หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 18

หัวข้อ: เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน

  1. #1
    แบ่งปันความรู้และประสบการณ์ สัญลักษณ์ของ ครูจุ่น
    วันที่สมัคร
    May 2012
    กระทู้
    135

    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน


    มีโอกาสย่างข่ามหั้วไปเก็บภาพการเฮ็ดอยู่เฮ็ดกิน แบบสวนอ้อมเฮียนไทบ้าน เป็นบ้านอ้ายทิ ลูกชายสังปู่แห(หมอยา ปัวคนมาหลายแล้ว แต่เลาตายแล้วหละ) อ้อมเฮียนเพิ่นเป็นสวนปลูกแนวกินอ้อมเฮียน จั่งแม่นคือพ่อใหญ่ผาย สร้อยสระกลาง เพิ่นเว้าไว้ว่า "ย่างข่วมหั้ว บักถั่วตำตา เงิยขึ่นมา บักสีดาล่นใส่ ตั้งหม่อไว้ปลาเต้นใส่เอง"
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    ย่างข่วมหั้วเฮียนเลามาสิเห็นป่าเข่าโพด สางหลาง แต่พอสังเกตุเห็นว่ามีแนวอื่นอีกหลาย
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    ย่างเข่ามาหน่อยหนึ่ง สิเห็นร่องรอยการถืกทำลายความเสียหาย จากน้ำฝน ที่ไหลมาจากฮางริน ถ่วมผักเพิ่น ตายไปเป็นเวิงบักใหญ่เติบ แต่กะยังเห็นว่ามีผักฮือแนวอยู่แนวกินยังคงพร้อมที่สิฟื้นโตกลับคืนมาเป็นแนวกิน เป็นผักเป็นหญ่า เป็นเครื่องเทศพร้อมที่สิครัวให้ไทเฮาอิ่มได้ตลอด
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    ย่างไปอีกสองสามก้าว กะสิเห็นว่ามีผักคะน้าขึ่นแซมป่าเข่าโพด นี่เป็นการบริหารจัดการที่ดินที่มีประสิทธิภาพสูงสุด
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    นี่กะกอผักแพรว บางหมู่บ้านเพิ่นกะเอิ้น "ผักกะเสริม" พะนะ แค่เอามือลูบใบมันกะได้กลิ่นหอม คึดอยากกินแหนมเนีองขื่นมาโลดจั่งว่า
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    กะสิเห็นว่าบางส่วนมันสิตายย้อนน้ำถ่วม แต่กะยังเห็นว่ามีบางส่วนสิพร้อมฟื้นโตกลับมาเป็นแนวกินให่ผุปลูก จั่งแม่นเพิ่นเข่าใจธรรมชาติกับการจัดการ ภูมิปัญญาหมู่นี่เป็นความสุดยอดเป็นที่อิสานเฮาเฮ็ดได้บ่ออยากเลยเด้อ
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    หันไปทางขัว กะสิเห็นผักซีแซมอยู่กับผักบุ้ง การจัดการแบบผสมผสานที่เข่าใจความหลากหลายของพืช เป็นภูมิปัญญาชั้นสูงที่คนเฮาได้ถ่ายทอดต่อกันมาผ่านทางวัฒนธรรมและวิถีชีวิต แต่ว่าฝรั่งมันสิถ่ายทอดผ่านโตหนังสือ
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    นี่กะเป็นผักแป้น(กุ๊ยช่าย) เป็นผักที่มีการใช่ในร้านเข่าต้มหลายสุด ขั่นเลาตัดใบมันออก เอากะโป๋บักพร้าวครอบไว้ ยอดผักแป้นออกมามันกะสิเป็นผักแป้นขาว ผัดเต้าฮู้อ่อนยุร้านเข่าต้ม สวดยอด
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    มีฮอดผักอี่ตู่ หัวมัน มีแนวกินหลายแนว บ่อหลาย แต่กะมีกิน เป็นวิธีคิดที่สุดยอดในการเพิ่งโตเองที่สำคัญในการใช่ชีวิตในยุคปัจจุบัน
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    เงยหน่าขึ้นมา กะเห็นว่าบ้านข่างกันกะมีค้างบวบ บักบวบออกลูกห้อยยามหย่าง เบิ่งดู้ว่ามันสิอึดกินบ่ออิสาน มันสิทุก สิยาก คือจั่งขะเจ้าพยายามดูถูกดูแคลนหมู่เอายุบ่อ
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    มีฮอดบักหวานบ้าน ขั่นอยู่นครนายกเพิ่นเก็บยอดขายกิโลละสองร้อยบาท พุ้นเด้
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    ผักบั่ว เพิ่นหัวแต่ปลูกใหม่ ๆ สงสัยปลูกเตรียมใส่ก้อยงัว มื้องานบุญเข่าสาก แต่ได๋บุ๋
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    เหลียวขึ่นมาอีกหน่อยหนึ่ง กะสิเห็นมีต้นผักหวาน ขั่นอยู่แถวนครนายก ขะเจ้าปลูกเก็บยอดขายกิโลละ สองร้อยบาทพุ้นเด้ะ
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    เบิ่งสูงขึ่นไปอีกจักหน่อย กะสิเห็นป่ามอญ กะคึดออกเลยว่า บ้านอ้ายทิ แม่บ้านเลาต้องเลี้ยงม่อน(ไหม) แน่นอน แห่งเฮ็ดให้เห็นจากภาพที่สะท้อนถึงภูมิปัญญา ที่อ้ายทิเพิ่นพยายามสร้างปัจจัยสี่ ที่จำเป็นสำหรับการดำรงชีวิต
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    ย่างเข่ามาในป่ามอญเพิ่น กะยังมีค้างถั่วยาว หัวตะปลูกใหม่ ๆ เลยแมะครับ เพิ่นใช้พื้นที่ให้เกิดประโยชน์สูงสุด นี่จั่งแม่นคนมีคุณภาพโดยแม้จริงเนาะ เพิ่นบริหารพื้นที่เพิ่นให้เกิดประสิทธิภาพสูงสุดอี่หลี
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    เบิ่งดู้ เพิ่นยัดหัวขิงไคปลูกไว้ในสวนมอญเพิ่น พื้นที่เพิ่นน้อย ๆ แต่บ่อให่ว่าง ให่มีแนวกินเต็มพื้นที่เลย
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    มาหน่าบ้านเพิ่ม บ่อแม่นสิเป็นที่โล่ง ๆ ไว้จอดรถอย่างเดียว เพิ่นกะปลูกของกินไว้เต็ม ปลูกซุแนว แต่บ่อหลาย ให่มีแต่พอกิน
    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน
    นี่จั่งแม่นเพิ่นคิดถืก "เฮ็ดเล่น ๆ แต่เอาอี่หลี"
    แก้ไขครั้งสุดท้ายโดย ครูจุ่น; 13-06-2012 at 11:26.

  2. #2

    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียน

    เฮ็ดเล่น ๆ เอาอี่หลี กับชีวิตพอเพียงแบบเกษตรอ้อมเฮียนจังแม่นอุดมสมบรูณ์เนาะครับเนาะผักหญ้าเพิ่นปลูกอ้อมเฮือนเอาโลด ดีครับบ่ต้องไปซื้อกินเนาะครับเนาะ แถมผักปลอดสารพิษของเฮาเองนำ...:l-

  3. #3
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,171
    บล็อก
    5
    ดีน่อครับ บ่ต้องไปหาซื้อนำตลาด ขาดเหลือหยังกะหย่างเข้าสวนไปหาเอาโลด ชีวิตพอเพียงอีหลีครับ

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    ดีๆๆๆ มักๆแบบนี้ ง่ายคักยามเฮ็ดแนวกิน หย่างไปเก็บเอาโลด

    แต่ว่า ยามเมามากะอย่าสิหย่างเล็งไส่ผักเด้อละครับ มันสิงามไวโพ 555

  5. #5
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    260
    แบบนี้เอิ้นอีกอย่างว่า ผักสวนครัว ฮั่วกินได้

  6. #6
    ศึกษาหาความรู้ สัญลักษณ์ของ คุณฉุยเลย
    วันที่สมัคร
    Jan 2012
    ที่อยู่
    พระนครศรีอยุธยา
    กระทู้
    411
    สุดยอดครับ มีกินทุกอย่างหมุนเวียนกันไป ผักบ่ต้องซื้อ อาจสิซื้อแต่หมู ปลา กะซ่อยประหยัดได้หลายอยู่ เหลือกินกะแบ่งกัน แลกเปลี่ยนกัน หรือขายได้นำ

  7. #7
    ปลูกทุกอย่างที่กีนใด้กีนทุกอย่างที่ปลูกคู้นๆๆบอ่ครับพี้น้อง

  8. #8
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    คักเนาะพืชผักสวนครัวบ่ตอ้งซื่ออยากกินหยังกะไปเก็บเอาปลูกหลายอย่างถ้ามีที่แหน่กะน่าปลูกไว้เพราะว่าคนเฮาทำอาหารสุมื้อเนาะคักยุครับครูมีประโยชน์หลาย:*-:*-

  9. #9
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    น่าเอาเป็นแบบอย่างเนาะค่ะ....ดู๋แบบนี้ไปอยู่ไสกะบ่ออึดกินดอก555

  10. #10
    สมาชิกที่ยังไม่ยืนยันอีเมล์
    วันที่สมัคร
    Jan 2009
    ที่อยู่
    บ้านละเอาะ ต.จีกแดก จ.สุรินทร์
    กระทู้
    531
    บล็อก
    1
    แบบอย่างสมัยตะกี้เนาะครับ ซุมื้อบ่ค่อยเฮ็ดกัน

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •