กำลังแสดงผล 1 ถึง 4 จากทั้งหมด 4

หัวข้อ: นมโต้น ตีนเปิ่ม ไผกะเห็น

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา นมโต้น ตีนเปิ่ม ไผกะเห็น

    ***งูเห่าขดขี่คู้ ฟักไข่ อยู่ในโพรง
    คองคอยรอ บุตรา สิโผล่คลาน ออกมาเลื้อย
    บ่ให้มี ไผมาใกล้ ฮวงฮัง โพรงอยู่
    ฮ้ายพอปานซาติเซื้อ นางเสือเลี้ยง ลูกคีง
    มื้อหนึ่งนาง กุดโตน้อย ซวนบุตรี ออกคุ้ยเขี่ย
    หากินปลวก เลาะฮั้ว เลาะโพนส่าง ส่องฮู
    นางกะดู๋ เหลือฮ้าย คุ้ยเขี่ย ตามประสา
    หามดแมง มากิน ป้อนลูกไป ตามเรื่อง
    ตามมองเมียง แลจ้อง มองเห็นงู อยู่โพรงปลวก
    นางกะเรียกลูกน้อย มาแม้หล่า เจ้าอย่าไป
    เห็นบ่ตีน อันใหญ่เฟิ้ม ของงูเห่า เจ้าเล็งดู..เบิ่งดู้
    มันสิโถมมาถึง ทืบลง หัวเจ้า
    เฮามาหนี ไปไกลโพ้น ไปจากโพน หม่องงูอยู่..เถาะหล่า
    เจ้าอย่าไปใกล้งู มันหากเชื่อบ่ได้ สิกินเจ้า ท่าวตาย หล่าเอ้ย
    ฝ่ายแม่งูกะเว้า เจ้าอย่าเขี่ย โพรงฮัง..ข่อยเด้อ ไก่น้อยเอ้ย
    บ่มีหยังให้เจ้ากิน ปลวกแมง บ่มีแล้ว
    แนวเจ้ากิน ตอนเช้า กะคือนม ของแม่..เจ้าเด้
    คันลืมกิน เจ้าสิรั้ง โตน้อย จ่อยผอม
    เบิ่งแหน่ตี้ นมโต้น ของมารดา เจ้านั้น บ่ทันดูด
    ไปถะแม้บักหล่า อย่ามาคุ้ย เขี่ยขี่ดิน เถาะ...หล่าเอ้ย
    ข่อยได้ยินคำนี้ ทบทวนแล้วหลายที ปึกเอาฮ้าย บ่ซอดซ่อง
    บอกแหน่เด้อพี่น้อง ความหมายนั้น ว่าจั่งใด๋... อัญญาเอ้ย
    :l-:l-:l-


  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    อ่านไปอ่านมา กะม่วนตั้วล่ะเนาะ นิทาน "ไก่เห็นตีนงู งูเห็นนมไก่" ภาคผญาเนาะจ้า
    สุดยอด..ม่วนๆ เป็นวิทยาทานแบบสร้างสรรค์ไปอีกแบบค่ะ:*-


  3. #3
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    ***คนดีฮู้ คนดี คักแหน่
    คนชั่วฮู้ คนฮ้าย ดั่งกัน
    ต่างคนฮู้ ดีชั่ว ของกัน
    แต่บ่พรรณนาแฉ ให้เสื่อมเสีย ทั้งสองด้าน
    เพียงแต่ฝ่ายหนึ่งนั้น อย่าไขแปว เปิดป่อง
    อีกฝ่ายหนึ่งกะบ่ต้อง เผยข้อ บ่อนเสีย
    ให้ทำสุขสงบสร้าง อย่าหาทาง คิดเอาเปรียบ กันเด้อ
    บ้านเมืองสุขอยู่ได้ ถ้าเฮาสร้าง แต่เรื่องดี นั่นแหล้ว ท่านเอ้ย
    แก้ไขครั้งสุดท้ายโดย หนุ่มหน้าลาว; 19-05-2012 at 16:59.

  4. #4
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    อยากไปนำยุแต่บ่จักทางไปเนาะแต่งไปได้หน่อยเดียวคึดบ่ออกสมัยยังนอ้ยกะได้ยินได้ฟังเพิ้นเว้าผญาไส่กันยุแต่กะจำบ่ได้มว้นหลายคำผญาแต่เก่ากอ่นเนาะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •