ตรงนั้นคือหน้าที่ ตรงนี้คือหัวใจ

[กานต์ กาฬสินธุ์]

นางเอ้ย... อ้ายจำใจน้อง หาเงินทองอยู่ต่างถิ่น เพราะหนี้สินมาตอกย้ำ มาทำให้ใจผวา

อยู่บ้านนากะมีน้อง แต่เงินทองบ่พอจ่าย มันกะเป็นหน้าที่อ้าย คอยหาใช้เถ้าแก่เขา

อดเอาเด้ออดแหน่หล้า อ้ายสัญญาสิฟ่าวต่าว สิฟ่าวคืนมากอดเจ้าผู้สาวอ้ายอย่าหน่ายหนี

ตรงนั้นมันคือหน้าที่ ตรงนี้ตี่คือหัวใจ อ้ายสิกลับไปไวๆ เอาหัวใจไปกอดน้อง เอาหัวใจ

ไปฝากน้อง กับของหมั้นให้แม่นาง กับของหมั้นให้แม่นาง ..ซันแหลว..

[คนตระการ...]

บ๊ะ เข้าท่าตั่วละครับ .. แสดงว่าไปหาค่าดองอยู่ต่างประเทศบ้อนี่

[suny]

เว้าเป็นตาผุสาวดีใจเนาะครับ ไผเป็นผุสาวเพิ่นกะถ่าเพิ่นเด้อครับ

[sa_ngamk9]

ให้หมานๆเด้อซั่น ได้เงินทองเป็นหาบๆๆ

[lungyai1123]

เยี่ยมบ่าวกานต์ กาฬสินธุ์ สุดยอดครับเข้ากันดีหลาย

[น้องป้อม]

อ้ายเอ๋ย...ได้ยินคำอ้ายเว้าแล้วน้องดีใจหลาย
ว่าพี่ชายนั้นเฮ็ดงานหาเงินทองมาหมั้นน้อง
คงบ่มีเรื่องคัดข่องให้หมองใจดอกหนอพี่
น้องกะฮักอ้ายอีหลีแมนมื้อนี่หรือมื้อหน้า
กะฮักอ้ายอยู่ผู้เดียว...คือเก่าละเด้ออ้าย...

...(ขอร่วมแต่งผญาอีกคนนะค่ะ...มือใหม่เพิ่งหัดค่ะ...อิอิ