อาทิตย์ที่แล้ว๔ พ.ค.๕๕ก่อนสิเมือเมืองกะสินธุ์กะเลยแวะไปยามเอื้อยนอนค้างคืนยูบ้านหนองกุงขอนแก่น เซ่ามาเลากะเลยหมกหมูใส่หัวปลีใส่ไข่สู่กิน โดนแล้วบ่ได่กินฝีมือเลากะยังแซบยูคือเก่าครับ.....
ตำเครื่องปรุงรวมกัน ตะไคร้ กะเทียม หอมหัวแดง พริกสด ใบบักกูด เกลือนิดหน่อย
หัวปลีกะหั่นแซน้ำไว้ก่อน
เทเครืองปรุงลงใส่ชามหมูสับเมน้ำปลา ผงนัว ที่ลืมบ่ไดกะคือน้ำปลาแดก(บางคนกะบ่ใส่ครับ แพ้ปลาแดก กะบ่ว่ากัน แซบไผแซบมัน)
ตำหัวปลีจักหน่อยกะบ่ต้องแหลกหลาย
เทลงใส่กันแล้วกะคนให่เข่ากันกับหมูสับ เครืองปรุงถ่าย้านมือแหล่กะสวมถุงก๊อบแก๊บก่อนกะได่
ตีไข่จักสามหน่วยแล้วกะเทลงใส่กันคนให่เข่ากันอีกเทือ
จัดการห่อเป็นหมกด้วยใบตอง ในระหว่างห่อกะไปติดไฟค่างหม่อเพือน้ำสิได่ฮ้อนกับห่อเสร็จพอดี
ปลีหัวเดียว(กะพอ) หมูสับสามขีด ไข่สามหน่วย ได่สิบเอ็ดหมกพอดี
นึ่งโดยเตาแก๊สหรือเตาถ่านกะได่ แล้วแต่ไผสะดวก
นึ่งประมาณยี่สิบนาทีกะสุกพร้อมที่สิเสริฟได่แล้วครับ
นึ่งสุกใหม่ๆเปิดออกมากะหอมฮวยเต๋ดัง หน่าตากะใซ้ได่.....
มาครับมาเทือนี่ตอดเข่ามานังกินนำกัน หลายๆคนย้าดกันกินมันจังแซบตั๊วเพิ่นว่า
ตบตูดด้วยของหวานบักพร้าวแก้วใส่ดอกอัญชันนำกะฝีมือเลาเฮ็ดเองคือกัน
ขอขอบคุณพื้นที่ "บ้านมหาดอทคอม"ที่ให่เสนอแบ่งปันแนวแซบอิสานสู่ไทพีน้องเฮา..:*- :*- :*-
Bookmarks