กำลังแสดงผล 1 ถึง 10 จากทั้งหมด 10

หัวข้อ: น้ำตาฟ้า

  1. #1
    atirat
    Guest

    น้ำตาฟ้า

    โอนอ..ละฝนตกมาจากฟ้า ไหลลงมาปานฟ้าฮั่ว เสียงฟ้าฮ้องโฮมรัว ดังก้ำพุ้นก้ำพี้ปานเจ้ามีเรื่องฮ้อนเจ็บห้องฮ่อมได๋
    น้ำตาไหลจนฮ่งเทลงโฮมฮ่อง จนเต็มห้วยเต็มหนอง นองจนเต็มแผ่นพื้น ฝืนไว้กะบ่ฟัง
    เจ็บอีหยังนอฟ้า ไผสั่งมาเฮ็ดให้หม่น หรือย้อนตอไม้ต้น คนตัดแล้วบ่ป่งทัน
    หรือย้อนควันพิษนั้น โรงงานเขาปล่อย พลอยให้แสบตาฟ้า จั่งมาให้ฮ่ำฮอน
    หรือว่าเจ้าถืกไม้ฆ้อนรามศูรย์ขว้างขวัญใส่ เจ่าจั่งมานั่งให่เบิดมื้อบ่ซ่วงเซา
    ฮึแม่นดาวเดือนนั้น ผันไปไกลห่างพอสว่างส่องแจ้ง หายจ้อยบ่ล่ำลา
    เซาน้ำตาไว้ถ่อน ฟ้าเอ้ยเจ้าฮ่ำ เจ้าอย่าฮ้องห่มไห้ เขาพุ้นเพิ่นสิหยัน
    เขาสิเยาะย่องเย้ย ย่ำยีให้ฟ้าเสื่อม ให้เจ้าเตรียมไปหน้า ชาตานั้นยังอยู่ไกล
    ละอยู่ในโลกากว้าง ยังมีอีกหลายหมื่น ที่ลืมตาตื่นขึ้นเจ็บซ้ำน่ำก่อเฮา...ฟ้าเอ้ย




  2. #2
    atirat
    Guest

    Re: น้ำตาฟ้า

    ...โอนอ...แม่นอ้ายถอดใจได้คือดั่งทศกัณฑ์
    สิเอาน๊อตขันรถแมคโฮขุดถมไว้
    ลึกลงในแผ่นพื้นพสุธาดำดิ่ง
    ย้านพ้อคนกลอกกลิ้งมาลวงล้อหลอกหัวใจ
    ...ย้อนมันเข็ดหลาบแท้สาวมาแวมาหลบอยู่
    ตั๋วให้เปิดประตู มาฝากฮักเอาไว้ ไปจ้อยบ่ห่วงหา
    เป็นหยังน้อผู้ข้าซาตามาตกต่ำ หยังมาถืกเหยียบซ้ำกรรมนี้บ่ห่อนเซา
    สาวได๋มากะตั๋วซ้ำ...ผู้ได๋มากะตั๋วต่อมาซ่างเป็นกะด้อขอฟ้าจงประทาน
    ซาติหน้ามีบ่ย้านได้เกิดมีสิบหัว ถอดหัวใจออกจากตัวสิเสี่ยงคนบ่มีพ้อ
    สิขอถอดใจเมี้ยนฝังพื้นเมรุมาส ขอประกาศต่อฟ้าอย่าสิพ้อคนบ่จริง.....................


  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: น้ำตาฟ้า

    ฟ้าเอ้ยฟ้าฮ้องคว่ำ อย่าลืมความที่น้องสั่งน่อละแฟน............ อ้าวลืม ...ผญาดอกเนาะ..แฮะๆ

    อัศจรรย์ใจฟ้า คือน้ำตายามฟ้าหลั่ง คือบ่พังผ่านฟ้ามาทางพี้ ฮ้อนอิหลี..บ่มีหม่องสิส่นอยู่ พี่น้อง .....( อันนี้จ่มสื่อๆดอก ฮ้อนหลายคิดผญากะบ่ออก อิอิ)

  4. #4

    Re: น้ำตาฟ้า

    โอ้ยทางบ้านผมคือแล้งคักแท้น้อ กล้าที่ตกไว้สิแห้งตายเบิดแล้ว แมงขี้สีกในบวกกะหนีขึ้นกกบกเบิดแล้ว ฟ้าเอ้ยฟ้า

    นี่หละน้ออ้ายขี้โก๋เอ้ย หม่องได๋มีฮักหม่องนั่นกะมีทุกหละอ้าย เพิ่นจังว่ามาเนาะ หนีไปบวชสา น้องซายสิไปส่งปิ่นโตดอก

    ความฮักนั่นนั่นมันหมุ่นปานเต๋เห็ด
    มันหละหมุ่นคือจังเป็ดกินบักหอยบ่อเหลือซาก
    บัดขี้ออกทางดากซากบ่อมีให้เห็นต่อน
    หละหาเงี่ยนบ่อพ่อบ่อคือด้ายอยู่ในอัก
    บัดยามหักอกมาหาสาเหตุกะบ่อได้ ดอกเด้อ


  5. #5
    atirat
    Guest

    Re: น้ำตาฟ้า

    ส่งปิ่นโต..กะเอาข้าวเอากับใส่นำแน่เด้อ .....บวชบ่ทันได้ดอกบ่าวพอกะเทิน......อดข้าวแลงบ่ได้.....


    ..ฟ้าเอ้ยฟ้าแสนทิวาราตรีผ่าน ฟ้ากะยังฝืนต้านยืนสู้ต่อทน
    แม่นสิฝนแดดสิฮ้อนบ่อาทรหนาวทนอยู่ ยังเป็นหมู่ขี้ฝ่าดาวน้อยเดือนตะเวน
    ข่อยยากเป็นคือเจ้า สิบ่เหงายามฟ้าม่น เบิดมืดฝนตะเวนขึ้นยังเหย้าอยู่ฮ่วมกัน
    ยามมืดมิดปิดกั้นดวงจันทรายังสาดส่อง ผองหม่ดาวใหญ่น้อยนำอ้อมกล่อมเคียง
    ข่อยคือเบิดสิ้นเสี่ยง เผดียงได๋กะว่างเปล่า ฮอดยามเหงาทนเศร้าหาหมู่เว้ากะบ่มี
    นั่งอยู่ป่ามาหลบลี้พวกแมงหมี่กะบ่ตอม จี่หรีดเรไรกะบ่ซอมบ่มีกล่อมแซวเว้า
    แม่นนกขอดนกเค้ากาเวาวอนเสียงบ่ส่ง ปลาบ่ด่งโดดน้ำข้ามจ้อยบ่ทักทาย
    เฮามันดั่งคือด้ายได๋สิงามซำไหมหมี่ ค่ามีเพียงซำนี้สิขอลี้นอนโกน......ซั่นดอกหว่า...

  6. #6
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: น้ำตาฟ้า




    ....ฟ้าเอ้ยฟ้า....แม่นมีตาแหน่บ่น๊อ เห็นคนเศร้านั่งก่อจ่อ ฟ้าบ่ปลอบใจซ้ำ ให้คนช้ำได้เซาหาย
    แฮ่งสายฝนไหลจากฟ้า มีน้ำตาคนเศร้าฮ่วม รวมน้ำตากับน้ำฟ้า มาเศร้าแท้เฮ็ดจั่งได๋
    สายฟ้าฟาดลงไป ปานฟาดใจให้อุกอั่ง ยามฝนเทลงทั่ง พังทลายสายน้ำตา
    ....ฟ้าเอ๊ยฟ้า....ส่งแต่ความชุ่มฉ่ำ ส่งแต่ฝนลงมา อย่าได้ส่งน้ำตา อย่ามีเศร้าสิได้บ่
    ขอคนเศร้าจบพบพ้อ ความสุขเย็นจั่งน้ำฟ้า น้ำตานั้นอย่าได้มี............เด้อฟ้าเอ๊ยยยยย......

  7. #7
    atirat
    Guest

    Re: น้ำตาฟ้า

    ตะเวนตกค่ำคล้อยลอยลงยั้งบ่อยู่ ลับลงสู่แมกไม้ไปหน้าหาบ่เห็น
    ลมเย็นพัดผ่านขี้ฝ่า ไหลมาโฮมอยู่ หมูกลุ่มดาวใหญ่น้อยทะยอยย้องส่องแสง
    เสียงแซวแซวสิเบิดแจ้งยามแลงนกบินแซ่ว ส่งเสียวหวานแจ้วแจ้ว แอ่วเว้าสิเนานอน
    จับเทิงคอนขอนไม้ ฮังไหมอันอบอุ่น ตุ้มลูกน้อยกลอยเจ้าไห่เล่านอน
    นกคืนคอนนอนแล้วมืดมิดสนิทตา บัดผลาพี่ซายหน่ายโตตะแคงเว่า
    คุยกับเงาในรูป หล่านางอยู่กลางท่ง บัดมื้อได๋สิโค้งคืนบ้านถิ่นเฮา
    อ้ายนี่นับมื้อเศร้า เนานอนบ่เต็มตื่น เดิกดื่นมากะสะดุ้งคือน้องมานั่งเคียง
    แสงตะเกียงสิดับมอด ปานนางสิห่างพี่ อย่าสุป๋าปล่อยหนี ให้นางคือสู่เหย้าอ้ายยังเฝ้าแต่แนมทาง...

  8. #8
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: น้ำตาฟ้า



    ....คิดฮอดหลายอยากเห็นหน้า แต่บ่มีปัญญา ได้แต่จาความส่ง
    ด้วยใจหมายประสงค์ อยากให้ตรงกับใจอ้าย คนไคเอ้ย..คิดฮอดเด๊
    ใจเคยเพพังหย้าว หัวใจเคยเหงา..เหงา ยังเซาได้ย้อนว่าพี่
    อ้ายเอาใจดี..ดี มาแลกใจฮ้าง..ฮ้าง ยังจำได้บ่ลืมลง...เด๊น๊อ....


  9. #9
    atirat
    Guest

    Re: น้ำตาฟ้า

    สอดสายตาขึ้นเทิ่งฟ้า เห็นตั้งแต่ขี้ฝ่า ไหลมาฟ้าฮ้องห่ม
    สายฟ้าฟันปานถล่ม เหลี่ยมมาบพุ้นเหลี่ยมมาบพี้ สิหนีเข้าใต้ล่างเถียง....ย้านฟ้าฝ่าหัว

  10. #10
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: น้ำตาฟ้า


    ...สายฝนหล่นรินถวิลอ้าย ในความหมายว่าอ้ายคือเก่า...ว่าคิดฮอด..อ้ายคนเก่า
    ยามนั่ง..ใจเหงา..เหงา คิดฮอดเจ้าบ่เว้นว่าง....
    อยากขอตามฮอยทาง อยากขอย่างเคียงกับเจ้า
    อยากฝากฮักสองเฮา ฮักเพียงเจ้า....บ่หน่ายแหนง

    ฮักแพง...กันแหน่เด้ออ้าย.......อย่าม้างม่ายหนีไลไกลจร
    ให้คิดถึงบังอร...คิดถึงคำอ้อนคืนวันผ่านมา
    ได้นั่งสบสายตาเจ้า....นั่งเคียงเงาเป็นสุขนัก
    อ้ายบอกฮักแต่ขวัญ....อย่าลืมเวลา..ลืมฮักสองเฮา.......



Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •