หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: บุญบั้งไฟล้าน บ้านยางคำ ขอนแก่น

  1. #1
    แบ่งปันความรู้และประสบการณ์ สัญลักษณ์ของ ครูจุ่น
    วันที่สมัคร
    May 2012
    กระทู้
    135

    บุญบั้งไฟล้าน บ้านยางคำ ขอนแก่น

    บุญบั้งไฟล้าน  บ้านยางคำ  ขอนแก่น

    วันที่ 9 มิถุนายน 2555 ได้มีโอกาสกลับไปยามแม่ พร้อมทั้งเอาบุญบั้งไฟ เลยเอารูปมาฝาครับ
    บุญบั้งไฟล้าน  บ้านยางคำ  ขอนแก่น
    ผาแดงก่ำลังพานางไอ่หนี จากพญานาค
    บุญบั้งไฟล้าน  บ้านยางคำ  ขอนแก่น
    พญานาคเซาเหมื่อย
    บุญบั้งไฟล้าน  บ้านยางคำ  ขอนแก่น
    ในงานมีแข่งขันประกอบอาหารอิสาน
    บุญบั้งไฟล้าน  บ้านยางคำ  ขอนแก่น
    เป็นตาแซบบ่อ
    บุญบั้งไฟล้าน  บ้านยางคำ  ขอนแก่น
    เบิง่เพิ่นกินเป็นตาแซบหลาย
    บุญบั้งไฟล้าน  บ้านยางคำ  ขอนแก่น
    บั้งไฟล้าน เอ้าซ่อยกันสร้างเม็ดฝนตามหลักวิทยาศาสตร์ที่ถ่ายทอดทางวัฒนธรรมซุมหมู่อิสานเฮา
    บุญบั้งไฟล้าน  บ้านยางคำ  ขอนแก่น
    นายอำเภอกะมาร่วมงาน
    บุญบั้งไฟล้าน  บ้านยางคำ  ขอนแก่น
    พระครูกะมีส่วนในการเสริมงานให้คนมาร่วมหลายขึ้น และศักดิ์สิทธิ์หลายขึ่น
    บุญบั้งไฟล้าน  บ้านยางคำ  ขอนแก่น
    นี่กะส่วนหนึ่งที่คนในหมู่บ้านอาศัยมื้อสำคัญนี้ในการสมทบสร้างเครื่องอำนวยสะดวกที่ใช่ฮ่วมกัน
    บุญบั้งไฟล้าน  บ้านยางคำ  ขอนแก่น
    มีไทบ้านหลายส่วนที่มาตั้งโรงทาน เพื่อเลี้ยงคนมาฮ่วมงาน
    บุญบั้งไฟล้าน  บ้านยางคำ  ขอนแก่น
    ปาด ยังผูกหางบ่อทันแล้วเลย
    เดี๋ยวเบิ่งต่อ ตอนต่อไป ==>


  2. #2
    แบ่งปันความรู้และประสบการณ์ สัญลักษณ์ของ ครูจุ่น
    วันที่สมัคร
    May 2012
    กระทู้
    135

    นี่ๆๆๆๆๆๆ บ่อมีแต่ในอังกฤษเด้อ บ้านเฮากะมี โต๊ะบั้งไฟ

    เริ่มต้นจากบั้งไฟน้อยก่อน อุ่นเครื่อง แล้วกะมีพนันติดปลายนวมบ้างตามสมควร

    ฮ้านมอลำซิ่งกะสร้างสีสันให้งานคึกครื้นขึ้นบ่อเบาเลย

    เบิง่แนะพุ้น ม่วนคั๊กคัก ม่วนหลาย อิสานบ้านเฮา

    เถิงเวลา กรรมการกับนายช่างกะเอาบั้งไฟขึ้นฮ้าน

    บั้งไฟน้อยกะจูดอยู่ข่างๆ จั่งว่าเพิ่นบ่อย้านมันแตกใส่แมะ

    ได้เวลา เพิ่นกะสั่งจูด เบิ่งควันมันทั่งออกมาปานยานอพอลโล่เลย

    เบิ่งมันทยานขึ้นท้องฟ้าแบบบ่ออายแรงดึงดูดโลกเลยแมะ บุ๊ยยยยยยย มาขึ่นสูงแท้
    ติดตามต่อนต่อไป ==>

  3. #3
    แบ่งปันความรู้และประสบการณ์ สัญลักษณ์ของ ครูจุ่น
    วันที่สมัคร
    May 2012
    กระทู้
    135
    บั้งไฟกับวิทยาศาสตร์การขอฝน
    มันเป็นความเชื่อที่ผูกติดกับนิทานผาแดงนางไอ่ ทีจริงแล้วมันเป็นกระบวนการทางวิทยาศาสตร์ เป็นภูมิปัญญาสุดยอดที่มีทั้งกระบวนการปฏิบัติเพื่อใช้ในชีวิตและกระบวนการถ่ายทอดที่แยบยล

    กระบวนการดั่งกล่าว อยากย้อนหลังกลับไปจักเดือนหนึ่ง ก่อนหน่าที่เฮาสิมาเอาบุญบั้งไฟ คือประเพณีสงกรานต์ ซึ่งเป็นประเพณีที่มีช่วงฤดูร้อน ความเป็นจริงแล้ว การหดน้ำกัน มันกะซ่อยในเกิดการคลายฮ้อนได้อยู่ระดับหนึ่ง แต่จุดประสงค์อี่หลีมันเป็นการหดน้ำให้ถืกดินที่ฮ้อน ให้น้ำน้ำละเหยไปในอากาศ เพื่อสะสมความชื้นในอากาศ โชคดีว่าประเทศไทยซุมื้อนี้ ประเพณีสงกรานต์ เป็นประเพณีที่กระจายไปทั่วประเทศ มันกะยิ่งเฮ็ดให้ความชื่นในอากาศหลายขึ้นตามมา

    หลังจากเวลาผ่านไปหนึ่งเดือน ที่ดินที่ฮับความฮ้อนจากตะเว็น แล้วกะละเหยน้ำสู่อากาศ จนหลายที่สุด กะเถิงเวลาที่สิเฮ็ดให่ความชื่นในอากาศจับโตกันเป็นเม็ดฝน ขะเจ้าหยั่งกำหนดมื้อเอาบุญบั้งไฟ(สังเกตุบ่อว่า ขะเจ้าคือบ่อเอาบุญบั้งไฟก่อนวันสงกรานต์?)

    เฮากะมาวิเคราะห์หมื่อ ดินดำ ประกอบด้วยถ่านไฟ(มีองค์ประกอบด้วยคาร์บอน) ขี่เกีย(ดินประสิวมีองค์ประกอบทางเคมี คือ HNO3 ) กับมาด (กำมะถัน หรือ sulfur มีองค์ประกอบทางเคมี คือ H2SO4) ยามมาประกอบกันเข่าไปแล้ว แล้วให่พลังงาน คือการจูดไฟ มันสิมีไอน้ำพร้อมกับเขม่าควัน ออกมา

    ควัน ละอองน้ำหมู่นั่น เมื่อถืกจุดไปให่ไกล และสูงขึ่น มันสิไปรวมกับไอน้ำในอากาศที่เฮาเล่นสงกรานต์แล้วกะละเหยสะสมไว้ในอากาศหละ เมื่อไอน้ำมันมีแกนฝน มันกะสิค่อยๆ รวมตัวกันใหญ่ขึ้น ๆ กลายเป็นก้อนขี่ฝ่า หลายเข่าๆ มันกะหนังและดำทะมึน แล้วกะตกมาเป็นฝน การจูดบั้งไฟ จั่งมีความสำคัญกับวิถีชีวิตกับคนอีสานเป็นอย่างยิ่ง มันบ่อแม่นเพียงแค่วัฒนธรรม เอาคนลงตมอย่างเดียว

    แต่หลังจากที่จูดบั้งไฟแล้ว เป็นเดือน ฝนมันบ่อตก ขะเจ้ากะจั่งแห่งนางแมว คือเฮ็ดให้คนเฮาหดน้ำใส่แมว ที่จริงแล้วกะหดน้ำลงดินนั่นหละ เพื่อเพิ่มความชื้นในกาอากาศให่หลายขึ่น ให่สามารถรวมกับของเก่าที่มีอยู่ในอากาศ มันจั่งสิพอให่ฝนตก

  4. #4
    แบ่งปันความรู้และประสบการณ์ สัญลักษณ์ของ ครูจุ่น
    วันที่สมัคร
    May 2012
    กระทู้
    135

    ว่าไปแล้ว การแห่งนางแมว ผุข่าบ่อมีข้อมูลเด้อ ว่าเป็นหยังจังแห่นางแมว แห่แนวอื่นบ่อได้บ้อ กะบ่อมีข้อมูลหม่องนี้ ขั่นมีข้อมูลกะซ่อยกันแลกเปลี่ยนเด้อ

  5. #5
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    260
    นี่มันบ้านหมู่ผมตั้วนิ อาจารย์นิพลเพิ่นกะอยู่บ้านนี่แมนบ่ครับ

  6. #6
    แบ่งปันความรู้และประสบการณ์ สัญลักษณ์ของ บอยเมืองยศ
    วันที่สมัคร
    Dec 2009
    กระทู้
    232
    บล็อก
    1

    บั้งนี่กะบั้งไฟล้านคือกันคับแต่เป็นบั้งไฟทางศรีสะเกษ

  7. #7
    แบ่งปันความรู้และประสบการณ์ สัญลักษณ์ของ ครูจุ่น
    วันที่สมัคร
    May 2012
    กระทู้
    135
    แม่นแล้ว อาจารย์นิพนธิ์ เพิ่นเป็นศึกษานิเทศ ยุ สพป. ขอนแก่น เขต 5

  8. #8
    แบ่งปันความรู้และประสบการณ์ สัญลักษณ์ของ คนภูหลวง
    วันที่สมัคร
    Feb 2010
    ที่อยู่
    เมืองเลย
    กระทู้
    378
    สะออนบั้งไฟล้าน ตอนมันขึ้นเสียงคือสิดังคักเนาะครับ สมัยก่อนคันบั้งไฟไผบ่ขึ้นช่างบั้งไปกะสิถืกหามลงตม แต่ก่อนเป็นบั้งเหล็กตกลงไฮ่นาเห็นแต่หางซี้เก่เด่ได้ขุดเอาลึกเป็นเมตรสองเมตร

  9. #9
    ศึกษาหาความรู้ สัญลักษณ์ของ หนุ่มสารคาม
    วันที่สมัคร
    Apr 2012
    ที่อยู่
    sriracha chonburi
    กระทู้
    22
    ขอบคุณที่นำสิ่งดีๆมาแบ่งปันผมกำลังรวบรวมภาพเกี่ยวกับประเพณีไทยพอดี
    ฝรั่งเห็นเพิ่นคือสิเว้าว่า "amazing how"

  10. #10
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    มักนำยุครับครู เอาบุญบั้งไฟนิม่วนคักหลาย ติดปลายบั้งแนพอกินข้าวแซบกะดี555

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •