กาละครั้งหนึ่ง แต่ชาติก่อน ยังมีนกกระจอกน้อยสองโตจีบกันแล้วกะมักกันจนได่เป็นคู่ผัวตัวเมีย และได้ซอ่ยกันสร้างบ้า่นทำรัง อยู่กินกันมาจนได่ไข่นำกัน สาม หน่วยอยู่มามื่อหนึ่งมีคนใจร้ายมาจูดป่าหญ้าคาไล่หนูพุกหรืออีหยังสักอย่าง โดยบ่ฮู่ว่ามีหั่งนกกระจอกน้อยอยู่ฮั่นหั่งหนึ่งต่อมาบ่นานไฟกะเริ่มโหมไหม่อย่างแฮงนกโตผู่ขันอาษา บินออกไปเบิ่งเหตุการทางนอกหั่งว่าเกิดอีหยังขึ่น พอได่ความแล่วกะบินกลับมาบอกเมียให่ทราบเมื่อมันเป็นจั่งสี่เฮาสิเฮ็ดจั่งใด๋ นกตัวผู้ปรึกษานกตัวเมีย เป็นแบบนี่หั่งกับไข่ลูกเฮาต้องถืกไฟไหม่อย่างแน่นอน ทางนกตัวเมียว่าตายเป็นตาย ตายนำกันบ่นานไฟกะโหมใกล่เข่ามาทุกขณะ นกตัวเมียกะบอกผัวว่า เฒ่ามากกไข่ถ่าข่อยแน่จักคาว เวลานี่ไฟไหม่ฮอดหลังหั่งแล่ว จั่งใด๋เมียบินไปจ้อยมิดจี่หลี่ น้ำตาผัวไหลอาบย้อยจำไว่สิบ่ลืม ทางไฟกะเผาไหม่เผาดวงใจพ้อมกับไข่ ชาติหน่าเิด้อถ่าเกิดได่ขออย่าให่พบเห็น นกกะจอกโตเมียเอ่ย พอไฟดับลงเหลือแต่ขี่เท่ากองเอ๊ะเย๊าะ ต่อมา ภพชาติใหม่ในเมืองมนุษนกกะจอกน้อยโตผู่ได่เกิดมาเป็นคนเป็นผู่ชายรูปหล่ออยุ่ใด่ใหญ่มาจนเป็นบ่าว มื่อหนึ่งเกิดมีใจฮักหมั่นอยากใด่สาวงามมาเป็นคู่ จนใด่มาพบพ้อสาวงามนั่นดั่งใจ ชายคนนั่นกะเลยกลา่วขอความฮักสิแต่งงานกับน้องแต่แล้วกะสมความมุ่งมาดปรารถนา เมื่อสาวงามตอบรับ จั่งได่แต่งงานกันอยุ่กินกันมาหลายปีมีลุกนำกันสามคน ฟ้าบ่เป็นใจผิดกันบ่อยเพราะค่าใช่จ่ายบ่เพียงพอละหว่างรายรับกับรายจ่ายบ่สมดุลกันจนมาฮอดมื่อหนึ่ง เมียเขามาขอไปทำงานกรุงเทพ ทางสาีเลยเว้าว่าคันมันพอสิแบ่งเบาพาละได้ อ้ายกะบ่ว่าเมียกะเดินทางไปทำงานกรุงเทพตามที่ตั้งใจ แรกๆกะส่งข่าวพ้อมส่งเงินมาจุนเจือครอบครัวดีบ่พอสามเดือนได่ข่าวอีกที่ว่าอยู่ภูเก็ต บ่นานความจริงเปิดเผย มีคนมาส่งข่าวว่า เมียโตไปนำฝรั่งแล่ว ไปอยู่อเมริกา เขาบอกว่าถ้าโตรับบ่ได่กะให่หาเมียใหม่โลด พอได่ฟังข่าว นำ้ตาลินหลั่ย่อยปานฝนฟ้าหลั่งลงแท้น้อ แนวมันเป็นแบบนี่ข่อยคิดว่านกกะจอกตัวผู้ตัวนั้นต้องเป็นผู้ชายคนนี่และนกกะจอกตัวเมียตัวนั่นต้องเป็นผู้หญิงคนนั้นอย่างแน่นอน