ไก่น้อยเห็นกะทู้คุณครูจุ่นเพิ่นพาเบิ่ง พืชผักสวนครัว แนวกินรอบๆบ้าน ไก่น้อยเมื่อบ้านวั่งต้นเดือน มิย. รอบๆเอือนกะมีแนวอยู่แนวกิน เก็บภาพมาฝากพี่น้องนำเนาะจ้า เทื่อสนใจ
อยากปลูกนำ เลาะบ้านนอกเฮาบ่อึดทีทางปลูกของ เนาะจ้า :l-
ข้างเฮือนไก่น้อยอิแม่เลาปลูกไหลไว้ต่ำสาด กำลังงามตั้งกอ มีต้นหมากพริกขึ้นแซมนำ พอได้เก็บตำหมากหุ่งนำจ้า
ซุ้มดอกอัญชันหน้าเฮือนตอนนี้อิแม่ตัดออกเมิดแล้ว เพิ่นเฮดประตูฮั้วเข้าเอือน เสียดายยุจ้า แต่เพิ่นว่า พุ้มหลังเฮือนกะงามแล้ว บ่อึดกินดอก พะนะ :l-
ดอกอัญชัญอิแม่เก็บตากแดดไว้ให้ ไก่น้อยเอามาชงชากินยามมื้อเช้ามีประโยชน์หลาย พี่น้องอยากได้ไปลองชงกะพีเอม มาเด้อจ้า ส่งสิไปให้ ขอให้ประเทศก่อนเด้อจ้า ต่างประเทศยังบ่มีค่าแสตมป์ แฮ่ๆ :l-
เคลือหมาน้อยหลังเฮือน กำลังงามเลยเพิ่นถึกฝนใหม่ เขีวดีขนาด ไผสิเก็บใบไปคั่นใส่ป่นปลากะเอาเลยเด้อจ้า บ่หวงๆ
ผักขิเหล็กฮิมฮั้ว หน้าบ้าน หลังบ้านกะมีอีก ไทเฮือนข้างๆกะพอได้อ่อม ได้แกงนำยุ ใส่ภาพยนต์โค คากิหมู กะแซบดี เป้นยาระบายนำจ้า
อันนี้กินบ่ได้เด้อจ้า บ่เคยกินเห็นมันงามเลยเอามาฝากพี่น้อง เอิ่นว่ากล้วยวาสนา มีหน่อมีแนวนำเด้อจ้า ไผอยากได้แนวติดต่อมาโลด :,1-
ดอกอินทวาหน้าบ้าน ขาวเต็มต้น อิแม่เก็บไหว้พระ ย่างขึ้นเทิงเฮือนหอม ว่าส่าน เก็บไว้ฮอดในห้องน้ำ มันดกคักหลายจ้า
อันนี้สวนผักหน้าบ้าน ของอิแม่ มีผักสารพัดเลยจ้า มาเก็บได้ตามสบายบ่มียาฆ่าแมลงดอกจ้า เพิ่นหมักน้ำชีวภาพรดอย่างดีพุ้นนะ
ขอบคุณพื้นที่บ้านมหาเด้อจ้า ที่ให้ไก่น้อยได้เม้าท์แตก อิอิ :l-
Bookmarks