อยู่ไปโดนหั่งมีแต่สิเจ็บไปหน้า

[หนุ่มหน้าลาว]

***เหมิดหม่องไป แล้วใจอ้าย น้องมาหล่าย สัจจา
อดสาหวงห่วงคะนิง ยามบ่เห็น สิเป็นบ้า
กลุ้มอุรา แสนสิโศกาสิ้น ยามนางไป บ่แจ้งข่าว
อ้ายอยากฮู้เรื่องราว น้องผั่นหั่งอยากลี้ โอ้ยแนวนี้ ว่าฮักจริง ซั่นบ้อ
บ่เคยจากลอกกลิ้ง ยามทุกข์ หรือยามสุข
บอกทุกความในใจ บ่ซุกปม ขอดขัดม้วน
บัดว่านวลนางน้อง เป็นหยังน้อ อยากซุกเสี่ยง
หรือนางมี ผู้อื่นซ้อน จั่งอำอึ้ง บ่อยากไข
คิดไปไส กะคือโตของอ้าย นางบ่แคร์ สิเป็นห่วง
ดวงโตมัน กุ้มจิ้น ซินของอ้าย นั้นบ่สูง
คันบ่อยากให้หยุ่ง ยุ่งเกี่ยว ในชีวิต
กะสิขอไปตามทาง หม่องพระนาง หันหลังให้
บ่อยากไป กวนใจเจ้า นางเอ้ย ให้เจ้าฮุ่ง สาเด้อ
ขอให้สมมาตรมุ่ง ดังใจเจ้า ปรารถนา
บ่อยากปองดอกฟ้า ให้นางหม่น เสียราศี
คนบ่ดีคือโตเฮา ควรอยู่เขา ไพรโพ้น
อยู่ไปโดน เพิ่นสิสมน้ำหน้า ขอลานาง บ่ขอต่าว
บ่อยากตายย้อนผู้สาว โลกสิสมน้ำพื้น ไทบ้านสิกล่าวขวัญ เพื่อนเอ๋ย