วิชา"ดำนา" ณ บ้านทุ่งใหญ่

[สาวบ้านแต้]

สองวันที่ผ่านมา เสาร์-อาทิตย์ ลูกชาวไร่ เติบใหญ่ที่ดงท่าหินโงม เกิดมากะบ่เคยเฮ็ดนา พ่อแม่กะพาทำสวนตั้งแต่เด็ก จนอายุ 31 ปี แต่งงานมีครอบมีครัว จั่งมาพ้อทุ่งนา สำหรับผืนนา ท้องทุ่ง กะบ่เคยเหยียบและสัมผัส รู้แต่ข้าวขาวในหม้อ สำหรับประสบการณ์ ที่เพิ่งเคยดำนาเป็นครั้งแรก ก็อยากบอกว่าประทับใจ สองวันที่มา ไม่ได้เสียแรงเปล่า แม้ว่าปริมาณของการทำบ่ได้หลายมากมาย แต่ว่ามันจะยิ่งใหญ่ในหัวใจตลอดไป
คุณครูคนแรก คือ "แม่ย่า" ที่สอนการจับกล้า การปักกล้า ท่านบอกว่า "ใช้นิ้วหัวแม่มือกับนิ้วชี้บีบที่คอ(ระหว่างรากกับต้น) ใช้นิ้วก้อยประคองต้นกล้า แล้วปักลงไปโดยไม่ให้กำปั้นลงไปในดิน ปล่อยกล้าใช้นิ้วก้อยประคองไม่ให้กล้าแตกกอ" คำสอนนี้ยังก้องอยู่
คุณครูคนที่สอง และคนที่สาม คือตากับยายที่แม่จ้างมาดำนาช่วย
.....ขอบคุณคุณครูทั้งสามคน


ตอนนี้รู้สึกปวดเมื่อยไปทั้งตัว เมื่อคืนนี้นอนไม่ตื่น ตื่นอีกทีเช้าครั้งเดียว


คุณครูคนที่สี่ "แม่ย่านกน้อย" คุณครูสอนหลกกล้า
แม่บอกว่า มือขวาอยู่ข้างบน มือซ้ายอยู่ข้างล่าง จังหวะที่ดึงรีบตวัดโดยเร็ว
ดินจะไม่ติดมามาก


นี่คือฝีมือและความภาคภูมิใจที่ได้เป็นส่วนหนึ่งในท้องทุ่งแห่งนี้
ซึ่งเมื่อก่อนไม่เคยคิดเลยว่าการปลูกข้าว(ทำนา) ของชาวนาจะลำบากขนาดนี้
ข้าวที่กินบางคนกินทิ้งกินขว้าง กินไม่หมด ไม่สงสารชาวนาที่ลำบากจริงเลย


กระทู้นี้ขอสำนึกในบุญคุณของชาวนาจริงๆค่ะ

[พล พระยาแล]

ซั่นล่ะ เวลากินข้าวกะอย่าเฮ็ดหล่นหลายบาดเนี่ย เห็นบ้อว่ามันปวดแอวซำใด๋

เวลาดำนากะอย่าหักคอต้นกล้าเด้อ ถ้ามันดังแก๊ะ กะอย่าปักมันลงไป

กล้าที่บ่มีฮากกะให้เลือกถิ่มเด้อนาง ถ้ากล้าหลกยากฮากยาวกะให้หว่านปุ๋ยซะก่อน

ถิ่มไว้มื่อสองมื่อจั่งค่อยหลกมัน ยามเตะกล้ากะระวังแม่ย่าอยู่ทางหลังแนเด้อล่ะ

ขี่ตมสิอัดขุมตาเลาเด้....โอ้ย สอนยากคัก คนบ่เคยเฮ็ดนาเนี่ย .....5555

[ฮักณ.ทุ่งใหญ่]

โอ้ออ ...ปีนี้ข้าวทรงสิงามคัก คือสิเป็นตาได้หลายยุดอก เพราะว่าได้มือดีมาจากเกษตรสมบูรณ์ คือสิสมบูรณ์คัก...กะยังวา อิอิ:l-

[suny]

จังซี้ละครับชีวิตชาวนา ย้อนมันลำบากผู้เฒ่าผู้แก่สมัยก่อนเพิ่นเลยสอนลูกสอนหลานว่าให้เฮียนหนังสือหนังหาเก่งๆ จังสิได้เป็นเจ้าคนนายคน ซิบ่ลำบากคือเพิ่น แต่คนในเมืองที่บ่เคยเฮ็ดนากะว่าชาวนาสร้างค่านิยมผิดๆให้ลูกให้หลาน ให้ลืมอาชีพเจ้าของพะนะ การทำนาสมัยก่อนกับสมัยทุกมื้อนี้ต่างกันหลายครับ ทุกมื้อนี้มีสิ่งอำนวยความสะดวกหลายอย่าง บ่คือสมัยก่อน สมัยก่อนหน้าทำนาตื่นแต่ตีสี่ตีห้าเอางัว(วัว)ค.ว.ย(ควาย)ไปไถนา กว่าสิได้กินข้าวกินน้ำยามเช้าก็เก้าโมงสิบโมง เว้ามาเมื่อยครับ ทุกมื้อนี้ผมกะบ่ได้เฮ็ดดอกครับ แต่กะบ่เคยลืมว่าเจ้าของเป็นลูกชาวนาอีสาน 100 เปอร์เซ็นต์ ยังคิดฮอดท่งนา ควายบักตู้คือเก่าครับ ยามได้กลับบ้านกะไปเบิ่งไฮ่เบิ่งนานำพี่นำน้องคือเก่าครับ เว้ามาคิดฮอดพุเฒ่าและละ

[" แคน ชัยภูมิ "]

เห็นบรรยากาศแล้ว...คึดฮอดบ้านเด้บาดนีคุณหมอ...ฮอดยามเกี่ยวอย่าลืมเอิ้นไทบ้านมหาฯ...ไปเกี่ยวซอยเด้อ...โดยเฉพาะอ้ายพล...นั่นได้ยินข่าวว่าเลาเกี่ยวข้าวเก่งคัก...:l-:l- :*-

[lungyai1123]

ลุงใหญ่ลืมเบิ๊ดแล่วเด้อเพราะบ่ได้ฝึกต่อเนื่องเน๊าะ

[คุณฉุยเลย]

ลูกชาวนา 100 เปอร์เซนต์คือกันครับ แต่ว่าบ่เคยดำนาหรอก ย้อนเพิ่นให้เลี้ยงแต่ค.ว.ย(ควาย)ตั้ง 13 โต จำค.ว.ยเจ้าของกะบ่ได้เบิด เคยไปเถียงเอาค.ว.ยน้อยผู้อื่น ย้อนว่ามันหน้าตาคือกันคัก เคยแต่หัดหลกกล้า กับเกี่ยวข้าวล่ะครับ

[kung สาวขอนแก่น]

ไปไสมาไส กะบอกคนทางไกลไว้แน๊เด้อจ้า เพิ่นถามหา แหม๋

[บ่างกะเล็น]

เห็นแล้วกะอยากเมือดำนาแล้วล่ะคับ บ่ได้จับหางไถ บ่ได้อุ้มมัดกล้า มาดนแล้ว ย้อนมาอยู่หากินทางไกล รอก่อนเด้ออิสานบ้านเฮา

[กะเม็งสะเร็น]

อดีตทำนา(เป็นอาชีพหลัก) ปัจจุบันกะทำนา(เป็นอาชีพเสริม) อนาคตคือสิกลับมาทำนาคือเก่า นั่นแหละครับ ...งิงิ