เก็บเห็ดโคกบ้านหนองแวง

[บ่าวบาน]

โคกบ้านหนองแวงกะคือโคกหรือป่่าสาธระณะประจำหมู่บ้านผมแหละครับเนื่อที่ประมาณ 1000 ไร่ครับเป็นแหล่งอาหารหาแนวอยู่แนวกินของชาวบ้านตะรุ่นปู่ย่าตายายมาเห็ดออกหลายคักครับบ่าวบานกะมันกิจกรรมนี้คักคือการเก็บเห็ดออกบ้านประมาณ 6 โมงเช้ากับหลานชาย

เห็ดหำพระเป็นเห็ดชนิดเดี่ยวที่สามารถกิบดิบได้ครับเอามาก้อยกับบักนาว



ผืนป่ากะยังถือว่าสมบูรณ์อยู่ครับ



เห็ดปลวกครับหรือว่าเห็ดโคนครับ







อั่นนี้เอิ่นเห็ดเข่าแป้ง



เห็ดปลวกตาบ



เกือบเต็มกระต่าแล้วสำรับหลานชาย



อาวกะบ๊น้อยหน่าคือกันครับได้เห็ดนา ๆ หลายชนิด



ข่ากลับแวะสวนเฒ่าแม่เพิ่นปลูกเข่าโพดหาเก็บยอดบักอึแกงไส่เห็ดนำ






เดี่ยวสิโพสลงในหัวข้ออาหารอีสานตอนแกงแล้วเด้อครับตอนนี้เอาหมู่หาได้ล้างไว้เตรียมสิแกงมาหั่ยเบิ่งก่อน



สุดท้ายกะขอขอบคุณฝืนป่าฝืนนี้ที่เป็นทั่งชีวิตและลมหายใจเกิดมากะได้กินเห็ดจากป่านี้ 35 ปีผ่านไปกลับบ้านไปเทื่อได๋กะได้กินฮ่าลังเทือเฒ่าแม่เลาอยากให้ลูกได้กินเลาไปเก็บมาไว้แล้วหนึ่งแล้วแช่แข็งส่งมาหั่ยกินได้เป็นปี

[ครูจุ่น]

ซุปเปอร์มาร์เก็ต ป่าชุมชนบ้านหนองแวง ให้ซ่อยกันสร้างคุณค่า ใช้ประโยชน์ฮ่วมกันอย่างยั่งยืนต่อไปซั่วลูกซั่วหลานเด้อ เอาใจซ่อย ขั่นปลูกป่าเพิ่มหรือขยายพื้นที่ป่าเพิ่มขึ้น ทอดผ่าป่าปลูกต้นไม้กะบอกข่าวเด้อ สิขึ้นไปเฮ็ดกิจกรรมอนุรักษ์ฮ่วมกัน

[เซียงสีผีเป้า]

หากินหมานคักเนาะอ้ายบ่าวบานนี่กะดาย

เป็นตาแกงแซบเห็ดกะดาย

[คุณฉุยเลย]

แต่ก่อนโคกแถวบ้านกะเป็นแบบนี้ล่ะครับ เดี๋ยวนี้มีเจ้าของ กลายเป็นสวนอ้อยกันเบิดแล้ว น่าเสียดาย

[ณัฐ ภูไท]

หากินหมานคักเนาะเจ้าบ่าวบานหาได้สุอย่างคันแม้นแนวกินคันเรื่่องทำอาหารกะจากทุ่งนาไปถึงไฮโซพุ้นกับเข่าเลากะด่ายจากผัดเผ็ดแย้ไปฮอดไก่งวงอบซอสอาหารเหลาพุ้นหนะสุดยอดเรื่องแนวอยู่แนวกินยกให่ไปเลย:*-:*-

[หนุ่มน้อยศรีสะเกษ]

ผืนป่าคือแหล่งหากินของคนบ้านเฮาครับ
เก็บเห็ด หาหน่อไม้ หาของป่ามาเป็นอาหาร
แต่ซุมื่อนี้ป่าถืกทำลายของป่ากะเลยหากินยาก
ราคากะเลยแพง เสียดายป่าเด้ๆๆๆๆๆๆๆ

[lungyai1123]

โอ๊ะแนๆบ่ทันแกงยุแล้วสิแกงยามได๋หละถ้ากินยุเด้อบ่าว

[กานต์ กาฬสินธุ์]

แกงใส่ผักติ้ว ไข่มดแดงนำเนาะ เห็นแล้วกะอยากกินบ่ได้กินดนแล้ว

[บ่าวบาน]

เกิดมาตะน้อยเท่าใหญ่โคกหม่องนี่กะคือชีวิตเสมอมา

[pui.lab]

ดีเนาะบ้านเฮาเห็ดยังมีให้เก็บ
อืมมมม... อนาคตกลับไปเฮ้ดฟาร์มเห็ดดีกว่า รายได้คงจะดี