
    มาบัดนี้..เจ้าส่างไลลืมบ้าน เฮือนซานที่เคยอยู่ แท้น้อ..
    คืนมาแม้..แก้มตู๋ลู๋ เว้าอีกดู๋คำจาต้าน ให้ใจอ้ายสั่นสะท้าน..อีกเทื่อสอง..เบิ่งนา..คนงามเอ้ย..


    ส่งคำเว้า..ถามข่าวสาวมหา..ส่งคำเว้า..ถามข่าวสาวมหา..ส่งคำเว้า..ถามข่าวสาวมหา..

  2. #2
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    747
    โอ้ะๆๆมาแต่งคักแถะอาจารย์ขอคารวะเหล่าจักลังเด้อครับสุดยอดเลยอยากแต่งแต่กะคึดบ่ออกจักสิไปทางได๋ลงแบบได๋สุดยอดๆๆๆ:b-b:b-b:b-b:*-

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    พบปะพูดคุย



    ฟังจากควมจาอ้าย ละลายแล้วใจอินาง
    ยังบ่ลางลืมเค้า เก่าก่อนควมเดิมอ้ายเอ้ย
    ควมที่เคยหยอกล้อ ถามข่าวถึงหัวใจ
    ยังบ่ไลลืมหลง สัญญาเคยจาต้าน
    ที่หักหาน หายหน้า หรือวาจาอันมิดมี่
    น้องนี้น้อคาแต่ลี้ แล่นซ้นเบิ่งบั้งไฟตั๋วละอ้าย
    บ่ได้หมายลืมเจ้าผู้คนเก่า ให้เดียวดาย
    คือความหมายงานจบ บังไฟครบอำเภอพ้อ
    น้องจะงอโหงวโค้ง อ่วยคืนหาถิ่นเก่าละอ้ายเอ้ย
    แนวที่เคยหยอกล้อ ให้หัวร่อยังจื่อจำเด้ละชาย

    ผู้สาวคาเอาบุญบั้งไฟ :,1-:,1-

  4. #4
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    555เอาผุสาวลงตมก่อนน่าซวดๆๆๆๆๆๆๆๆๆๆๆๆๆไห้ครับ

  5. #5
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    ส่งสารวาจาต้านวานควมมาบ่อกข่าว
    หมู่สาวสาวมหาโก้เคยโสเว้าต่อผญา
    พวงจำปาบานแย้มมาคอยแซมแต้มเติมต่อ
    พอสืบสานภาษาพื้นอีสานเฮาไห่มั่นแก่น
    มวลหมู่แฟนผญาส่อยเอยนำฮอยศาสตร์..ผู้ปราชญ์เปลื้อง

    ค้างไว้ก่อนยังบ่จบ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •