กำลังแสดงผล 1 ถึง 5 จากทั้งหมด 5

หัวข้อ: ข้อสงสัยที่ไปหาถามหาส่อครับ...

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา ข้อสงสัยที่ไปหาถามหาส่อครับ...

    ***ขอทำความเข้าใจเกี่ยวกับผญาบทหนึ่งที่เคยได้อ่านมาครับ มีหลายคนเอาไปเขียนหรือเอาไปเว้าต่อ เฮ็ดให้งงหรือสงสัยว่าบทใด๋เป็นของเก่าที่ถูกต้อง เลยเอาไปปรึกษาหารือ จากคนเฒ่าคนแก่ ทั้งผู้รู้หลายคน ให้เพิ่นอธิบายให้ฟัง จริง ๆ แล้ว ผญาบทนี้แต่ก่อนเก่า เพิ่นเว้ากัน ว่าจั่งซี้พะนะครับ
    “ เซื้อซาติแฮ้ง อย่าเหม็นสาบ กุยกัน
    คนอีสานนำกัน ให้ฮักแพง กันไว้
    ไผเฮ็ดดี ให้คอยยู้ คอยซู อย่าย้านหลื่น
    เฮ็ดบ่ถืก ให้ค่อยเว้า ไขแก้ ซ่อยกัน”
    ที่เฒ่ายาวไปเห็นเป็นจั่งซี้ครับ...
    “เซื้อซาติแฮ้งอย่าเหม็นสาบกุยกัน
    คนอีสานนำกันให้ฮักแพงกันไว้
    ไผทำดี ให้คอยยู้ คอยซู อย่าย้านหลื่น
    ไผเฮ็ดผิด ให้ค่อยเว้า ไขแก้ ซ่อยกัน”
    ไผเฮ็ดดี กับ ไผทำดี บ่ข้องใจครับ แต่ว่า “เฮ็ดบ่ถืก กับ ไผเฮ็ดผิด” นี่ล่ะครับเฮ็ดให้เป็นข้อข้องใจ กะเลยไปหาถามผุเฒ่าผุแก่ ผู้ฮู้ ว่าจริง ๆ คืออันใด๋ เพิ่นเลยอธิบายให้ฟังจั่งซี้ล่ะครับ ....... “เพราะว่า คำว่า เฮ็ดบ่ถืก กับ ไผเฮ็ดผิด นี่ความหมายคนละอย่างครับ เฮ็ดบ่ถืก บ่ได้หมายถึงเฮ็ดผิดพะนะเพิ่นว่า อาจสิบ่ไปตามร่องตามรอย หรือตามฮีตตามครองซือ ๆ แต่ว่ามีจุดมุ่งหมายว่าสิเฮ็ดดี พะนะ555 เฮาจั่งค่อยคุยกัน บอกกัน ว่าต้องเฮ็ดจั่งซั่น จั่งซี้ พะนะว่า 555
    แต่ว่า ไผเฮ็ดผิด คำว่าเฮ็ดผิดนี่ แปลว่ากระทำการผิดจากบทบัญญัติ หรือข้อตกลง พะนะว่า 555 และกะต้องมีโทษพุ้นเด้เพิ่นเว้า 5555 และเพิ่นยังบอกต่ออีกว่า บ่ว่าสิสมัยใด๋กะแล้วแต่ บุคคลใด ๆ บ่ควรไปซ่อยคนทำผิดให้พ้นผิดพะนะ คนทำผิดต้องได้รับโทษตามกฎหมาย หรือข้อตกลง นั้น ๆ”
    ขอนำมาทำความเข้าใจในบ้านมหานำครับ บางทีปราชญ์หลายท่านอาจสิมีความเห็นเป็นอย่างอื่น กะคงสิเป็นประโยชน์มากขึ้น หลายคนกะสิได้จำไปเป็นความรู้ต่อไปครับ...
    :l-:l-:l-

  2. #2
    Banned

    วันที่สมัคร
    Oct 2010
    กระทู้
    757
    บล็อก
    4
    โอ่....ติ....ขอบคุณเด้อจ้าที่ให้ความกระจ่าง นี่กะเพิ่งพิจารณาคือกัน ตอนแรกวาแม่นความหมายเดียวกัน+ซั่นเอ็ดบ่อถืก กะคือรู้เท่าบ่อถึงการณื บ่อได้มีเจตนาซิเฮ็ดแบบนั้น แต่เฮ็ดผิด กะคือ เจตนา ตั้งใจซิเฮ็ดแบบนั้น ทั้งที่รู้ว่าผิด ซั่นคนเอ็ดบ่อถืก กะน่าให้อภัย แต่คนตั้งใจเอ็ดผิด ทั้งๆที่รู้ น่าเอามาตัดหัวทิ่ม ให้ศูญพันธุ์เน๊าะ ฮ่าๆๆๆ

  3. #3
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    747
    อยากหัดแต่งอยู่แต่กะไปบ่ลอดจักเทื่อคือสิบ่มีพรสวรรค์นำเขาเรื่องเว่าผญาแต่กอ่นอยู่ทางบ้านยามผุบ่าวสาวเพิ่นคุยกันจีบกันกะได้ยินเพิ้นต่อผญากันยุมว้นครับ:*-

  4. #4
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    ดีครับมีหยังถืกกะค่อยแก้ไขกันไปเรื่อยๆครับ

  5. #5
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    " ศิษย์ต่างครู อาจารย์ต่างวัด คฤหัสถ์ต่างบ้าน หัวล้านต่างคุ้ม หามื่อบ่ถืกกัน"

    บ่ถืกกัน ในที่นี้หมายความว่า ไม่ตรงกันเพราะอาจจะเรียนมาคนละตำรา ไม่ได้หมายความว่า ทะเลาะกัน ผิดใจกัน

    บางคนตีความหมายไปว่า คนแก่หลายคนมาร่วมกันหาฤกษ์งามยามดี แต่ตกลงกันไม่ได้เลยผิดใจกันทะเลาะกัน ซึ่งผิด ความจริงคือต่างคนต่างตำราหาฤกษ์ดีได้คนละวันตามตำราของตัว
    ...............................................................................................

    อย่าย้านหลื่น อันนี้ถืกแล้วครับ อย่าย้านลื่นหรือหลื่นแล้วแต่คนจะเทียบเสียงกันเอง ( ลื่น ภาษาอีสานหมายถึง ดีกว่า เด่นกว่า เช่น ได้ลื่นหมู่=ได้ดีกว่าคนอื่น ,,, ลื่นภาษาอีสาน ไม่ทำให้หกล้ม )
    ความหมายคือ ให้ช่วยสนับสนุนคนดี ไม่ต้องกลัวว่าเขาจะได้ดีกว่า เด่นกว่า

    "อย่าย้านหมื่น" ไม่ถูกครับ ผิดความหมายของตัวผญาโดยสิ้นเชิง


    บางคนเพี้ยนไปเป็น อย่าย้าน เหลิน
    แก้ไขครั้งสุดท้ายโดย เซียงสีผีเป้า; 03-06-2012 at 13:46.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •