:b-b สุขสันต์วันเสาร์แห่งชาติจ้าพี่น้อง มื้อนี้ เมนูเพื่อสุขภาพ มาฝากอีกจักเมนู(เกิดอยากกิน)
มื้อเช้าซื้อหัวปลีไว้ หัวหนึ่งคึดอยากกินหมกไก่ใส่หัวปลี...แต่มามันกะอยากกินหลายอย่างด้วยความหิวบังเกิด กะเลยได้กินสองเมนูในคาบเดียว
ยำหัวปลี
ส่วนประกอบและวิธีปรุง
หัวปลี หอมหัวใหญ่ ผักชีฝรั่ง(หอมเปบ้านเฮา) พริกสด มะม่วงดิบอ่อนๆ ตะไคร้ กุ้งแห้ง หมูสับ น้ำปลา น้ำตาล รสดี เกลือ
แกะเอาเปลือกแก่ๆออก ฝานเป็นแว่นๆบางๆ แช่น้ำเกลือไว้
ล้างกุ้งแห้งแช้น้ำไว้ให้นิ่ม แล้วกะลวกหมูสับ กะกุ้งแห้งพอสุก ฝานบักม่วงเป็นเส้นๆหรือสับเอาตามใจจ้า ล้างหอม พริก ซอยตะไคร้ไว้ให้เรียบร้อย
น้ำยำ =น้ำตาล รสดี น้ำปลา ใส่น้ำอุ่น สองทัพพี ละลายให้เข้ากัน ซิมเบิ่งออกเค็มนำ หวานตาม เพื่อไปตัดกับรสเปรี้ยวของบักม่วง
น้ำยำพร้อมแล้ว กะเอาเครื่องปรุงทุกอย่างที่เตรียมไว้ ลงคลุกๆๆให้เข้ากัน
ตักใส่จานพร้อมเสิร์ฟ จ้า
หมกเครื่องในไก่ใส่หัวปลี
เครื่องปรุง
หัวปลีที่เหลือ เครื่องในไก่หั่นชิ้นเล็กๆ ผักชีลาว ไข่ไก่ ผักอิตูลาว ปรุงแบบสูตรหมกไก่ทั่วไป จ้า แต่พิเศษใส่ไข่นำ เพื่อความกลมกล่อม ใส่เกลือแทนน้ำปลาแดก จ้าเพราะว่าบ่มีปลาแดก
เสร็จแล้วห่อด้วยกระดาษฟอร์ยห่ออาหาร บ่มีใบตอง ใช้วิธีหมกน้ำเอาจ้า อิแม่พาเอาลงต้มใส่หม้อเลย แซบคือกัน บ่เชื่อลองเบิ่ง อิอิ
ปิดฝาทิ่มไว้ รอสัก 20 นาที มายามเบิ่งว่าสุกบ่
ผ่านไป 20 นาที แกะออกเบิ่ง สุกแล้ว หอมๆ
:*- มื้อนี้มาเดิก เพราะคาซิมว่าแซบบ่แซบ ..สรุปว่าแซบ จ้า ยำหัวปลีบ่ฝาดเพราะมีตะไคร้กับบักม่วงเป็นโตส่อย บ่เชื่อลองเฮ็ดกินเบิ่งเด้อจ้า บ่หวงสูตร :l-
Bookmarks