กำลังแสดงผล 1 ถึง 2 จากทั้งหมด 2

หัวข้อ: ปลูกวาสนาถ่าฮักน้อง...

  1. #1
    ดูแลตรวจสอบเนื้อหา สัญลักษณ์ของ wundee2513
    วันที่สมัคร
    Aug 2006
    ที่อยู่
    ตามภารกิจ
    กระทู้
    1,108
    บล็อก
    11

    บ้านมหาโพสต์ ปลูกวาสนาถ่าฮักน้อง...

    วาสนาอ้ายมีไว้หลายกระถาง
    แต่ต้นวาสนานางกลับบ่เห็น
    วาสนาฮักอ้ายนี้หนอมายากเย็น
    คือบ่เป็นวาสนาที่ปลูกไว้อยู่ในเฮือน

    มาสะเทือนหัวใจฮักไผกะซ้ำเก่า
    บ่ส่วงเซาฮักเขาผู้อื่นกะบ่เหมือน
    ผู้นี้หละแมนที่หัวใจอ้ายย้ำเตือน
    บ่ได้เลือนลืมถิ่มฮอดมื้อจนวันตาย

    ถ้าบ่สิ้นใจหรือบ้าใบไปก่อนเจ้า
    หรือจนมื้อเฒ่าความฮักนี้กะบ่หาย
    สิคอยถ่าว่าฮักนี้มั่นแก่นแม้นแก่กาย
    ถ้าอ้ายยังบ่ตายบ่บ้าใบ้อ้ายบ่ลืม

    อ้ายสิปลูกต้นวาสนาถ่าฮักน้อง
    ไว้คอยมองความหลังยามใจครึ้ม
    บ่เป็นหยังดอกหากมื้อนี้น้องคิดลืม
    อ้ายยังปลื้มยังบ่ลืมฮักเจ้าอยู่บ่ส่วงซา ...
    เสรีภาพ เสมอภาค ยุติธรรม

  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,369
    โอ้วจั่งได๋กะฝีมือบ่ตกน้อครับอ้ายตามไห้กำลังใจครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •