มื้อนี่วันเสาร์ที ๙ มิ.ย.๕๕ พอดีสมาชิกมีมื้อหยุดตรงกัน กะเลยซวนกันไปซิดเบ็ดยู "บ่อบ้านสวน"แถวๆบ้านเกาะในโคราชนี่หละ
มื้อนี่ท้องฟ้าเปิดแดดออก แต่รอบๆบ่อกะมีกระต๊อบน้อยให่หลบแดดยู
มื้อนี่พากันไปแต่เซ่า เผื่อไปจองทำเลก่อน ไปก่อนได่หม่องทำเลดีก่อนไปกันตั้งแต่สามโมงเซ่า
มื้อนี่คนบ่หลายปานได่ มียูบ่พอสิบคน ไปกันสามคนลงเบ็ดสามคัน
โตแรกโตสองได่ปลานิล รุ่นๆสี่โตโล กำลังปิ้งแซบรุ่นนี่
คนแรกหมานก่อนหมู่แล้วสองโต คนที่สองจังค่อยได่
คนที่สองได่ขื่นมาไลๆกันสองสามโต แถมโตใหย่อีกต่างหาก..
รุ่นๆสามโตโล รุ่นนี่ต้องเฮ้ดปลานิลเผาแล้วพี่น้อง
รุ่นน้อยกั่วนี่ได่ขื่นมากะปล่อยคืนเอาไว่ให่มันใหย่ก่อน....
นี่โตนี่พี่น้องพระเอกของทริปนี่ "ปลาจาระเม็ด" ย้านเป็นโลยูคือโตนี่....หมานๆๆ
ส่วนผมบ้อโตแรกได่ขื่นมากะเป็นปลานิลน้อย กะปล่อยคืนซ่ำ...
อีกบ่โดนครับพระเอกโตที่สองกะตามหมู่มันขื่นมา โตกะสูสีกับโตแรก... หมานๆๆๆ
มาเด้อพี่น้องมาเอาปลาสดๆ ไปเฮ็ดกินแซบๆๆ
จาระเม็ดโตที่สามกะตามขื่นมาอีก ฮ้อนกะซาง เมือยกะซาง คุ่มยูมื้อนี่
ส่วนผมกะได่แต่ปลานิลน้อยอีก ประมาณเจ็ดแปดโตนี่หละ บ่ได่จาระเม็ดนำเขาจ้ากโต
ได่จาระเม็ดทั้งเหมิดสามโตซั่งเบิ่งสามโตสองโลแปดแมะ ว่าแมนสิโตละเป็นโล
กับได่ปลานิลนำอีก(แบบคัดเอาโตน้อยปล่อยคืน)ห่าโลก่าๆ รวมแล้วเอาปลาออกจากบ่อแปดโลๆละ ๕๐บาท เบ็ดคันละ ๒๐บาท รวมเป็นเงินต้องจ่าย ๔๖๐ บาท มันบ่ายสองโมงแล้วกะเลยพากันกลับ.... คุ่มยูครับมื้อนี่แมนสิเมือยกะซาง
ขอขอบคุณพื้นที่ "บ้านมหาดอทคอม"ที่ให่นำเสนอ ไปซิดเบ็ด(ตกปลา)"บ่อบ้านสวน"
ผลงานเล็กๆน้อยๆจากทีมงาน "บ้านฅนไท โคราชบ้านเอง"
และขอบคุณสมาชิกทุกท่านที่เข่ามาชม ทริปหน่าพ้อกันใหม่ ครับผม..:*- สบายดี
Bookmarks