มาเด้อพี่น้องมากินเข่าเทียงจ้ำหมกฮวกกบนำกัน
วันที่ ๒๔มิ.ย.๕๕ ตอนเซ่าเข่าไปในเมืองกะสินธุ์ กลับออกมาเถิงบ้านมีไทพี่น้องเพิ้นไปหาส่อนฮวกยูท่ง เลยเอยมาแบ่ง(ขาย)ให่หมกใส่ขี่มาเรียบร้อยแล้ว ของมักของแซบตั๊วะนี่ บ่ได่กินโดนแล้ว จัดการดังไฟ(ก่อไฟ)หมกกินเทียงซะเลย
ดังไฟไว่แล้วกะไปตัดใบตองกล้วยยูหลังเฮือนมาจัดการลนไฟจักหน่อยใบตองจังบ่แตก เก็บผักอีตูยูกระถางหน่าบ้านมาใส่ พริกหน่วยต้นยูข่างเฮือนมาใส่นำ เอาฮวกซาวๆกับเกลือจักหน่อนกะพอ สิใส่ผงนัวนำกะได่ ใส่หน่อยแซบหน่อย ใส่หลายแซบหลาย...
จัดการห่อใส่เหล็กปิ้งค้างไฟ ก๋าว่าให่ใบตองไหม่เทิงสองด้าน จนบ่มีน้ำในหมกไหลออกมากะคือสิสุกพอดี
เปิดออกเบิ่ง ป้าดไทพี่น้องมาหอมแท่ หอมผักอีตูแมะเต๋ดังฮวยบาดหนึ่ง
ใบตองกะบ่ต้องแจ๋ออกดอกค่างเทิงจานนี่หละ หิวเข่าแฮงแล้ว
มาๆพี่น้องบาดนี่ มาจ้ำหมกฮวกกบนำกานนนนอาหารเสริมตำบักหุ่ง ต้มหน่อฮวก แจ่วบอง
มาๆมาเด้อพี่น้องให่แซบบๆจักคำก่อนเถาะหิวเข่าแฮง
กินเข่าอิ่มแล้วว่าสิหาหม่องนอนเวนจักหน่อยกะบ่ได่นอน ลุงกับป้ามาซวนขื่นไปตั้งถังน้ำเทิงไฮยางซ่วยกัน
ตั้งได่สองหน่วยไวตงน้ำฝนพะนะ กับเตรียมไว่ยามเฮ็ดยางแผ่นมันต้องใซ่น้ำหลาย
ขอขอบคุณพื้นที่ บ้านมหาดอทคอม และพี่น้องที่เข่าซม
แนวยูแนวกินอิสานบ้านเฮา "หมกฮวกกบ" :*- :*-
Bookmarks