ปาหลดแซน้ำปาจืน(ทอด)

[คนเมืองเกินร้อย]

วันเสาร์ที่ 30 มิถุนายน 2555 วางจากเฮ็ดเวียก กะเลยไปหาอย่างเบิ่งแนวกินตลาดสายเนตร รามอินทรา ไปพ้อปาหลดใหย่ กะเลยซื้อขะเจ้ามาสามโต

จัดการถ่ายฮุป เอามาอวดสมาชิกบ้านมหา

จัดการคัว ปาดจักสามสี่หม่อง เพื่อให้น้ำปาเข้าฮ้อนชิ้นปาตอนเอียบ

ใส่ลงไปในกะมัง หยอดน้ำปาลงไปหน่อยหลายแล้วแต่ผู่มัก ใส่ผงนัวนำแน่เพื่อเพิ่มความแซบ

ใส่ถงซิป เก็บเข้าตู้เย็น มือแลงจังสิทอด

ฮ้อนเวลากินเข่าแลงแล้ว เอามาทอดเบิ่งจักสองโตก่อน

ทอดออกมาแล้วน่าตาปาหลดกะสิเป็นนี่ละเนาะ เบิ่งแล้วกะเป็นตากินอยู่ดอก ฮ้วยแซบอยู่ตั่วนี่ สุดท้ายกะขอขอบคุณเวปบ้านมหา ดอทคอมอย่างหลวงหลายที่ให้ใช้พื้นที่นำเสนอแนวอยู่แนวกินให้สมาชิกบ้านมหาได้เบิ่งนำกัน

แถมท้ายอีกจักฮุป เป็นต้นหมากเวอ ได้มาจากยโสธร มีที่ว่างอยู่นิดหนึ่งเลยเอามาปลูก หน่วยคือกันกับมักนาวแต่ใหย่กั่ว สัมหน่อยกั่ว ใบซอยใส่ลาบงัว ลาบปา ผู่เพิ่นให้มาบอกว่าใส่ได๋สู่แนวที่เป็นลาบ

[สาวประทาย]

ปลาหรดทอดน้ำปลา เป็นตาแซ่บเนาะจ้า
ปิดท้ายด้วยต้นบักเวอร์ว่าติ

[lungyai1123]

เป็นตาแซบคักเนาะกินผุเดียวติหละมันบ่มีคนค่อยรินตะระกรึบๆๆๆตี้

[ฅนภูค่าว]

ป้าดทิโทปลาหลดกรุงเตบแมะ เทิงโตไหย่เทิงโตอ้วน...:l-



พอดีเลยกะซั่น เข่าเหนียวกะสุกพอดี เอามากินกับทอดปลาหลด...

[พล พระยาแล]

ทางบ้านเอิ้นปลาหน่าน่อย ครับอ้าย ต้มส้มกะแซบเนาะครับ โตใหญ่ ๆ ซะแล่ว

[สาวนครพนม]

ขอแบ่งมาทางเกาหลีเนาะจร้า:b-bตำถั่วปลูกใว้กำลังเป็นลูกใหญ่:*-:*-

[นู๋น้อย]

กินกะข้าวสวยฮ้อนๆ เน๊าะจ้า ปลาหลดทอดกะตำบากฮุ่งหิวข้าวเด้

[suny]

ตาแซบน้อครับปลาหลดแช่น้ำปลา ตำบักหุ่ง หรือตำถั่วจักหน่อยคักละครับ

[บ่าวทุ่งศรีฯ]

ปลาหลด 3 โต ใหญ่อีหลีพี่น้อง
กินเหมิดเฮียดกะอี่ม

[ณัฐ ภูไท]

เป็นต๋าอยากกินนำยุทอดปลารดนั้นหนะทอดสุกมาใหม่ๆๆกินกับข้าวเหนียวเนาะสุดยอดเลยคันมีหลายเหลือกินกะโยนมาทางญี่ปุ่นแหน่เด้ออ้ายอยากกินปลาทางบ้านเฮาคือสิแซ่บสั่นแหล่ว:b-b:b-b:b-b:*-:*-