กำลังแสดงผล 1 ถึง 4 จากทั้งหมด 4

หัวข้อ: สาวยาวกับบ่าวใหญ่

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา สาวยาวกับบ่าวใหญ่

    คุณจารย์ใหญ่:

    เหลียวเห็นภูผาหล้อนสอนลอนซ้อนกันอยู่ พี่อยากไปเว้าชู้ชอนเล่นดั่งหน่วยภู


    ยาว ผญาย่อย

    ***พี่จารย์เอ้ย สิมาจาเว้าเล่น ขอซอน ซ้อนบ่อน
    สิมาขอ เข้าซ้อน ซอนเล่น ดั่งหน่วยภู จั่งใด๋น้อ
    แนวผุซายเจ้าซู้ กะเว้าง่าย ตามลาย น้อพี่น้อ
    น้องนี่อาย คันบ่จริง หมู่คน สิหยันเย้ย
    อ้ายอย่าเลยครองเค้า ฮีตเก่า แต่เป็นมา
    คันว่าจริงให้มาจา นำพ่อนาง ผู้เพียรเลี้ยง
    ขันหมากพลู เตรียมมาพร้อม พงศ์พันธุ์ พร้อมพร่ำ
    บ่แม่นมาหยอดเว้า ผญาน้อย พอคึดนำ พี่เอ๋ย 5555ฮิ้วๆๆๆ
    (ขอเว้าแทนผุสาวแหน่ 5555คันแข่ว)



    คุณจารย์ใหญ่:

    บุญชู คันสิเมือนำเจ้าเต็มทีหัวใจอยู่ ย้านเเต่แม่นั้นน้องว่า ย้านเเต่ป้าเจ้าฮ้าย ย้านเเต่อ้ายเจ้าเว้า โลดผัวเจ้าสิไล่ฟัน
    คีงขวัญ คันเจ้าเว้าจั่งซั้น ขอให้กลั่นเป็นคำคัก ขอให้นางนั้นมาทักเเห่งกันพันอ้าง
    น้อนาง น้องมาสัญญาหมั้น นำพี่ชายเว้ากลั่นๆ อกกระสันต์ปวดร้าวหนาวฮ้อนห่มใน
    อ้ายนี้ คันได้วาจาเว้าต้องเอาจริงหรอกเป็นเเหน่ ความปากจาได้ว่าเเล้ว ต้องเอาแท้หรอกเเน่นอน

    เดียวนี้ อ้ายกะว่ามักน้อง น้องกะว่านั้นมักอ้าย เเน่นเเหน่บ่แปรผัน คนมักกันบ่ควรเเพง เเข้งขากะบายได้
    น้อนาง บายในไสกะบ่ฮ้าย น้อนางคันว่าเเหน่ ขอบายเเพรนั้นเเผ่นผ้าของน้องเจ้าห่มมา

    เดียวนี้ คันว่าเจ้าบ่กล้า จักเจ้าเกิดมาหยัง ส่างบ่ตายคาฮู ดั่งกะปูยามเเล้ง
    นางเอ้ย อดพอแปลงกระบวนให้เห็นลายหน่องนิเเหน่ง ให้นางเว้านั้นเเน่นๆแฟนอ้ายว่าจังใด๋

    อกอุ่น มาเอากันให้มันเเล้ว เบิ๊ดสู่เเนวน้องอย่าปล่อย อายุเฮาบ่ฮอดร้อยสิอดได้ฮอดย่านใด
    คนไค ไผสิอดหรอกทนได้ ให้น้องฮ่ำหรอกฮอนคิด คันได้ชมเต็มใจ หากแม่นตายกะพอเเล้ว

    นางเอ้ย เเนวเฮาเป็นคนสร้าง โลกานั้นโลกหลุ่ม ตัณหามันนั้นห่อหุ้มเเสนตื้อติ่วอสงข์
    พี่น้อง องค์พระพุทธเจ้าใช้ชาตินั้นกรรมเวร ก็เป็นนำตัณหาโลดจ่องดึงนั้นตันไว้

    คนไค ขอให้สายใจน้องสาวคำนางให้จาต่อ คันเเม่นเว้าถืกข้อ สิขอน้องเข้าเเต่งงาน จั่งว่าเเก้มปั่นหวั่น สวรรค์อยู่ในใจเอย..



    ยาว ผญาย่อย

    ***ฮ้วย พอพอพอ นางนี่บ่เอาแหล่ว พี่จารย์เอ้ย เจ้าอย่าล่วง
    แนวของรัก ของหวง น้องนี่ขอ ขอดเมี้ยน มูลเค้า อี่แม่ปัน
    สิมาบีบมาคั้น เอาง่ายง่าย ตามใจชาย
    ป้าด น้องนี่อายอย่ามาซูน สิหม่นรา คีน้อง
    มืออย่าวอง ใจอย่าฟ้าว จาวา อ้ายอย่าล่วง ตี้ล่ะ
    อันของหวง อ้ายอย่ารั้น ดันยู้ ตู่สิเอา
    ส่างสิมาหาเว้า เอากันสา แบบง่ายง่าย พะน้า
    อายชาวเมือง แหน่ล่ะพี่ แนวนี่ เพิ่นบ่เสริญ
    ความเพิ่นเอินมาเว้า เกิดมาหยัง คันขี่ขลาด พะนะ
    ป้าด จารย์หยังน้อ บาดนี่ ซ่างหาญเว้า ว่าเป็น
    คันพี่จารย์อยากล่องเล่น ง่ายง่าย สบายใจ
    เสาไฟอยู่ ติดเฮือน เขากะเจาะ ฮูไว้
    แหย่ไปตี้ล่ะจ้า จักสามคืน ไผสิว่า
    เอาจนขาซี้ฟ้า สมใจเจ้า อี่พ่อจารย์ ตั้วพี่เอ้ย 55555 ฮิ้ว ๆๆ



    คุณจารย์ใหญ่

    น้อนาง คันว่ามักคือบ่ให้พี่ใกล้ จับไหล่บายแขน
    ว่าจั่งใดน้อแฟนสิแม่นบ้อแนวนี้
    เดียวนี้ มักอีหลีบ้อน้องหล้า สิเอาชายอีหลีบ่
    ขอเห็นใจแหน่ล่ะน้อง พี่ขอต้องหน่วยบักนาว

    น้อสาว มันสิจางหรือส้ม ขมเค็มเด้น้องอุ่น
    ยามขอซูนน้องพัดฮ้าย ขอซูนซ้ำด่าพี่ชาย

    แฟนเอ้ย เลยสิบ่ได้ล่ำ เห็นบ่อนเบาหนัก
    บ่าวพี่ชายจาคำคัก หากเล่ามายทางน้อง

    น้อนาง เว้านำใจแม่ญิงนี้ บ่มีจริงเจ้าจักอย่าง
    เว้าแต่ปากอยากแต่ท้องใจน้องบ่แน่นอน

    นางเอ้ย แนวว่าเฮือคาแก้ง ถอยคืนมันบ่ง่าย
    คันว่าน้องเจ้ามักอ้าย ต้องยอมให้พี่นี้บาย

    เดียวนี้ ขอให้สายใจน้องตัดขาดสีนเพียง
    พี่สิคอยฟังเสียง หม่อมพะนางสิจาเว้า
    พี่สิเซาลงไว้ สาวคำนางให้จาต่อ พี่ชายเด้อคำเอย...



    ยาว ผญาย่อย

    ***หึย หึย หึย ! เว้าท่อได๋ ผั่นหั่งหม่น แนวว่าคน หน้ามึนใหญ่
    พี่จารย์เอ้ย ว่าท่อได๋ ผั่นหั่งหยับเข้าใกล้ บ่อายบ้าน เพิ่นสิเห็น
    เว้าเอาเป็น เห็นแก่ได้ บ่เห็นใจ คนอื่น
    ขืนอยู่นำ คงสิบ่ซอดแจ้ง เสร็จจารย์แท้ แน่นอน
    พี่เอ้ย เจ้าอย่าฟ้าวใจฮ้อน รีบล่วง เกินกาล
    หากมันเถิงเวลา น้องสิยอ ถวายม้วน
    บ่สมควรตอนนี้ มันบ่ดีพ่อแม่น้อง สิด่า
    หากผิดพลาดขึ้นมา น้องคนเดียวท่อนั้น สิทนสู้ รับกรรม
    คันอยากคลำ อดบ่ได้ สิปรึกษา กะได้อยู่ พี่เอ้ย
    ควายอี่ตู้ อยู่ไต้เล้า นมมันโต้น เต่งตึง
    ไปคลึงสาตี้อ้าย คงเต็มมือ บักนาวใหญ่
    หน่ำลงไป หม่องหนักเบา คันอยากเมี้ยน เซิญอ้าย ขื้นขี่โคม พี่จารย์เอ้ย 55

    สาวยาวกับบ่าวใหญ่สาวยาวกับบ่าวใหญ่สาวยาวกับบ่าวใหญ่
    แก้ไขครั้งสุดท้ายโดย หนุ่มหน้าลาว; 14-07-2012 at 10:06.


  2. #2
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    858
    บล็อก
    1
    มักการวางรูปแบบละจ้า งามดีจ้า คำกะคล่องดี ขอยกนิ้วให้เลยจ้า

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    "ทิดแฮ่งฮาน จารย์แฮ่งห่าว ทางเฒ่ายาว เผิ่นแฮ่งใหญ่
    ปากหว่าเถิงมือไว ธาตุไฟหัวใจไก่ หักฟดไม้ตีไว้กะบ่ฟัง"

    :l-:l-:l-:l-:l-:l-
    เป็นภาษาแบบบ้านบ้านเว้ากันแบบซื่อๆปากกับใจตรงกัน
    การวางคำจักหวะจะโคน ลีลาลูกล่อลูกชน หยิกหยอก เยี่ยมยอด เท่าที่ติดตามอ่านมา
    แนวนี่..หนุ่มหน้าลาว..เลาสิไหลลื่นปานปลาไหลใส่สเก็ตเลย
    ปล..เป็นลิขสิทธิ์เฉพาะรุ่นใหญ่และรุ่นใหญ่เติบถ้าสาวส่ำน้อยสิหน้าแดง..55555

  4. #4
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    ป้าดๆๆๆๆคือม่วนแท้ครับ วางคำได้เหมาะเจาะอีหลี

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •