ธุจ้า สวัสดีมิตรรักแฟนเพลงแฟนหมอลำชาวบ้านมหาที่เคารพรัก และด้วยความคิดฮอดคิดถึง จึงเอาเมนูแซบๆมาฝากอีกคือเก่า
ถึงงานจะยากหลายและหัวใจจะทุกข์โศก กะบ่ลืมเรื่องกินเรื่องแซบ
มื้อนี้ ขอเสนอ เมนู ที่คึดว่าแปลก แต่ จริง และแซบๆ จร้า นั่นคือ
"ยำปลาอิฮือ" หรือ จะเอิ้นว่าลาบ หรือ ก้อย กะได้ เพราะสูตรนี้ ใช้เครื่องปรุงก้วยงัว บ้านเฮา เพียงแต่ เปลี่ยนจาก ซีนงัว(เนื้องัว) มาเป็น ปลาอิฮือแห้ง (อยู่ใกล้ทะเล)
เครื่องปรุง
หอมแดง ตะไคร้ ใบบัก กรูด สะระแหน่ หอมเป (หอมใบเลื่อย) ใบคื่นช่าย มะนาว พริกสด ข้าวคั่ว พริกป่น น้ำปลา และผงแซบ(ผงชูรส)
วิธีทำ
แช่ปลาอิฮือ แล้วกะล้างเอาความหอม ออกก่อนจ้า แล้วกะเอาไปต้ม ให้นิ่ม แล้วกะหั่นเป็นแว่นๆ หรือจะหั่นฝอยๆกะได้ ตามใจคนกิน
แต่ ปลาอิฮือ ที่เลือกมากะขอแนะนำให้เป็นโตน้อยๆ จะ แซบกั่วปลาอิฮือโตใหย่ เดียวหยั้มบ่ขาด อิดนแข่ว
จากนั่น กะใส่เครื่องปรุง ตามใจเลยจ้า พริกป่น ข้าวคั่ว ผงแซบ น้ำปลา บีบบักนาวตามไป
ซิมเบิ่งว่าแซบกะ ตามด้วยหอม นา นา ชนิด โยนลงไป
พอใจในรสชาติแล้ว กะ ตักใส่จาน พร้อมกะ ไข่ต้มยางบักตูมที่พยายามหลายรอบละ บ่เป็นชาติ จักเทื่อ
:b-b และแล้ว ก็ ได้เวลากินพร้อมๆกับ เชียร์ ทีมวอลเลย์หญิงไทยกะ จีน ไปนำ สุดท้าย ทีมไทยกะชนะ
:*- เดิ่นบ้านมหาและพี่น้องที่แวะมาเยี่ยมยามถามข่าว จ้า ทุกข์ยากฮ้าย แต่ จั่งได๋ เรื่องกินกะเรื่องใหย่เสมอ
Bookmarks