ผักไทย ข้าวหอมมะลิอเมริกัน

[Dju]

เมื่อนี่ไปผ่อข้าวหอมมะลิปลูกในเมกา เลยซื้อมาลองเบิ่ง



เบิ่งชัดๆว่าเป็นผลิตผลจากเมกา



เปิดถุงมากลิ่นหอมข้าวกะออกมาเลย เบิ่งเม็ดข้าวสาร คือข้าวหอมมะลิบ้านเฮาอย่างคัก
(บ่แม่นข้าวขาวแล้วมาต้มคนซื้อว่าเป็นข้าวหอม พวกบริษัทคนไทยเฮ็ดกันหลายคัก พวกข่อยโดนต้มมาหลายเทื่อแล้ว)



ลองหุงเบิ่ง



เป็นตาอยู่ตั๋วล่ะ



สรุป ข้าวหุงแล้ว บ่หอมซำข้าวหอมมะลิไทย แต่ข้าวเพิ่นนุ่มบ่แพ้ข้าวไทยเฮา ราคาขายเพิ่นกะถูกกว่า 20 %

ซูเมื่อนี่สินค้าเกษตรหลายๆอย่างของไทยเริ่มสู้ของเวียดนามบ่ได้แล้ว ของหลายๆอย่างจากไทยกะเริ่มบ่ค่อยเห็น มีแต่ของเวียดนามเข้ามาแทน คนเวียดนามกะคุมตลาดซุปเปอร์มาเก็ต ผลไม้สดที่แต่ก่อนมีแต่แนวแช่แข็งจากบ้านเฮา เดี๋ยวนี่กะเริ่มมีให้กินหลายอย่างแล้ว เพิ่นปลูกอยู่ในเม็กซิโก รสชาติสู้ของเฮาบ่ได้ แต่ถ้าเพิ่นปลูกได้ เพิ่นกะหาวิธีพัฒนาได้คือกัน

เห็นคนบ้านเฮามัวแต่ทะเลาะกัน แทนที่จะเอาเวลาไปเฮ็ดเวียก พัฒนาสินค้า กะมัวแต่ไปเฮ็ดโตเป็นขี้ข้านักการเมือง นักการเมืองกะกัดกันหยั่งกะหมากัดกันแย่งเนื้อเน่า แล้วกะสงสารคนบ้านเฮา

คนไทยทะเลาะกัน ต่างชาติต่อโลงให้

ของแถม
อันนี่ บักม่วงเขียวเสวย ปลูกในเม็กซิโก รสชาติกะเขียวเสวยบ้านเฮาคักๆเลย บ่มีความแตกต่าง