ฝนมาฟ้าใหม่ ... ใจมันเหงา

[นู๋น้อย]

ตั้งเสียงรอสายไว้ ความในอยากบอกกล่าว นั่นละน๊า
ว่า...กินข้าวละยัง กำลังเฮ็ดหยังละน้อจ้า
กดโทรหาทุกวันมื้อ จนมือถือหน้างอใส่
อยู่กับไผ๋น้อละอ้าย สายเจ้านั่นจั่งบ่วาง

หมึกจนจาง โตเลขน้อยพลอยลบเลือนหาย
บัดใด๋สายอ้ายลืม หลงเบอร์นาง ซ่างเป็นฮ้าย
คืนหัวใจให้สาบ้อ คนเฮาน้อซ่างเป็นต่าง
ลืมฮอดเบอร์ของนาง หรือว่าย้านเจ้าหนี้พ้อบ้ออ้าย ผู้เผิ่นไค

ซ่างเป็น..คนเฮา ลืมฮอดเบอร์ผู้สาว

[หนุ่มทรายมูล]

โอน้อ คนงามเอ้ย
ยูเมืองหลวง ยังคึดฮอด ถิ่นอิสานบ้านเกิดเก่า
คึดฮอดนาง ซู แลง เซ่า ฝันเห็นเจ้าแมนซูคืน
อ้ายสู้งาน กลางเมืองกรุง งานกะยุ่งยูซูเว็น
โอน้อ ความจำเป็นคือจั่งเว้า บ่ลืมเจ้าดอกคนไค

เบอร์คนงาม ยังเก็บไว่ เก็บในใจ บ่มีเลือน
ความคึดฮอด ยังคอยเตือน บ่ลบเลือนจากใจอ้าย
อยากยินเสียง ใจสิขาด เวลาผัดบ่มี
นางเอ้ย ยังคือเก่า ยังฮักมั่น ใจนางนั่นอย่าปันไผ นางเอ้ย

[บ่าวสตึก]

[CENTER]โอ่ ละหน่อ น้องหล่าเอ๋ย อ้ายนอนคึดจนซอดแจ้ง เข่าแลงกะบ่ได่บาย พุ้นละนาง
อ้ายขอโทยหลายๆ ที่บ่ได่รับสายน้อง เพราะม่องอ้าย อับสัญญาณ (อีหลี)
กัวสิกลับฮอดบ้าน กะเข้าวันใหม่ ตอนตี2
คันสิต่อสายกลับ กะย่านเจ้าผู้หลับ นอนบ่เต็มตื่น ซั่นดอกหว่า...


โอ่น่อ แม่นาคน้อง เนื้อทอง คนเขาซา
ว่าน้องนีน่า เฮ็ดกับเข่า แลง-เซ่า อร่อยดี
ตัวอ้ายนี้ คนบ้านไกล เฮ็ดจังได่..สิได่กิน ของดีๆ
อย่าขี้ถี เด้อน่องหล่า เฮ็ดคราวหน้า เชิญอ้ายไปซิม บ่กินฟรีๆดอกเด้อนาง เอ๋ย....:b-b[/CENTER]

คนเขาซาว่าเฮ็ดกับแซ่บ แซบ กะเลยอย่าไปซิมให้เป็นบุญปากเจ้าของดอกหว่า

[pcalibration]

ฟังเสียงฟ้าฮ้องป้าง คือเป็นต่างแท้น้อหนู
สีบุญชูงามขำ จั่งแต่งลำออกมาเกี้ยว
เจ้าผุเขียวใบหม่อน ออนซอนเด้ซู้ป่อย
ลมวอยวอย ฝนตกรินยามมื้อเซ้า
ใจคนเหงาสิป่วงบ้า เฮ้ดงานล้าให่พักเซา
*****************
อยู่เมืองชลทนเหงาทุกเช้าค่ำ งานก็ทำโอทีไม่มีถอย
ถึงตอนเย็นลมทะเลพัดวอยวอย โอ้นู๋น้อยคอยแฟนแสนเปลี่ยวเปล่า
อย่าพึ่งเหงาเศร้าใจไปเลยนุช ยามวันหยุดค่อยพักผ่อนนอนให้หนำ
ฝากเสียงพิณเสียงแคนกับหมอลำ มาตอกย้ำความคิดถึงคนึงหา
อยู่แห่งไหนไม่เคยลืมวันเวลา รอวันฟ้าอำไพจะไชโย
:l-:l-:l-:,1-:,1-:,1-:l-:l-:l-

[นู๋น้อย]

:*- ผะบ่าวทางทรายมูล หัดใหม่คือกันทางนี้ แต่หัดดนแล้วละ ทันเก่ง อยู่ จร้า...
อยู่เมืองกรุงอย่าหลงฟ้า หลงงานนาหม่องเคยอยู่..เด้ออ้ายเด้อ
อย่าให้บักตู้ต้องเคยเก้อ ยืนเท่อเล่ออยู่แจ่งนา
คำวาจาถนอมไว้ สัญญาใจรักษาซื่อ
อย่าให้มื้อเลื่อนพ้น ลบเลือนได้อ้ายอย่าลืม...




ผะบ่าวทางสตึก เฮ็ดโอที ติ...

ด้วยเหตุผลคือความยุ่ง การงานบ่อาจแว(แม่นบ่น้อ)
คนที่รออยู่ปลายสาย ใจหดหายไปเบิ้ดแล้ว
แนวว่าเวลาว่างบ่ตรงกัน มื้อละหน่อย..นั่นละน๊า
ขอเพียงสายอ้ายโทรมา...เวลาฝันกะรับได้
ขอแค่ใจเป็นห่วงบ้าง...คนแนมทางกะยิ้มใส่..แล้วละอ้าย


โอ๋...เด้บ่าวพี่ชายเอ้ย...ยังบ่เคยได้ลองลิ้น ซิมแนวกินที่ปรุงแต่ง นั้นละเด้
อย่าฟ่าวเซเซื่อใจ ความไผ๋...ซ่าลืออ้าง
เป็นแนวทางพ่อแม่บอก สอนสุมื้อตั๋วละอ้าย
อย่าได้หมายเผิ่งไผ๋ ให้ใส่ใจกับครัว..ล้าง
รสจืดจาง หรือเค็มฮ้าย อย่าดููดายให้หมั่นล่ำ
เช้าแลงค่ำอย่าได้เว้น ให้หัดเป็นจนเคยมือ ซั่นละเด้อ้ายเอ่ย
(ย้านอดตายเรื่องของเรื่องกะเลยต้องเฮ็ดให้เป็น)



ฝนตกอยู่ชลรี หนาวฮอดแปดริ้ว ว่าซั่นเถ๊าะอ้ายพี ฮ่าๆๆๆ

ฟังเสียงฟ้าฮ้องป้าง เป็นลายต่างแท้น้อใจ
เหลียวหาไผ๋กะบ่เห็น อิตาเวนกะเมินจ้อย
เป็นหงอย หงอย เหงา เหงา เศร้า ซึมใจไข้บ่ส่วง
คึดเป็นห่วงหรือคิดฮอด คนเคยอ้อน..ว่าบ่ลืม
ฟ้าเป็นสีครึ้มๆ ซ่ำซ้ำตื่ม สาวคนไกล
ใจประสงอ้อนหา แต่ชาตาคือไกลเยิ้น..แท้น้อ:l-



:*- ทุกท่านที่มา ร่วมม่วนซื่นนำ จ้า ผญ๋า คนดื้อๆ ว่าไปตามความดื้อ :b-b

[จำปา]

บู้ย..นู๋น้อย ลองแต่งผญาสูตรแนวกินเบิ่งจักอย่างแนน่า อิอิ

แบบเห็นเทิงน้ำเทิงตอนเด้อหล่า คิคิ

[นู๋น้อย]

ผญ๋า ...เวอร์ชั่น สูตรอาหาร ติจ้า จะออกมาเป็นแนวใด๋น้อ แต่เอาศิลปะของแขนงมารวมกันคือจะ ไหว ยู่เน๊าะจ้าเอื้อย เดียวคิดหาเมนู ง่ายๆ(ง่ายต่อการแต่งกลอน) ก่อนเด้อจ้า :*-:*-

[จำปา]

กะแต่งเป็นบทสูตรอาหารเลยแหล่ว แต่ขะเจ้ายังแต่งเป็นลำได้

บ่แน่เด๋ แนวกินสูตรผญา อ่านไปหิวข้าวไป ย้อนแม่ครัวมาแต่งผญาหนิล่ะ

[นู๋น้อย]

สุขเมืองฟ้ามีแต่แดดกับฝน สุขเมืองคนมีแต่กินกับเล่น จัดไปจ้าเอื้อย :*- สำหรับคำแนะนำจ้า เมื่อแม่ครัววางตะหลิว มาจับปากกา เขียนผญ๋าเป็นสูตรอาหาร

[แดนดาหาร]

มาหลอยอ่านผะหยาซื่อๆดอก โอ้ยอยากแต่งผะหยาเป็นคือเพิ่นเด้เนาะ