..ส้มต่อน..

[กำพร้าผีน้อย]

....เมนูนี้ได้แรงบันดาลใจจากทีมงานบ้านมหาทางอ.มหาชนะชัย จ.ยโสธร..ทิดรสมักม่วน..เพิ่นกลับไปยามบ้านยามได่กะมักสิถามว่า อ้ายๆเอาส้ม-แหนมบ่..แหนมบึงแกเพิ่นเฮ็ดเป็นสินค้าโอทอป.ความแซบรับรองได้พะนะ..ทางนี้กะบ่เคยปฏิเสธ..เกรงใจเพิ่นยุ..แต่หลังๆมาฮู้ว่าเลาเมือบ้านโทรตามโลด..บักจ่อย..ส้มงัวเด้อ ห้ามลืม..

..พอดีว่างๆกะเลยลองเฮ็ดเบิ่ง ตามสูตรของเพิ่น..ส้มต่อนบึงแก..


วิธีการและขั้นตอนการทำส้มต่อน

...นำเนื้อวัวมาแล่เป็นชิ้นๆ พอคำ ยาวประมาณ 2 นิ้วครึ่งกำลังงาม จากนั้นกะคลุกเคล้า เข้ากับเกลือ ไอโอดิน น้ำปลา กระเทียมทุบ และข้าวเหนียวนึ่งสุกที่แซ่น้ำพอประมาณและนำมาซาว และใส่ผงซูรส พอเสร็จแล้ว ก็คลุกเคล้าใส่กัน นำใส่โหล หมักไว้ ประมาณ 1- 2 วัน แล้วแต่สภาพอากาศ ถ้าอากาศร้อนส้มต่อนก็จะเป็นเร็ว...ห้ามใส่ตู้เย็นก่อนส้มต่อนสิเป็น..เมื่อส้มต่อนส้มพอกินแล้วค่อยเก็บเข้าตู้เย็นเพื่อไว้กินหลายวัน..

...เคล็ดลับในการเฮ็ดส้มต่อนอยู่ที่การใส่ข้าวเหนียวนึ่งสุก ที่แซ่น้ำแล้วเพิ่นว่า ถ้าบ่ใส่ สิทำให้รสชาติไม่อร่อย หรือภาษาชาวบ้านอีสานเรียกว่า ไม่นัว..

...ลัดขั้นตอนการคั้นไปเลยเนาะครับ..รูปมันมัวๆ บ่งาม..55..มาเบิ่งตอนเฮ็ดแล้ว..พร้อมสิกิน..ลงจานเลยดีกว่า...


..เฮ็ดใส่โหลไว้แต่วันที่ 15..




..วันที่ 17 ครบ 3 มื่อ มาเปิดเบิ่ง..กลิ่น-สีสัน โอเคเลยครับ.เก็บเข้าตู้เย็นไว้ก่อนย่านมันส้มแฮงโพด.



..จัดการใส่ข้าวสวยพอดี. ย่างส้มต่อน/..เอาไปผ่านไฟจักนอยเพื่อความมั่นใจ..จัดลงจานพร้อมกะเทียมกลีบ..



..ลงมือแซบเลยบาดนี่..มีตำบักแตง/ส้มไข่ปลาจากลำปาวเมืองกะสิน




..กระปุกนี้เฮ็ดเป็นของฝากให้ลองชิมครับ..มอบให้พี่เอก..หนุ่มนนท์..ไฟฟ้าที่ปั้มดับกะเลยแจ้งขอความช่วยเหลือจากเพิ่น..สินน้ำใจเล็กๆน้อยๆครับ...

..ขอบคุณบ้านมหาและพี่น้องสมาชิกที่เข้ามาเยี่ยมชมครับ..

[อ้ายทิดใจ]

ตะแซบเนาะครับ สิลองเฮ็ดกินเบิ่ง ครับ อิอิ

[คนบ้านยาง]

ส้มงัว ผมมั่ก มักแม้อ้าย แลกกันบ่ครับ:b-b:b-b

[หนุ่มน้อยศรีสะเกษ]

บ่อเคยได้แหบจักเทื่อได้ยินแต่ว่าเฮ็ดฝากผุนั้นผุนี้

บ่อมีวาสนาปากดอกคือทางนี้

[ฅนภูค่าว]

พอดีหละกะซั้น กับแกล้มกะมาแล้ว เปิดเถาะขวดนั่นแมะ อย่าเฮ็ดบาปเฮ็ดกรรมหมอน้อยๆเสื่อแด้งแดงหลาย ถือยูเป็นปีแล้ว..... :b-b :*-

[น้องนา]

เฮ็ดเปนตาแซ่บหลายเด้ออ้าย สิลองเฮ็ดเบิ่งยู๋

[สุดสาคร]

ผมผัดเคยกินแต่ ส่มปลาเป็นต่อน แบบนี้กะเป็นตาแซบเดเนาะ

[ณัฐ ภูไท]

เป็นตะแซ่บเนาะส้มตอ่นเคยกินแต่แหนมกะดูกหมูออ่นคันส้มเนื้องัวนี้สับเอาแล้วห่อใบตองคือสิคักหลายเนาะจักมื้อสิลองเฮ็ดเบิ่งยุส้มตอ่นเนื้อย่างไฟฮอ้นกินกับข้าวเหนียวฮึแก้ลมชีวาสขวดที่ถืออยู่นะเข่าท่าเด๊ะทั่น:b-b:b-b:*-:*-

[Boom69]

เป็นตาแซ่บเนอะ...อ้ายดุลย์..วีมาทางนี้จั๊กต่อนแหน่จร้า

[คนขอนแก่น]

เปนตาแซบหลาย เดี๋ยวลองเฮ็ดเบิงจ้า