มือใหม่ แอบ(ฝึก)เฮดนึ่งไก่ใต้น้ำ

[คนเมืองเกินร้อย]

ย้อนว่าบ่าวบานได้ตังกะทู้ ต้มไก่ กับนึ่งไก่ใต้น้ำ เกิดอาการอยากกิตอย่างแฮง ออกฮ้อน ออกล้นทนบ่ได้ ต้องออกไปหาไก่โตพอท่าวๆ ตามคำแนะนำ ถึงตลาดอย่างซื่อคิ้งนิ้งไปฮ้านขายไก่บ้าน เลือกซื้อเอาโตที่เพิ้นลกขนไว้แล้ว ย้อนว่าฟ้าวเลยบ่ได้ถ่ายฮูปไว้จ้อย ให้สับให้เรียบร้อย กลับมาบ้านลงมือปฏิบัติการเฮดนึ่งไก่ใต้น้ำ บ่ได้แก้เสี่ยคือต้นตำลั่บเพิ้นดอก

เตรียมไก่ที่สับแล้ว

เครื่องปรุง: หัวซิงไคร่ หัวข่า ใบขี้หูด รากหอมป้อม หัวผักบั่วแดง หัวผักเทียม บักพริกไทย

ซอยเครื่องปรุง

ใส่คกตำบ่ต้องมุนหลาย มันเปลียงแฮง

จกเครื่องปรุงไปทิ่มลงในหม้อ

ใส่เครื่องปรุงรส: น้ำปา ซอสภูเขาทอง เหล้าจีน(แบบว่าเห็นว่ามีอยู่แล้วกะเลยใส่) น้ำมันบักกอก (ย้านหม้อไหม้) ผงคนอร์ ผงนัว ใส่ลงไปแล้วแต่มัก

ยกขึ้นตั้งเตา อย่าลืมเติมน้ำในกะมังเด้อ ขะน้อยบ่มีผ้าพันปากหม้อ กะเลยใช้คกไปเตงแทน เปลี่ยนน้ำสองเทือ

ปงลงจากเตา เปิดเบิ่ง บ่าๆๆ เป็นตาแซบอยู่เนาะ ซิบเบิ่งก่อนน่า ป๊าดดดดด...เกือบแซบ

แล้ว แล้ว ตักใสถ่วย มือนี้ลืมซื้อเข้าเหนียว กินกับเข้าจ้าวแทน มาเด้อออออ..กินเข้านำกัน ขอบคุณบ่าวบาน และบ้านมหา ดอทคอม อย่างหลวงหลายที่ให้สูตรและให้พื้นที่ลงฮูปแนวกินให้อ้ายน้องได้เบิ่ง

[นู๋น้อย]

:b-b:b-b เข้ามาของซิมนำจ้า ได้กลิ่นนึ่งไก่ หอมฮ่วยๆลอยมาแต่ไกลๆๆ สูตรไผ๋กะสูตรไผ๋ แซบบบบบบคือกัน

[บ่าวกระสัง]

แนมโต๊ะนึกว่ามีข้าวต้มนำ แท้ได๋หลงลาย

[ณัฐ ภูไท]

มาเป็นต๋าแซ่บแท้ไก่ใต้นํ้ามื้อนี้น่ากินเนาะจักวันฉันจะเฮ็ดเบิ่งเนาะเมนูนี้ตะแซ่บอยู่คือสิหอมฮวนๆๆๆยามสุกเนาะเป็นตะแก้ลมเบียร์สั่นแหล่วเอ้าหยกถะแมะ:b-b:b-b:b-b:*-

[sa_ngamk9]

ของแซบเลยเด้เนาะเมนูนี่แหมะครับ

[ฅนภูค่าว]

เข่าเหนียวมียู แต่ต้องเอาไก่มาแลกเอา คำละต่อน... แซบครับแซบเซิญๆๆๆๆ

[nakorn]

พายกะติ๊บเข่าย่างลัดท่งไปกินนำก่อนนา.........เป็นตาแซบคัก

[pui.lab]

หน้ากินอยู่จ้า แต่ขาดผักลวกกับน้ำพริกเสริมวิตามิน อิ อิ อิ

[คนตระการ...]

เป็นตาแซบๆๆ กินกันจักคนละน่อ มีแนวล่องคอนำบ่อละ

[พล พระยาแล]

ฮ่วย...ถนัดแต่กินน้ำใต้ต่อนล่ะครับ ต่อนใต้น้ำบ่ค่อยถนัดปานใด๋ ....เอิ๊กกก