หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 18

หัวข้อ: ผักไทย ข้าวหอมมะลิอเมริกัน

  1. #1
    ศึกษาหาความรู้
    วันที่สมัคร
    Sep 2007
    กระทู้
    51

    ผักไทย ข้าวหอมมะลิอเมริกัน


    เมื่อนี่ไปผ่อข้าวหอมมะลิปลูกในเมกา เลยซื้อมาลองเบิ่ง

    ผักไทย ข้าวหอมมะลิอเมริกัน

    เบิ่งชัดๆว่าเป็นผลิตผลจากเมกา

    ผักไทย ข้าวหอมมะลิอเมริกัน

    เปิดถุงมากลิ่นหอมข้าวกะออกมาเลย เบิ่งเม็ดข้าวสาร คือข้าวหอมมะลิบ้านเฮาอย่างคัก
    (บ่แม่นข้าวขาวแล้วมาต้มคนซื้อว่าเป็นข้าวหอม พวกบริษัทคนไทยเฮ็ดกันหลายคัก พวกข่อยโดนต้มมาหลายเทื่อแล้ว)

    ผักไทย ข้าวหอมมะลิอเมริกัน

    ลองหุงเบิ่ง

    ผักไทย ข้าวหอมมะลิอเมริกัน

    เป็นตาอยู่ตั๋วล่ะ

    ผักไทย ข้าวหอมมะลิอเมริกัน

    สรุป ข้าวหุงแล้ว บ่หอมซำข้าวหอมมะลิไทย แต่ข้าวเพิ่นนุ่มบ่แพ้ข้าวไทยเฮา ราคาขายเพิ่นกะถูกกว่า 20 %

    ซูเมื่อนี่สินค้าเกษตรหลายๆอย่างของไทยเริ่มสู้ของเวียดนามบ่ได้แล้ว ของหลายๆอย่างจากไทยกะเริ่มบ่ค่อยเห็น มีแต่ของเวียดนามเข้ามาแทน คนเวียดนามกะคุมตลาดซุปเปอร์มาเก็ต ผลไม้สดที่แต่ก่อนมีแต่แนวแช่แข็งจากบ้านเฮา เดี๋ยวนี่กะเริ่มมีให้กินหลายอย่างแล้ว เพิ่นปลูกอยู่ในเม็กซิโก รสชาติสู้ของเฮาบ่ได้ แต่ถ้าเพิ่นปลูกได้ เพิ่นกะหาวิธีพัฒนาได้คือกัน

    เห็นคนบ้านเฮามัวแต่ทะเลาะกัน แทนที่จะเอาเวลาไปเฮ็ดเวียก พัฒนาสินค้า กะมัวแต่ไปเฮ็ดโตเป็นขี้ข้านักการเมือง นักการเมืองกะกัดกันหยั่งกะหมากัดกันแย่งเนื้อเน่า แล้วกะสงสารคนบ้านเฮา

    คนไทยทะเลาะกัน ต่างชาติต่อโลงให้

    ของแถม
    อันนี่ บักม่วงเขียวเสวย ปลูกในเม็กซิโก รสชาติกะเขียวเสวยบ้านเฮาคักๆเลย บ่มีความแตกต่าง
    ผักไทย ข้าวหอมมะลิอเมริกัน

    ผักไทย ข้าวหอมมะลิอเมริกัน

  2. #2
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    260
    เอาข้าวไทยไปดัดแปลง แล้วลงเมดอิน USA น่าเจ็บใจ

  3. #3
    ศึกษาหาความรู้ สัญลักษณ์ของ อีหยังสิปานนั้น
    วันที่สมัคร
    Apr 2012
    ที่อยู่
    กระบี่
    กระทู้
    398
    เห็นคนบ้านเฮามัวแต่ทะเลาะกัน แทนที่จะเอาเวลาไปเฮ็ดเวียก พัฒนาสินค้า
    นักการเมืองกะกัดกันหยั่งกะหมา
    คนไทยทะเลาะกัน ต่างชาติต่อโลงให้

    +10คับ

    ก่อนอื่นขอจักหน่อยเด้อคับ แอดมิน ไปทางการเมืองนิดๆ
    เคยเบิ่งในสภาอันทรงเกียรติกัดกันคือวาอีหลีละคับ
    ยิ่งกว่าในละคร ยามมันเลิกสภากันแล้ว กอดคอกันแทบสิดูดปากกันดังจ๊วบๆพุ้นตั๊วคับ
    ผมบ่สนใจการเมืองมาโดนแล้ว นักการเมืองคือพวกตอแหล สิ แหล น่อย แหล หลาย
    กะท่อนั้นเองคับ ธุจ้าธุจ้า

  4. #4
    ศึกษาหาความรู้ สัญลักษณ์ของ คุณฉุยเลย
    วันที่สมัคร
    Jan 2012
    ที่อยู่
    พระนครศรีอยุธยา
    กระทู้
    411
    เห็นด้วยครับเรื่องพวกนักการเมืองบ่สนใจงาน บ่ห่วงประเทศ ชาวบ้าน นักธุรกิจ กะเฮ็ดงานตามประสา บ่ได้รับการส่งเสริม ห่วงหลายกะปี 58 เปิดประเทศนี่ล่ะ บ้านเฮาคือสิยุ่งหลายอย่างอยู่ สู้ๆต่อไปเนาะคนไทย ไปอยู่ไกลปานได๋ กะบ่ลืมบ้านเกิด กินของไทย ใช้ของไทย ไทยเจริญ อยากให้เป็นแบบนี้ล่ะ

  5. #5
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,555
    อนิจาชาวนาไทยไม่มีแม้กำลังสิไปสู้เขา

  6. #6
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    อืมม.....จากที่อาศัยอยู่สหรัฐอเมริกา จังหวัดแคลิฟอร์เนีย ก็เกือบ 8 ปี
    ฟังคนแก่ คนเฒ่าเพิ่นเล่าซุฟัง สหรัฐฯสมัยก่อนประกอบอาชีพเกษตรกรรม
    อย่างเต็มตัวปลูกทุกอย่าง ข้าวโพด ข้าว ผลไม้ และอีกหลายอย่าง ประกอบกับ
    ดินฟ้าอากาศ บางรัฐอากาศร้อนเหมือนไทยเรา บางรัฐร้อนยิ่งกว่าเสียอีก
    ก็เหมือนๆกับทุกประเทศนะคะพอทุกอย่างสะดวกสบาย เทคโนโลยี่เข้ามา
    ที่ดินก็แพงไม่ปลูกแล้วขายดีกว่าได้เงินเป็นร้อยๆล้าน ยกตัวอย่างที่ดินที่ทำสวนสนุก
    ดิสนี่แลนด์ แต่ก่อนก็เป็นที่ของคนญี่ปุ่นปลูกสตอเบอร์รี่ไม่รู้ก็ไร่... โอ้ะยาวเลย

    ข้าวที่สหรัฐฯปัจจุบันก็ยังปลูกอยู่ ข้าวสีน้ำตาลเม็ดใหญ่ๆหนาๆ วิตามิน เอ - แซดเนาะคะ
    จริงๆแล้วฝรั่งไม่นิยมกินข้าวขาวนะคะ กินแต่ว่าน้อยคนมาก ข้าวที่อิมพอร์ทจากเอเชียที่นำมาขายในสหรัฐฯ
    ผู้บริโภค ผู้ซื้อ ก็คนเอเชียนะคะ อย่าลืมว่าคนเอเชียอาศัยใน
    สหรัฐฯเยอะมาก ลาว จีน เกาหลี ญี่ปุ่น เวียดนาม แขก ฟิลิปินส์ และอีกหลายชาติ

    ผลไม้จากไทยก็คนเอเชียนะคะอุดหนุนกันเอง ฝรั่งไม่ซื้อหรอก และไม่ค่อยมีจำหน่ายในห้างของฝรั่งโดยตรง
    มีอาหารกระป๋องแต่ไม่มากนัก ปุ้ยเป็นคนเดินห้างฝรั่งบ่อยมาก ไปเกือบทุกห้างใหญ่ ห้างเล็ก แผนกของกินเดินเป็นหลัก
    และชอบสังเกตุสินค้้านำเข้า

    ข้าวไทยอย่าให้เสียชื่อนะคะ ตอนนี้ข้าวอินเดีย เวียดนาม กำลังมาแรง ราคาก็ถูกกว่าด้วย
    แต่คุณภาพยังด้อยกว่าข้าวไทย ข้าวไทยก็เลยดูแพงกว่าคนก็เลยหันไปซื้อข้าวชาติอื่น
    ต้องการซื้อข้าวหลายยี่ห้อ หลายคุณภาพต้องไปร้านเอเชียเท่านั้น

    ***ถ้าให้เดานะคะข้าวหอมมะลิที่ปลูกในสหรัฐฯ เจ้าของคงไม่ใช่ฝรั่งแน่นอน
    เราต้องสืบหาข้อมูลให้ได้

  7. #7
    ศึกษาหาความรู้
    วันที่สมัคร
    Sep 2007
    กระทู้
    51
    น้องปุ้ย ว่างๆเอาฮูปสินค้าเกษตรแนวพวกเฮากินกัน ที่มีขายทางฝั่ง CA มาลงแน่นา อยากเห็นว่าเป็นแนวเดียวกะทางผมบ่

    ผมอยู่เท็กซัสมาสิบห้าปี สมัยมาใหม่ๆ บ่ค่อยมีผลไม้แนวบ้านเฮาให้กินดอก โดนๆจั่งสิมีส่งจากเมืองไทยผ่าน LA เข้ามา เดี๋ยวนี่เริ่มมีให้เห็นหลายอย่าง แต่บ่แม่นมาจากเมืองไทยติล่ะ

  8. #8
    Banned

    วันที่สมัคร
    Jul 2008
    ที่อยู่
    Oil Field เพชรบูรณ์/กำแพงแสน
    กระทู้
    524
    หันกลับไปเปิดเพลง เมด อิน ไทยแลนด์ ของคาราบาวฟังยามใด๋กะเข้ากับทุกยุคทุกสมัย คือเพิ่นว่า
    เขาไม่ได้หลอกเรากิน ดอกเรานั่นหลอกตัวเอง....................

  9. #9
    ศึกษาหาความรู้
    วันที่สมัคร
    Sep 2007
    กระทู้
    51
    แถมอีก

    บักนัด แต่ก่อนอยากกิน กะต้องเปิดกระป๋องกิน เดี๋ยวนี่มีแบบสดเป็นหน่วยๆ แต่บ่แม่นจากเมืองไทย



    เป็นของ คอสตาริก้า บางเถื่อกะมาจากฟิลิปปินส์



    อันนี่บักม่วงสุก รสชาติใช้ได้เลย แต่ก่อนมีแต่แนวหน่วยป้อมๆเปลือกเขียวๆแดงๆ แต่รสชาติบ่เอาไหน



    ไว้ได้ถ่ายฮูปของเงาะเวียดนาม กะ บักมีสุกเม็กซิโก สิเอามาลงให้เบิ่งอีก

    พวกเฮาสิได้ฮู้ว่า เมืองไทยบ่แม่นประเทศเดียวเด้อ ที่ปลูกของแนวนี่ได้ คู่แข่งเฮาเผิ่นหายใจฮดต้นคอพวกเฮาแล้วเด้อ สิบห้าปีก่อน ของแนวนี่ทางฝั่งผม บ่มีให้เห็น ตอนนี่เข้ามาหลายแล้ว อีกสิบปีข้างหน้า ถ้าเฮามัวแต่ทะเลาะกัน จักเฮาสิมีหยังไปสู้เขา

    อะ อันนี่บักมี่จากเม็กซิโก สมัยก่อนบ่มีให้กินจั่งซี่ดอก จักคู่แข่งเฮาเพิ่นปลูกหยังแน่ กัวเฮาสิฮู้ ของเผิ่นเข้ามาขายในตลาดแล้ว ของเฮาคุณภาพดีกัว เป็นหยังจังเอาเข้ามาขายบ่ได้ ผู้นำบ้านเฮามัวแต่ไปเฮ็ดหยังอยู่ ครัวไทยสู่ครัวโลก นั่นกะรายการต้มคนไทยอย่างคัก ต้มได้ต้มดี ต้มจนคนไทยเปื่อย เป็นตาเอายาเบื่อหมาให้นักการเมืองไทยสุโตกินเด้นิ

    แก้ไขครั้งสุดท้ายโดย Dju; 04-07-2012 at 06:44.

  10. #10
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    มันเป็นอิหยังที่เกิดขึ่นได้เบิีดทุกอย่างในโลกอันที่มีแต่ผลประโยชน์ครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •