กำลังแสดงผล 1 ถึง 4 จากทั้งหมด 4

หัวข้อ: เพลงไม่มีเหตุผลของคนจะจาก

  1. #1
    เจ้าหน้าที่ประชาสัมพันธ์ สัญลักษณ์ของ คมคาย ครบุรี
    วันที่สมัคร
    Apr 2009
    กระทู้
    568

    เพลงไม่มีเหตุผลของคนจะจาก

    เกริ่นก่อนว่า ใหม่ทั้งหมดเด้อจ้าาาา
    ดนตรีที่อ้ายทองเพินลองเฮ็ดใส่เบิง
    และร้องไกด์เบิงส่วนเนื้อเพลงก็คมคายสรรค์สร้างหละครับ..
    ลองฟังเบิงครับผิดตกบกพร่องประการใด ครูบาอาจารย์ ก่าตำหนิติเตียนเอาเด้อครับผม


    [4SHARED]http://www.4shared.com/embed/1522362584/f3f5d1bf[/4SHARED]

    เนื้อร้อง.คมคาย ครบุรี
    ทำนอง.อ้ายทอง
    .............................................................
    .ก่อนเจ้าจากไปอ้ายขออะไรจั๊กอย่างได้บอ
    รบกวนหน่อยนึงก็พอ แล้วอ้ายซิขอจากไปตามทาง
    อ้ายฮู้โตดี ว่าอ้ายนี้บ่สมกับนาง
    เพียงแค่สายตาห่างๆ ที่น้องนางฝากความห่วงใย..

    ก่อนจากเจ้าไปอ้ายขออะไรสักอย่างได้บอ
    ขอเพียงเหตุผลหนึ่งเดียวก็พอ เท่านี้หละหนอที่อ้ายอยากรู้
    ฮักเจ้าแฮงหลาย อ้ายยอมตาย หลายกว่าอยู่
    เพียงแค่อยาก..ให้ตัวเจ้านั้นรู้ ได้ยินกับหู ได้รู้กับใจ....


    *......hook........*
    ขอฮู้เหตุผล......อิหยังดลให้เจ้าเปลี่ยนใจ ซิจากอ้ายไป ลืมแม้เยื่อใยเคยมีให้กัน
    ความหลังครั้งก่อน โทรคุยออดอ้อน ฝากคำเว้าหวาน เวลาผันไปเนิ่นนาน
    ความสัมพันธ์ บ่สำคัญต่อไป ....
    *......en.hook......*

    กอ่นเจ้าเดินเข้ามา ฮักอ้ายจังวา บอกคำคำนี้
    ซิขอเป็นคน..ที่ดี ฮักอ้ายอิหลีบ่มีจืดจาง
    อ้ายก่าฮักเจ้าหลาย ตอบแทนใจน้องซุบาดย่าง
    สองเฮาจูงมือ เดิน ทาง สู้ถากถากทางฮักสองเฮา.......

    อ้ายนี่ขอสัญญา ฮักเพียงแก้วตาบ่ไปฮักไผ
    อ้ายบอกว่าฮักเพียงเจ้าเหมิดใจ ซิบ้อฮักไผ มีใจรายทาง
    มีแต่เจ้าผู้เดียว ฮักเจ้าคนเดียว บ่มีจืดจาง
    แต่ทำไมน้อ...นาง กลับมาแยกทางสองเรา....

    *...........hook............*
    ขอฮู้เหตุผล......อิหยังดลให้เจ้าเปลี่ยนใจ ซิจากอ้ายไป ลืมแม้เยื่อใยเคยมีให้กัน
    ความหลังครั้งก่อน โทรคุยออดอ้อน ฝากคำเว้าหวาน เวลาผันไปเนิ่นนาน
    ความสัมพันธ์ บ่สำคัญต่อไป ....
    *........en.hook..............*

    จากกันด้วยดี ขอบคุณไมตรีที่เคยฝากไว้
    อ้ายซิเก็บใส่กล่องหลบภัย เอาไว้เตือนใจยามใดใจล้า
    ขอบคุณเจ้าหลายๆ ที่เคยให้กำลังใจมา
    ขอบคุณอีกทีแนเด้อแก้วตา โชคดีเด้อหล่า..คำ...แพง


    ........................จบ..................................
    .


    :l-:l-:l-:l-:l-
    แก้ไขครั้งสุดท้ายโดย คมคาย ครบุรี; 09-07-2012 at 13:22.


  2. #2
    ศึกษาหาความรู้ สัญลักษณ์ของ ไทบ้านพระเสาร์
    วันที่สมัคร
    May 2012
    ที่อยู่
    คลองสาม รังสิต
    กระทู้
    201
    อ้ายนี่คือกะปอมน้อย...งอยคอน..กกบักบก...
    งอยผงกคอจ้อง...น้องน้อยสิผ่านมา
    แนมเห็นพอน้อยน้อย..สิขอจับกิน...ให้มันอิ่ม...
    แนมตาคองจับจ้อง..คลานคล้อยค่อยค่อยตาม
    ก้าวนำทางหง่าไม้...กายไปเที่ยละหน่อย
    ได่แต่อ้าปากค้าง...น้ำลายยืดย้อนอยากกิน
    บาดมาถืกกระถ้างเถ่า...โตเขียวงามจับไปก่อน
    วาสนากะปอมน้อย...คือบักอ้าย..สิคอยถ่า..แต่ของเดน...ซั่นแหล๋ว..
    แก้ไขครั้งสุดท้ายโดย ไทบ้านพระเสาร์; 09-07-2012 at 14:16. เหตุผล: เข้ากันใด่บ่ น้อ กับเพลง เพิ่น

  3. #3
    ศิลปิน นักแสดง สัญลักษณ์ของ แมงงอดน้ำ
    วันที่สมัคร
    Mar 2010
    ที่อยู่
    จอมเทียน เมืองพัทยา
    กระทู้
    305
    คนเก่งๆในบ้านมหาเฮากะหลายเน๊าะ แต่งเพลงกะม่วนเน๊าะคมคาย อ้ายทองเสียงดีกะบ่เคยรู้ ส่อยกันสนับสนุนแนเด้อค่ะ

  4. #4
    แบ่งปันความรู้และประสบการณ์ สัญลักษณ์ของ บ่าวทัว นครพนม
    วันที่สมัคร
    Dec 2008
    กระทู้
    50
    บล็อก
    2
    สุดยอดเลยครับอ้าย ม่วนๆครับขอเป็นอีก1แฟนเพลงเด้อครับ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •